<p><span style="color: #000000;"><strong>(ពោធិ៍សាត់)៖</strong> ស្ដ្រីម្នាក់ចេញពីងូតទឹកក្នុងបន្ទប់ទឹក ត្រូវបានខ្សែភ្លើងឆក់ស្លាប់ ពេលដែរច្រតដៃប៉ះ កុងតាក់ភ្លើងជាប់ជញ្ជាំង។</span></p>
<p><span style="color: #000000;">ហេតុការណ៍នេះកើតឡើង កាលពីវេលាម៉ោង ៧៖៤០នាទីយប់ ថ្ងៃទី១៦ ខែកក្កដា ឆ្នាំ២០១៦ នៅចំណុចភូមិឈើទាលខ្ពស់ ឃុំក្បាលត្រាច ស្រុកក្រគរ ខេត្តពោធិ៍សាត់។</span></p>
<p><span style="color: #000000;">លោក ឯម រុន អធិការនគរបាលស្រុកក្រគរ បានប្រាប់ភ្នាក់ងារ Fresh News ឱ្យដឹងថា ស្ដ្រីដែលស្លាប់នោះ មានឈ្មោះ ទូច សុភ័ក្ត្រ អាយុ២៩ឆ្នាំ ជនជាតិខ្មែរ មានប្តីឈ្មោះ ចាន់ នី មានកូនក្នុងបន្ទុក១នាក់។</span></p>
<p><span style="color: #000000;">លោកអធិការបន្ដថា មុនពេលកើតហេតុ ស្ត្រីរងគ្រោះបានទៅងូតទឹកក្នុងបន្ទប់ទឹក ពេលងូតរួចប្រហែលជា ទទឹកខ្លួនជោកបានកាន់ កុងតាក់ភ្លើងជាប់នឹងជញ្ជាំង ដោយដៃនៅសើម ពេលប៉ះទៅស្រាប់តែឆ្លងចរន្ដភ្លើង ឆប់ស្លាប់ភា្លមៗនៅកន្លែងកើតហេតុ។</span></p>
<p><span style="color: #000000;">ក្រោយពេលកើតហេតុ ក្រុមគ្រួសារក៏បានព្យាយាមបញ្ជូនស្ត្រីរងគ្រោះ ទៅមណ្ឌលសុខភាព ដើម្បីជួយសង្គ្រោះ តែជាអកុសលស្ត្រី រងគ្រោះបានស្លាប់បាត់បង់ជីវិតទៅហើយ។</span></p>
<p><span style="color: #000000;">បច្ចុប្បន្នសាកសពត្រូវបានសមត្ថកិច្ច ប្រគល់ឱ្យក្រុមគ្រួសារ ដើម្បីធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-07-17-13-31-17-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-17-13-31-17-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-17-13-31-18-2.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span><br /><br /></p>