<p>រូបថតចំនួន ២០០.០០០ សន្លឹក ដែលត្រូវបានអ្នកប្រើប្រាស់ផ្ញើតាមរយៈ Snapchat កំពុងតែស្ថិត<br />ក្នុងដៃរបស់ក្រុមហែកឃើរ ក្នុងនោះ ក៏មានរូបថតអាក្រាតរាប់ពាន់សន្លឹក។</p>
<p style="text-align: center;"><a class="thickbox" title="" href="/FileManager/Commons/2014/10/11/ha4-11-10-2014--21-35-50.jpg"><img src="/FileManager/Articles/mce/2014/10/11/ha4-11-10-2014--21-35-50.jpg" alt="" /></a></p>
<p style="text-align: center;">Snapchat ត្រូវហែកឃើរ វាយប្រហារ<br /><br /></p>
<p>កាលពីថ្ងៃព្រហស្ដកន្លងទៅ ក្រុម ហែកឃើរ បានប្រកាសនៅលើទំព័រ 4Chan (ជាទំព័រដ៏ល្បីដែល<br />ត្រូវបានហែកឃើរ ប្រើប្រាស់សម្រាប់បង្ហើបពីសកម្មភាពរបស់ខ្លួន) ឱ្យដឹងថា ពួកគេកំពុងតែកាន់<br />កាប់ទិន្នន័យដ៏ធំមួយ រួមមានវីដេអូយ៉ាងច្រើន និងរូបថតប្រហែល ២០០.០០០សន្លឹក ដែលអ្នក<br />ប្រើប្រាស់បានផ្ញើតាមរយៈ Snapchat ក្នុងចំណោមនោះ ក៏មានរូបថត រាប់ពាន់សន្លឹក ជារូបថត<br />អាក្រាតកាយ។ ទិន្នន័យទាំងអស់ ត្រូវបានកម្មវិធីសបវ៉ែររបស់ក្រុមទីបី ប្រមូលបាន ក្នុងអំឡុង<br />ពេលជាច្រើនឆ្នាំមកនេះ មានសរុបចំនួន 13 GB។</p>
<p style="text-align: center;"><a class="thickbox" title="" href="/FileManager/Commons/2014/10/11/ha-11-10-2014--21-41-22.jpg"><img src="/FileManager/Articles/mce/2014/10/11/ha-11-10-2014--21-41-22.jpg" alt="" /></a></p>
<p>សូមបញ្ជាក់ថា Snapchat តែងតែលុបរូបថតចោល នៅប៉ុន្មានវិនាទី បន្ទាប់ពីអ្នកប្រើប្រាស់បាន<br />ផ្ញើចេញទៅ។ ប៉ុន្ដែ បណ្ដាកម្មវិធីសបវ៉ែររបស់ភាគីទីបី បានអនុញ្ញាតឱ្យមានការថតទុកនូវបណ្ដា<br />រូបភាពដែលអ្នកប្រើប្រាស់បានផ្ញើ ឬបានទទួល។ ក្រុមហែកឃើរ បានឱ្យដឹងថា ពួកគេបានចូល<br />លុកលុយក្នុង Snapsave ដែលជាសេវាកម្មមួយ អនុញ្ញាតឱ្យអ្នកប្រើប្រាស់រក្សារូបថតពីសេវាកម្ម<br /> Snapchat ។</p>
<p style="text-align: center;"><a class="thickbox" title="" href="/FileManager/Commons/2014/10/11/ha2-11-10-2014--21-40-20.jpg"><img src="/FileManager/Articles/mce/2014/10/11/ha2-11-10-2014--21-40-20.jpg" alt="" /></a></p>
<p>ភាគីខាង Snapchat បានទទួលស្គាល់ថា បញ្ហាខាងលើគឺមានពិត ប៉ុន្ដែ Snapchat បានទម្លាក់<br />កំហុសលើកម្មវិធីសបវ៉ែរនៃភាគីទីបី ដែលបានប្រមូលយកទិន្នន័យទាំងនេះរបស់អ្នកប្រើប្រាស់។</p>
<p>Snapchat បានប្រកាសថា ៖ “យើងអាចបញ្ជាក់បានថា ប្រព័ន្ធរក្សាទិន្នន័យ (Savers) របស់យើង<br /> គឺមិនដែលត្រូវគេវាយប្រហារនោះទេ។ បណ្ដាអ្នករងគ្រោះនៃករណីនេះ បានប្រើប្រាស់កម្មវិធី<br />របស់ភាគីទីបី ដើម្បីផ្ញើ និងទទួល Snaps (ប្រភេទសាររបស់ Snapchat) ជាសកម្មភាពមួយ ត្រូវ<br />បានហាមឃាត់ ដែលមានសរសេរនៅក្នុងលក្ខខណ្ឌនៃការប្រើប្រាស់សេវារបស់យើងខ្ញុំ”។</p>
<p style="text-align: center;"><a class="thickbox" title="" href="/FileManager/Commons/2014/10/11/ha5-11-10-2014--21-42-40.jpg"><img src="/FileManager/Articles/mce/2014/10/11/ha5-11-10-2014--21-42-40.jpg" alt="" /></a></p>
<p style="text-align: center;">Snapchat គឺជាកម្មវិធីផ្ញើ និងទទួលទិន្នន័យ (OTT) មួយ កំពុងពេញនិយមនាបច្ចុប្បន្ន<br /><br /></p>
<p>គួររំលឹកថា កាលពីពេលថ្មីៗនេះ ក្រុមហែកឃើរ ក៏ធ្លាប់បានបញ្ចេញបណ្ដារូបថតអាក្រាតកាយ<br />របស់បណ្ដាតារាល្បីរបស់ Hollywood ដែលថតទាំងនោះត្រូវបានហែកឃើរអះអាងថា ពួកគេ<br />យកបានដោយការវាយលុកលើ iCloud របស់ Apple ។ ប៉ុន្ដែ ករណីនេះ Apple បានបដិសេធថា<br /> iCloud មិនត្រូវបានគេវាយប្រហារនោះទេ។</p>
<p style="text-align: center;"><a class="thickbox" title="" href="/FileManager/Commons/2014/10/11/ha6-11-10-2014--21-37-33.jpg"><img src="/FileManager/Articles/mce/2014/10/11/ha6-11-10-2014--21-37-33.jpg" alt="" width="457" height="236" /></a></p>
<p style="text-align: center;">ក្រុមហែកឃើរ ក៏ធ្លាប់លួចបានរូបថតអាក្រាតរបស់តារាល្បីៗ ពី iCloud<br /><br /></p>
<p>សូមបញ្ជាក់ផងដែរថា Snapchat គឺជាកម្មវិធីផ្ញើ និងទទួលទិន្នន័យ (OTT) មួយ កំពុងពេញនិយម<br />នាបច្ចុប្បន្ន។ យោងតាមការស្រាវជ្រាវកាលពីខែឧសភា ឆ្នាំ ២០១៤ គេឃើញថា មានអ្នកប្រើ<br />ប្រាស់ចំនួន ៧០០លាននាក់ បានផ្ញើរូបថត និងវីដេអូ តាមរយៈ Snapchat ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Daily Mail/Mashable<br /><br /></p>