<p><span style="color: #000000;"><strong>(ភ្នំពេញ)៖</strong> ស្ថានឯកអគ្គរាជទូតខ្មែរ ប្រចាំសាធារណរដ្ឋកូរ៉េ បានបញ្ជាក់ឱ្យដឹងថា ពុំមានប្រជាពលរដ្ឋខ្មែរណាម្នាក់ ដែលកំពុងរស់នៅ និងធ្វើការនៅសាធារណរដ្ឋកូរ៉េ រងគ្រោះដោយសារព្យុះទឹកជំនន់ Typhoon Chaba នោះទេ ខណៈប្រជាពលរដ្ឋកូរ៉េស្លាប់ចំនួន ៧នាក់ បាត់ខ្លួនចំនួន៣នាក់ និងរងរបួសចំនួន១៩៨នាក់។</span></p>
<p><span style="color: #000000;">តាមសេចក្ដីប្រកាសរបស់ ស្ថានឯកអគ្គរាជទូតកម្ពុជា ប្រចាំនៅសាធារណរដ្ឋកូរ៉េ ដែលអង្គភាព Fresh News ទើបទទួលបាននៅល្ងាច ថ្ងៃទី៧ ខែតុលា ឆ្នាំ២០១៦នេះ បានឱ្យដឹងថា <strong>«មកទល់ពេលនេះ ពុំមានប្រជាពលរដ្ឋ និងពលករខ្មែរណាម្នាក់ ដែលកំពុងរស់នៅលើទឹកដី នៃសាធារណរដ្ឋកូរ៉េ រងគ្រោះដោយសារព្យុះទឹកជំនន់ Typhoon Chaba ដ៏ខ្លាំងខ្លា ដែលបានវាយប្រហារតំបន់ជាច្រើន នៅភាគខាងត្បូងប្រទេសកូរ៉េ កាលពីថ្ងៃពុធ ទី៥ ខែតុលា ឆ្នាំ២០១៦ នេះឡើយ»</strong>។</span></p>
<p><span style="color: #000000;">សេចក្ដីប្រកាសបានបន្តថា ក្រសួងសុវត្ថិភាពសាធារណៈ និងសន្ដិសុខ នៃសាធារណរដ្ឋកូរ៉េ បានប្រកាសថា «មានពលរដ្ឋកូរ៉េស្លាប់ចំនួន ៧នាក់, បាត់ខ្លួនចំនួន ៣នាក់, រងរបួសចំនួន ១៩៨នាក់, និងបានបំផ្លិចបំផ្លាញផ្ទះចំនួន ៥០០ខ្នង, ហាងចំនួន ១៥០កន្លែង, និងរថយន្ដចំនួន ១,០៤៦គ្រឿង ក្នុងហេតុការណ៍ព្យុះទឹកជំនន់ Typhoon Chaba នេះ»។</span></p>
<p><span style="color: #000000;">ទោះយ៉ាងណា ស្ថានឯកអគ្គរាជទូតកម្ពុជា ប្រចាំនៅសាធារណរដ្ឋកូរ៉េ នៅតែបន្ដអំពាវនាវដល់បណ្ដាសមាគមន៍ និងមជ្ឈមណ្ឌលគាំពារពលករបរទេស តាមតំបន់ទាំងអស់ ត្រូវតាមដានព័ត៌មានពាក់ព័ន្ធនឹងព្យុះទឹកជំនន់ខាងលើនេះឱ្យបានដឹតដល់ និងចាត់វិធានការបញ្ជៀសគ្រោះថ្នាក់ពីប្រជាពលរដ្ឋខ្មែរ ដែលរស់នៅទីនោះឱ្យបានទាន់ពេលវេលាផងដែរ៕</span></p>
<p><span style="color: #000000;"><img src="http://eoimages.gsfc.nasa.gov/images/imagerecords/88000/88867/chaba_tmo_2016278.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>