<p>រដូវក្តៅជាពេលវេលាមួយ ដ៏លំបាកបំផុតសំរាប់មិត្តស្រ្តី ក្នុងការថែរក្សាសម្រស់ស្បែកមុខឱ្យ<br />សម៉ដ្ឋ រលោង ស្រស់ស្អាត ដោយសារតែ កំដៅថ្ងៃ។ ប៉ុន្តែ សូមកុំបារម្ភ ខាងក្រោមនេះ មាន<br />សាស្រ្ត ៣យ៉ាង ដែលអាចជួយអ្នក ថែរក្សាស្បែកមុខ ឱ្យសម៉ដ្ឋ ភ្លឺ រលោង ដោយធម្មជាតិ៖</p>
<p><a class="thickbox" title="" href="/FileManager/Commons/2013/6/12/secrets-of-beautiful-skin-42-12-06-2013--08-47-04.jpg"><img src="/FileManager/Articles/mce/2013/6/12/secrets-of-beautiful-skin-42-12-06-2013--08-47-04.jpg" alt="" /></a></p>
<p><strong>១/ ប៉េងប៉ោះ៖</strong> ជាប្រភេទអាហារធម្មជាតិម្យ៉ាង ដែលមានផ្ទុកសារជាតិចិញ្ចឹម និង វីតាមីន<br />ជាច្រើន អាចជួយធ្វើឱ្យកម្រិតកំដៅក្នុងខ្លួន របស់ស្បែកមានតុល្យភាព។ គ្រាន់តែ អ្នកយក<br />ផ្លែប៉េងប៉ោះ កៀបឱ្យម៉ដ្ឋ ដើម្បីធ្វើជាម៉ាស រួចបិទលើស្បែកមុខ ទុករយៈពេល ១៥នាទី រួច<br />លាងស្អាតចេញ។ វិធីនេះ អាចជួយកម្ចាត់ស្បែកងាប់ នៅលើផ្ទៃមុខ ឱ្យរីកលូតលាស់ឡើង<br />វិញ និង ធ្វើឱ្យស្បែក មុខរបស់អ្នក សម៉ដ្ឋ ភ្លឺ រលោង តាមបែបធម្មជាតិ។</p>
<p>វិធីមួយទៀត អ្នកអាចយកផ្លែប៉េងប៉ោះ កៀបឱ្យម៉ដ្ឋ លាយមួយទឹកឃ្មុំ រួចបិទលើស្បែកមុខ<br />ទុករយៈពេល ១០នាទី ធ្វើបែបនេះ ២ដង ក្នុង១សប្តាហ៍ អាចជួយធ្វើឱ្យស្បែកមុខស្រស់ថា្ល<br />រលោង និង បំបាត់ស្នាមជាំខ្មៅ។</p>
<p><strong>១/ ក្រូច៖</strong> ជាផ្លែឈើមួយប្រភេទ មានផ្ទុកទៅដោយវីតាមីនស៊ី និង កាលស្យូម ដែលមាន<br />អត្ថប្រយោជន៍ដ៏ល្អសំរាប់សុខភាពស្បែកនិងបំប៉នស្បែក។ អ្នកអាចបរិភោគផ្លែក្រូចស្រស់<br />ឬ លាបនៅលើស្បែកមុខ ទុករយៈពេល ១០ ទៅ ១៥នាទី នឹងធ្វើស្បែកមុខកាន់តែ សម៉ដ្ឋ<br />កម្ចាត់ស្នាមជាំខ្មៅ និង ប្រឆំាងនឹងភាពចាស់។</p>
<p>ម្យ៉ាងទៀត អ្នកអាចយកទឹកក្រូច ១ស្លាបព្រាបាយ និង ទឹកឃ្មុំ ១ស្លាបព្រាកាហ្វេ លាបនៅ<br />លើជង្គង់ កែងដៃ កែងជើង និងម៉ាស្សា ទុករយៈពេល ១០នាទី រួចលាងសំអាតនឹងទឹកក្ដៅ<br />ឧណ្ឌៗ។ ធ្វើបែបនេះ ឱ្យបាន ១ដងក្នុង ១សប្តាហ៍ ជួយឱ្យស្បែកជង្គង់ កែងដៃ កែងជើង<br />សស្រស់ស្អាត និង បំបាត់ស្នាមក្រិន។</p>
<p><strong>៣/ ក្រូចថ្លុង៖</strong> នៅក្នុងផ្លែក្រូចថ្លុង ១០០ក្រាម មានផ្ទុកវីតាមីនស៊ី ចំនួន ១២៣មីលីក្រាម<br /> ដែលមានប្រសិទ្ធិភាពក្នុងការជួយព្យាបាលការសន្លប់ កំចាត់ជាតិខ្លាញ់ និងការថែសម្រស់<br />ស្បែកឱ្យមានសំណើម ស ភ្លឺ រលោង។ យោងតាមការស្រាវជ្រាវ របស់ក្រុមអ្នកជំនាញការ<br />ផ្នែកសម្រស់ បានឱ្យដឹងថា ការប្រើប្រាស់ក្រូចថ្លុងលាយជាមួយទឹកឃ្មុំ ទុករយៈពេល៣ខែ<br /> រួចយកមកលាបលើស្បែកមុខ នឹងប្រែក្លាបយសម្រស់ស្បែកមុខរបស់អ្នក ឱ្យសម៉ដ្ឋ៕</p>
<p style="text-align: right;">ដោយ៖ វណ្ណៈ<br />ប្រភព៖ care2</p>