<div class="article-content">
<p><strong>ភ្នំពេញ៖</strong> ខណៈដែលអាជ្ញាធរ កំពុងមមាញឹក ក្នុងការរក្សា សណ្តាប់ធ្នាប់ និងសុវត្ថិភាព ពេលរដូវ<br /> ឃោសនាបោះឆ្នោតនោះ ម្ចាស់សំណង់ម្នាក់ បានលួចសាងសង់ផ្ទះដោយខុសច្បាប់គឺសង់រំលោភ<br />លើព្រែក និង លើបង្កាន់ដៃស្ពាន ដែលច្បាប់បានហាមឃាត់។ សំណង់មួយនេះ បាននិងកំពុង <br />សាងសង់នៅលើមាត់ព្រែកប្រា ពិសេសសង់ នៅជាប់ស្ពាន ដោយគងពីលើបង្កាន់ ដៃស្ពាន យ៉ាង<br />រលូន គិតមក ដល់ពេលនេះ ។</p>
<p>សំណង់នោះ សាងសង់បានប្រមាណ ២០ភាគរយហើយ ដូច្នេះសូមអាជ្ញាធរសង្កាត់ខណ្ឌត្រូវមាន<br />វិធានបន្ទាន់ ចុះទៅឃាត់ និងឲ្យធ្វើកិច្ចសន្យា ឲ្យបញ្ឈប់ការសាងសង់ ជាបន្ទាន់ ។</p>
<p>ពាក់ព័ន្ធនឹង ករណីលួចសាងសង់ផ្ទះ នៅលើព្រែក និងនៅលើបង្កាន់ដៃស្ពាននេះ លោក លីវ វណ្ណ<br />ថេង ចៅសង្កាត់ព្រែកថ្មី បានប្រាប់មជ្ឈមណ្ឌល ដើមអម្ពិលថា ចំពោះបញ្ហានេះ អាជ្ញាធរ សង្កាត់ <br />បានរាយការណ៍ទៅខណ្ឌហើយ ។</p>
<p>លោកបន្តថា តាមការណែនាំ របស់អភិបាលខណ្ឌ លោក គួច ចំរើន ឲ្យអាជ្ញាធរសង្កាត់ ចាត់វិធាន<br />ការទប់ស្កាត់ ចំពោះសំណង់អនាធិបតេយ្យនិងសំណង់មិនរៀបរយ ដែលបានសាងសង់លើ ដីរដ្ឋ<br /> ឬដីសាធារណ: តួយ៉ាង ដូចជា សំណង់កំពុងសាងសង់នេះ មិនត្រឹមតែសង់រំលោភលើ ចំណីមាត់<br />ព្រែកប្រាទេ គឺសង់រំលោភមក លើបង្កាន់ ដៃស្ពានព្រែកប្រាតែម្តង ដែលទង្វើនេះ គឺអាជ្ញាធរ មិន<br />អនុញ្ញាត ឡើយ ហើយ ត្រូវស្នើឲ្យម្ចាស់សំណង់ ត្រូវធ្វើការរុះរើជាបន្ទាន់ ។</p>
<p>លោកបញ្ជាក់ទៀតថា បើម្ចាស់ទីតាំងនៅតែរឹងទទឹងអាជ្ញាធរ និងចុះទៅវាយ កំទេចចោល ដោយ<br />គ្មានការយោគយល់ឡើយ។ លោកបានឲ្យដឹងថា សំណង់អត់ច្បាប់មួយនេះ បានលួច សាងសង់<br />ក្នុងអំឡុង ពេលឃោសនា បោះឆ្នោតនេះ។ សំណង់នោះ មានទំហំ ប្រមាណជា៤ម៉ែត្រ គុណនិង<br />៥មែត្រគឺស្ថិតនៅលើព្រែកប្រា ព្រំប្រទល់ សង្កាត់ព្រែកប្រា និងសង្កាត់ព្រែកថ្មីក្នុង ភូមិចំពុះក្អែក១<br /> សង្កាត់ព្រែកថ្មី ខណ្ឌមានជ័យ មានម្ចាស់ឈ្មោះមាស ម៉ាលីន ភេទស្រី អាយុ៥១ឆ្នាំ ជាអាជីវករ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0740.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0741.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0742.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0743.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>