<p><span style="color: #000000;"><strong>ភ្នំពេញ៖</strong> នារីម្នាក់បម្រើការជាសន្តិសុខនៅរោងចក្រស៊ិនតាយ ក្នុងសង្កាត់ចោមចៅ ត្រូវបាននារីមិនស្គាល់អត្ត សញ្ញាណម្នាក់យកទឹកអាស៊ីតចាក់ស្រោចរលេះរលួយពេញខ្លួន ពេលកំពុងដើរទៅធ្វើការនាម៉ោង ៦ និង១០នាទី ព្រឹកថ្ងៃទី០៦ ខែមីនា ឆ្នាំ២០១៥នេះ នៅមុខផ្សារកាណាស៊ីធី ភូមិចោមចៅ សង្កាត់ចោមចៅ ខណ្ឌពោធិ៍សែន ជ័យ។ អំពើហិង្សាវាយប្រហារដោយទឹកអាស៊ីតនេះ មិនទាន់មាននរណាម្នាក់បញ្ជាក់ពីមូលហេតុនៅឡើយទេ។</span></p>
<p><span style="color: #000000;">សមត្ថកិច្ចបានឲ្យដឹងថា នារីរងការវាយប្រហារដោយទឹកអាស៊ីតនេះ មានឈ្មោះ អានី អាយុ ២០ឆ្នាំ ស្នាក់នៅផ្ទះ ជួលភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">យោងតាមការបំភ្លឺពីនារីរងគ្រោះ បានឲ្យដឹងថា នៅមុនពេលកើតហេតុខណៈរូបនាង ដើរទៅធ្វើការដល់ចំណុច កើតហេតុ ស្រាប់តែមាននារីមិនស្គាល់អត្តសញ្ញាណម្នាក់ ជិះម៉ូតូមកក្បែរហើយសួរថា «ធ្វើការនៅឯណា?»។ នារី រងគ្រោះ ក៏បានឆ្លើយតបវិញថា «ធ្វើសន្តិសុខនៅរោងចក្រស៊ិនតាយ»។</span></p>
<p><span style="color: #000000;">នារីរងគ្រោះបន្តថា គ្រាន់តែរូបនាងឆ្លើយមិនទាន់ផុតពីមាត់ផង នារីជាជនល្មើសក៏បានចាក់ទឹកអាស៊ីតស្រោចលើ ខ្លួននាងតែម្តង ហើយក៏ជិះម៉ូតូគេចខ្លួនតែម្តង។</span></p>
<p><span style="color: #000000;">នារីរងគ្រោះ ដែលត្រូវទឹកអាស៊ីតស្រោចពេញខ្លួន បានក្រហល់ក្រហាយពេញខ្លួន និងមានអាការៈស្លេកស្លាំងមួយ រំពេច។ ប្រជាពលរដ្ឋនៅជិតកន្លែងកើតហេតុ បាននាំគ្នាបាញ់ទឹកស្រោចលើខ្លួននារីរងគ្រោះ ដើម្បីបន្សាបអាស៊ីត មុនដឹកបញ្ជូនទៅកាន់មន្ទីរពេទ្យរុស្ស៊ី ឲ្យក្រុមគ្រួពេទ្យជួយសង្រ្គោះនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/6/3-6-2015-9-15-17-am-06-03-2015--09-19-51.png"><img src="/FileManager/Articles/mce/2015/3/6/3-6-2015-9-15-17-am-06-03-2015--09-19-51.png" alt="" /></a></span></p>
<p><a class="thickbox" title="" href="/FileManager/Commons/2015/3/6/3-6-2015-9-15-32-am-06-03-2015--09-20-02.png"><img src="/FileManager/Articles/mce/2015/3/6/3-6-2015-9-15-32-am-06-03-2015--09-20-02.png" alt="" /></a></p>
<p><a class="thickbox" title="" href="/FileManager/Commons/2015/3/6/3-6-2015-9-15-46-am-06-03-2015--09-20-19.png"><img src="/FileManager/Articles/mce/2015/3/6/3-6-2015-9-15-46-am-06-03-2015--09-20-19.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>