<p><span style="color: #000000;"><strong>(អៀឡង់)៖ យោងតាមព័ត៌មាន BBC ចេញផ្សាយមុននេះបន្តិចនាយប់ថ្ងៃទី០៥ ខែមេសា ឆ្នាំ២០១៦នេះបានឲ្យដឹងថា លោក Sigmundur Gunnlaugsson នាយករដ្ឋមន្រ្តី នៃ Iceland បានប្រកាសលាលែងពីតំណែង បន្ទាប់ពីបែកធ្លាយឯកសារសម្ងាត់ Panama Paper ដោយរូបគាត់មានឈ្មោះនៅក្នុងបញ្ជី នៃទ្រព្យសម្បត្តិលាក់បាំងរាប់លានដុល្លារ។</strong></span></p>
<p><br /><a class="thickbox" title="" href="/FileManager/Commons/2016/4/6/11-06-04-2016--09-05-12.jpg"><img src="/FileManager/Articles/mce/2016/4/6/11-06-04-2016--09-05-12.jpg" alt="" /></a></p>
<p><span style="color: #000000;">សូមជំរាបថា ពាក់ព័ន្ធឯកសារសម្ងាត់ (Panama Paper) រដ្ឋាភិបាលរុស្ស៊ី បានធ្វើការបដិសេធឯកសារ ១១.៥លានច្បាប់នោះ គ្មានបញ្ហាអ្វីនោះទេ ហើយការធ្វើបែបនេះគឺដើម្បីបង្ខូចឈ្មោះលោក ពូទីន តែប៉ុណ្ណោះ។ រុស្ស៊ីបានឲ្យដឹងថា ការទម្លាយឯកសារនេះ ជាការបង្កើតឡើងដើម្បីប្រឆាំងរុស្ស៊ី ដើម្បីធ្វើឲ្យលោក ពូទីន ធ្លាក់ប្រជាប្រិយភាពនៅពេលរៀបចំបោះឆ្នោតខាងមុខនេះ (២ឆ្នាំទៀត រុស្ស៊ីនឹងរៀបចំបោះឆ្នោតប្រធានាធិបតី)។</span></p>
<p><span style="color: #000000;">សូមបញ្ជាក់ថា ការទម្លាយឯកសារសម្ងាត់ របស់ក្រុមហ៊ុនមេធាវីប៉ាណាម៉ា Mossack Fonseca ដែលបង្ហាញពីវិធីលាក់លុយនៅបរទេសរបស់បណ្តាមេដឹកនាំ បងប្អូនសាច់ញាតិ អ្នកនយោបាយ និងតារា ឬកីឡាករល្បីៗ បានធ្វើឲ្យកក្រើកពិភពលោក។</span></p>
<p><br /><a class="thickbox" title="" href="/FileManager/Commons/2016/4/6/11a-06-04-2016--09-05-46.jpg"><img src="/FileManager/Articles/mce/2016/4/6/11a-06-04-2016--09-05-46.jpg" alt="" /></a></p>
<p><span style="color: #000000;">សមាគមអ្នកសារព័ត៌មានស៊ើបអង្កេតអន្តរជាតិ (ICIJ) និងសារព័ត៌មានអាឡឺម៉ង់ Suddeutsche Zeituជាអង្គភាពដែលដើរតួនាទីសំខាន់ជាងគេក្នុងការផ្សព្វផ្សាយនិងចែកចាយឯកសារ ជាមួយបណ្តាសារព័ត៌មានអន្តរជាតិទូទាំងពិភពលោក។ អ្នកសារព័ត៌មានអន្តរជាតិរាប់រយនាក់ កំពុងសិក្សាស្រាវជ្រាវលើឯកសារបែកធ្លាយនិងរៀបចំរបាយការណ៍លម្អិតដើម្បីផ្សព្វផ្សាយបន្តថែមទៀត៕</span></p>
<p><span style="color: #0000ff;"><a href="/News/Detail/29077/panama-papers-mossack-fonseca-leak-reveals-elite-tax-havens" target="_blank"><span style="color: #0000ff;">- អាន ៖ រង្គោះរង្គើ ផ្អើល មេដឹកនាំពិភពលោក ក្រោយបែកធ្លាយឯកសារសម្ងាត់ Panama Paper ជាង ១១លានឯកសារ</span></a></span></p>
<p> </p>
<p><br /><br /></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>