<div class="article-content">
<p><strong>ភ្នំពេញ ៖</strong> ក្មេងស្រី ២នាក់ ម្នាក់ស្លាប់ និងម្នាក់ទៀត រងរបួសធ្ងន់ បន្ទាប់ពីពួកគេ ទាំងពីរ បានជិះម៉ូតូ<br /> មួយគ្រឿង ហើយជួប គ្រោះថ្នាក់ចរាចរ ដោយបុករថយន្ដហ៊ីណូ មួយគ្រឿង កំពុងធ្វើដំណើរស្រប<br />ទិសគ្នា បម្រុងចូលទៅដឹកត្រីក្នុងយឿត្រីគីឡូម៉ែត្រ លេខ ៩ ខណ្ឌឫស្សីកែវ ប៉ុន្ដែ ក្រោយពីជួប គ្រោះ<br />ថ្នាក់ ចរាចរ រហូតដល់ស្លាប់ និងរង របួសខាងលើនេះ អ្នកបើករថយន្ដបានបើក ចូលយឿត្រីតែម្ដង <br />មិនត្រូវ បានសមត្ថកិច្ច ឃាត់រថយន្ដ និងឃាត់អ្នកបើកបរឡើយ ។</p>
<p>គ្រោះថ្នាក់ចរាចរ ដែលបានផ្ដាច់ជីវិត ក្មេងស្រីទាំងពីរនាក់មុខរបរជាអ្នកបោកគួក ខាងលើនេះ បាន<br />កើត ឡើងកាលពីវេលា ម៉ោង ប្រមាណ ១២ និង២០នាទី ស្ថិតនៅ លើកំណាត់ផ្លូវជាតិលេខ ៥ ក្នុង<br />ភូមិទី២ សង្កាត់ច្រាំងចំរេះ១ ខណ្ឌឫស្សីកែវ ។</p>
<p>យោងតាមសេចក្ដីរាយការណ៍ ពីសាក្សី និងប្រជាពលរដ្ឋ នៅកន្លែងកើតហេតុបាន ឱ្យដឹងថា មុនពេល<br /> កើតហេតុ នារី ២នាក់ ដែលមានអាយុមិនដល់ ២០ឆ្នាំផង បានជិះ ម៉ូតូម៉ាក ហ៊ីណូ មួយគ្រឿង ពណ៌<br /> ក្រហម លាយស លុះធ្វើដំណើរមកដល់ចំណុចកើត ហេតុ ដែលស្របទិសគ្នាជាមួយរថយន្ដក៏បានបុក<br /> ពេញមួយទំហឹង បណ្ដាលឱ្យក្មេង ស្រីអាយុ ១៧ឆ្នាំ ស្លាប់ភ្លាមៗនៅកន្លែង កើតហេតុ និងក្មេងស្រីម្នាក់<br /> ទៀត អាយុ១៦ ឆ្នាំ រងរបួសធ្ងន់ ។</p>
<p>ប្រភពព័ត៌មាន ពីប្រជាពលរដ្ឋបានឱ្យ ដឹងថា ក្រោយពីកើតហេតុអ្នកបើករថយន្ដ បានបើកសំដៅចូល <br />ទៅយឿត្រី គីឡូម៉ែត្រ លេខ ៩ ក្នុងខណ្ឌឫស្សីកែវ មិនត្រូវបាន សមត្ថកិច្ចឃាត់រថយន្ដ និងឃាត់អ្នក<br />បើកបរឡើយ ។ ក្រោយកើតហេតុរួចគេឃើញ កម្លាំងសមត្ថកិច្ចមូលដ្ឋាន និងមន្ដ្រីនគរបាល ចរាចរ<br />ជើងគោកចុះទៅដល់កន្លែងកើត ហេតុ ដើម្បីជួយអន្ដរាគមន៍ ។ បើតាម សមត្ថកិច្ច ក្មេងស្រីដែលស្លាប់<br /> ភ្លាមៗនៅ កន្លែងកើតហេតុ មានឈ្មោះ ឃ្លោក កញ្ញា អាយុ ១៧ឆ្នាំ មុខរបរ ជាអ្នកបោកគួកស្នាក់នៅ <br />ក្រុមទី៥ ភូមិ២សង្កាត់ជ្រោយ ចង្វារ ខណ្ឌឫស្សីកែវ រីឯក្មេងស្រីម្នាក់ទៀត ដែលរងរបួសធ្ងន់ ត្រូវបាន <br />ដឹកបញ្ជូនទៅ កាន់មន្ទីរពេទ្យ មានឈ្មោះ ចេង បុបា្ជ អាយុ ១៦ឆ្នាំ មុខរបរ ជាអ្នកបោកគួក ស្នាក់នៅ <br />សង្កាត់ទួលសង្កែ ខណ្ឌឫស្សីកែវ ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0776.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0777.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0778.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>