<p><span style="color: #000000;"><strong>(ភ្នំពេញ)៖</strong> តារាសម្តែងស្រីសខ្ចីកញ្ញា មាស សម្ផស្ស កាលពីកន្លងមក បានប្រកាសឲ្យមហាជនដឹងជាសាធារណៈ អំពីទំនាក់ទំនងស្នេហា រហូតឈានដល់ដំណាក់កាល នៃការភ្ជាប់សម្ព័ន្ធមេត្រីភាព ធ្វើពិធីភ្ជាប់ពាក្យជាផ្លូវការ ជាមួយគូដណ្តឹង រូបសង្ហារ កាលពីអំឡុងឆ្នាំ២០១៣។ ប៉ុន្តែទោះបីជាយ៉ាងនេះ ក៏ពិតមែនគិតមកទល់ពេលបច្ចុប្បន្ននេះ គូស្នេហ៍ពួកគេពុំទានប្រកាស ឬបង្ហើបឲ្យដឹងពីចំណងអាពាហ៍ពិពាហ៍ នៅពេលណានោះឡើយ។</span></p>
<p><span style="color: #000000;">ស្របពេលដែលការសាងសម្ព័ន្ធភាពស្នេហា ជាមួយគ្នាអស់រយៈកាលជិត៤ឆ្នាំមកនេះ ជាការកត់សម្គាល់កន្លងមក ត្រូវបានមហាជនជាច្រើន តែងលើកសរសើរ ចំពោះចំណងស្នេហ៍ រវាងតារាស្រី កញ្ញា មាស សម្ផស្ស ជាមួយអនាគត់ស្វាមី ខណៈជារឿងៗអ្នកទាំងពីតែងបង្ហាញពីភាពស្និទ្ធស្នាល ល្អូកល្អឺនស្រឡាញ់គ្នា ស្ទើរលេបទៅហើយនោះ។ ប៉ុន្តែយ៉ាងមិញ វាបែរជាផ្ទុយពីការគិត របស់មហាជនព្រោះថ្មីៗនេះ ស្រាប់តែកញ្ញា មាស សម្ផស្ស បែរជាបង្ហាញសារខូចចិត្ត ខណៈដែលគូស្នេហ៍លួចល្បត់ចិត្ត មានស្រីថ្មី ធ្វើឲ្យនាងឈឺចាប់ស្ទើរតែស្លាប់ខ្លួន ។</span></p>
<p><span style="color: #000000;">បើតាមការទម្លាយ និងការរៀបរាប់របស់តារាស្រី កញ្ញា មាស សម្ផស្ស បានបញ្ជាក់ថា «ថ្វីត្បិតតែយើងមិនទាន់រៀបអាពាហ៍ពិពាហ៍ ក៏ពិតមែន តែតាមផ្លូវច្បាប់ យើងជាប្តីប្រពន្ធនឹងគ្នា ហើយអូនដឹងថា ពួកយើងមិនមានថវិកាគ្រប់គ្រាន់ សំរាប់រៀបការមែន ប៉ុន្តែអូនស្រឡាញ់បងដោយស្មោះ អូនបានលះបង់សព្វបែបយ៉ាង អស់ហើយ ក៏មិនដែលចង់បានអ្វី ពីបងដែរ !»។</span></p>
<p><span style="color: #000000;">តារាស្រីរូបស្រស់ កញ្ញា មាស សម្ផស្ស បានបន្ថែមទៀតថា «រយៈពេលជិត៤ឆ្នាំ ខាងមុខនេះ យើងទាំងពីរនាក់ ខំប្រឹងប្រែងមិនថា ជួបឧបសគ្គច្រើនយ៉ាងណាទេ ពួកយើងមិនដែលរាថយឡើយ អូនស្រឡាញ់បងដោយស្មោះ មែនមិនដែលមានចិត្ត គិតពីនាក់ណាក្រៅពីបងទេ អ្វីដែលអូនចង់បាន គឺភាពស្មោះត្រង់ កុំក្បត់គ្នាវាគ្រប់គ្រាន់ហើយ សម្រាប់អូន តែអ្វីដែលបងតបស្នងមកឲ្យអូនវិញ មានតែការក្បត់មានតែការឈឺចាប់ហេតុអី ក៏បងមកបោកប្រាស់សេចក្តី ស្នេហាអូនដូច្នេះ? ឲ្យអូនសុំទោសដែលអូនលាតត្រដាង ការពិតមកពីអូនទ្រាំមិនបាន ឈឺចាប់ហួសការស្មាន តែពេលនេះបងលេងត្រូវការអូនហើយ តែអូនសូមជូនពរបង!»៕</span></p>
<p><span style="color: #000000;"><img class="aligncenter" src="https://fb-s-a-a.akamaihd.net/h-ak-xpa1/v/t1.0-9/15400460_1674145295945107_1601179626607005563_n.jpg?oh=c66314d1c9ed1937b1c94925168dd63d&oe=58B5F3A1&__gda__=1492858844_de16528bc8cfefbd5870c9f11e43e612" alt="" /></span></p>
<p><span style="color: #000000;"><img class="aligncenter" src="https://fb-s-c-a.akamaihd.net/h-ak-xat1/v/t1.0-9/15319157_1674145299278440_8084811511854760236_n.jpg?oh=7209c3eeceba7009a95a22283e2d839a&oe=58C479BF&__gda__=1492099488_401160ccc2d82cdc6cc7e35076e4c2b9" alt="" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថតឃីង</span></p>