<p><span style="color: #000000;"><strong>(កំពង់ធំ)៖</strong> រថយន្តយីឌុបមួយគ្រឿង បានបើកបុកបង្កាន់ដៃស្ពាន លាន់ដូចរន្ទះខែប្រាំង បណ្តាលឲ្យរថយន្តដាច់ជា៣កំណាត់ នៅវេលាម៉ោង ពាក់កណ្តាលអាធ្រាត្រ ចូលថ្ងៃទី១៦ ខែឧសភា ឆ្នាំ២០១៦ ស្ថិតនៅលើកំណាត់ផ្លូវជាតិលេខ៦ត្រង់ចំណុចភូមិពោធ៍ខាវ ឃុំត្បូងក្រពើ ស្រុកសន្ទុក ខេត្តកំពង់ធំ។</span></p>
<p><span style="color: #000000;">ស្នងការនគរបាលខេត្តកំពង់ធំលោកឧត្តមសេនីយ៍ត្រី ជូ សំអាន បានឲ្យដឹងថា រថយន្តបង្កម៉ាកហ៊ីយ៉ាន់ដាយ ពាក់ស្លាកលេខកំពង់ឆ្នាំង 3A-0467 ពណ៌ស (អ្នកបើកបររត់គេចខ្លួន) បានបើកបុកបង្កាន់ដៃស្ពាន បណ្តាលឲ្យបាក់បង្កាន់ដៃស្ពានប្រវែង៥ម៉ែត្រ និងអ្នករួមដំណើរឈ្មោះបូ រ៉ាភេទប្រុសអាយុ១៨ឆ្នាំ រងរបួសធ្ងន់ ហើយរថយន្តធ្លាក់ក្រោមស្ពាន។</span></p>
<p><span style="color: #000000;">បើតាមលោកស្នងការ មូលហេតុ តាមការសន្និដ្ឋានជាបឋម គឺដោយសារអ្នកបើកបររថយន្តស្ថិតក្នុងស្ថានភាពងងុយដេក។ ក្រោយមានករណីនេះសមត្ថកិច្ចជំនាញ នគរបាលចរាចរណ៍ និងមន្ត្រីសាធារណការចងក្រងសំណុំតាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-17-09-40-43-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-17-09-40-43-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-17-09-40-43-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-17-09-40-43-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>