<p><span style="color: #000000;">ក្រុមហ៊ុន Apple បានព្រមានថា ការបែកបាក់គ្នា នៅក្នុងប្រទេសចិនដោយសារវីរ៉ូសកូរ៉ូណា នឹងធ្វើការប្រាក់ចំណូលធ្លាក់ចុះ ទាបជាងការព្យាករណ៍ទុក។</span></p>
<p><span style="color: #000000;">ក្រុមហ៊ុនបច្ចេកវិទ្យាយក្សមួយនេះ បានឱ្យដឹងថា ការផលិត និងការលក់បានរងការប៉ះពាល់ និងបាននិយាយថា “ ការផ្គត់ផ្គត់ iPhone សកលលោក នឹងរងសម្ពាធបណ្ដោះអាសន្ន”។ សហគ្រាសទូរសព្ទ iPhone គឺ គឺជាក្រុមហ៊ុនធំដំបូងគេ ដែលបាននិយាយថា ការរាតត្បាយវីរូសកូរ៉ូណា នឹងធ្វើឱ្យប៉ះពាល់ហិរញ្ញវត្ថុរបស់ខ្លួន ។ </span></p>
<p><br /><a class="thickbox" title="" href="/FileManager/Commons/2020/2/18/corona-18-02-2020--14-07-50.jpg"><img src="/FileManager/Articles/mce/2020/2/18/corona-18-02-2020--14-07-50.jpg" alt="" /></a></p>
<p><span style="color: #000000;">ក្រុមហ៊ុន Apple ដែលបានព្យាករណ៍ពីប្រាក់ចំណូលរហូត ៦៧ ពាន់លានដុល្លារ នៅត្រីមាសថ្មីៗនេះ ពុំបានបញ្ចេញពីប្រាក់ចំណូលថា សម្រេចដូចការព្យាករណ៍ទុកឡើយ ។</span></p>
<p><span style="color: #000000;">ក្រុមហ៊ុននេះ បាននិយាយនៅក្នុងរបាយការណ៍មួយថា យើងពុំបានរំពឹងថា នឹងសម្រេចបាននូវប្រាក់ចំណូល ដែលយើងកំណត់សម្រាប់ត្រីមាសខែមីនានោះទេ” ។ ក្រុមហ៊ុននេះបន្ថែមថា ខ្លួនធ្លាប់ជួបពិសោធន៍ការប្រែត្រឡប់ទៅរកសភាពដូចដើមវិញយ៉ាងយឺតជាងការរំពឹងទុក ។</span></p>
<p><span style="color: #000000;">ក្រុមហ៊ុននេះ បានបន្ថែមទៀតថា៖ “ ហាងរបស់យើងទាំងអស់ នៅក្នុងប្រទេសចិន និងហាងដៃគូរបស់យើងជាច្រើន បានបិទទ្វារ។ លើសពីនេះទៀត ហាងជាច្រើនដែលបើកលក់ បានកាត់បន្ថយម៉ោងលក់ និងមានភ្ញៀវចេញចូលទិញតិចខ្លាំងណាស់។ យើងកំពុងបើកហាងលក់រាយរបស់យើងឡើងវិញជាបន្តបន្ទាប់ ហើយនឹងដំណើរការលក់ឱ្យមានស្ថេរភាព និងសុវត្ថិភាព តាមតែអាចធ្វើបាន” ៕</span></p>
<p> </p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ BBC</span></p>
<p> </p>