<div class="article-content">
<p><strong>ភ្នំពេញ៖</strong> ប្រតិភូកម្ពុជា ដែលដឹកនាំដោយលោកឧប នាយករដ្ឋមន្រ្តី ហោ ណាំហុង រដ្ឋមន្រ្តីក្រសួង<br /> ការបរទេស នៅរសៀលថ្ងៃអង្គារ ទី១៥ ខែ មេសា ឆ្នាំ២០១៣ នឹងឡើងបកស្រាយសាលក្រម<br /> ផ្ទាល់មាត់ការពារភាពជាម្ចាស់ កម្មសិទ្ធិលើតំបន់ប្រាសាទព្រះវិហារ នៅចំពោះមុខចៅក្រម <br />តុលាការយុត្តិធម៌អន្តរជាតិ (ICJ) នាទីក្រុងឡាអេ ប្រ ទេសហូឡង់។</p>
<p>ការបកស្រាយផ្ទាល់មាត់ ដែលមានចំនួនពីរជុំ ចាប់ពីថ្ងៃទី១៥-១៩ ខែមេសា នេះ ភាគីកម្ពុជានឹង<br />ត្រូវ ឡើងបក ស្រាយមុនភាគីថៃ ដោយដំណាក់កាលទី១ ចាប់ផ្តើមនាវេលាម៉ោង ១០ព្រឹក ដល់<br />ម៉ោង ១រសៀលម៉ោង នៅទីក្រុង ឡាអេ ត្រូវនឹងម៉ោង ៣រសៀល-៦ល្ងាចថ្ងៃទី១៥ ខែមេសា ឆ្នាំ<br />២០១៣ ម៉ោងនៅកម្ពុជា រីឯថៃវិញបកស្រាយនៅថ្ងៃ ទី១៧ ខែមេសា។ ដំណាក់កាលទី២ ធ្វើឡើង<br />រយៈពេលមួយម៉ោងកន្លះ គឺចាប់ពីម៉ោង ៨-៩៖៣០នាទីយប់ ម៉ោងនៅកម្ពុជាក្នុងថ្ងៃដដែល។ ដោយ<br />ឡែកជុំទី២វិញ កម្ពុជាបកស្រាយនៅថ្ងៃទី១៨ ហើយភាគថៃ នៅថ្ងៃទី១៩ ខែមេសា។</p>
<p>ការបកស្រាយនេះ ប្រជាពលរដ្ឋខ្មែរទាំងអស់ អាចចូលរួមទស្សនាបានដោយផ្ទាល់ផងដែរតាមរយៈ<br />គេហទំពរ របស់តុលាការយុត្តិធម៌អន្តរជាតិទីក្រុងឡាអេ www.icj-cij.org ស្ថិតនៅខាងក្រោមមាតិកា<br /> ព័ត៌មានជាវីដេអូ សរ សេរថា «Multimedia» ឬក៏ចូលទៅកាន់គេហទំព័រ <a href="http://webtv.un.org">http://webtv.un.org</a>។</p>
<p>កម្ពុជា ត្រូវបាន ICJ កាត់ក្តីឲ្យឈ្នះរួចម្តងទៅហើយលើសំណុំរឿងប្រាសាទព្រះវិហារកាលពីឆ្នាំ<br />១៩៦២។ ភាគីកម្ពុ ជា បានសម្តែងនូវគំនិតសុទិដ្ឋិនិយម និងជំនឿចិត្តយ៉ាងរឹងមាំថា នឹងទទួល<br />បានជោគជ័យ បើសិនតុលាការ សម្រេចដោយផ្អែកលើច្បាប់នោះ។</p>
<p>ភាគីថៃ ក៏មានជំនឿចិត្តមុតមាំដែរទៅលើការបកស្រាយសាលក្រមនេះផងដែរ។ លោក ស៊ូរ៉ាពង្ស <br />តីវីចាក់ឆាយ គុល (Sur apong Towichukchaikul) រដ្ឋមន្ត្រីការបរទេសថៃ បានថ្លែងប្រាប់ក្រុមអ្នក<br />ព័ត៌មាននៅព្រលានយន្ត ហោះមុន ចេញដំណើរទៅប្រទេសហូឡង់ថា គណៈប្រតិភូថៃបានត្រៀម<br />រួចរាល់អស់ហើយ ក្នុងការឆ្លើយបំភ្លឺ ដោយផ្ទាល់មាត់ ចំពោះមុខតុលាការក្រុងឡាអេទាក់ទងនឹង<br />ជម្លោះដែនដី ៤,៦ គីឡូម៉ែត្រក្រឡានៅជុំវិញប្រាសាទ ព្រះវិហារ។ នេះ បើតាមការបញ្ជាក់របស់<br />កាសែត The Nation របស់ថៃ ដែលបានផ្សាយកាលពីថ្ងៃអាទិត្យ ទី១៤ ខែមេសា។</p>
<p>ទោះបីជាយ៉ាងនេះប្រទេសជិតខាងទាំងពីរ ដែលមានប្រពៃណីវប្បធម៌ស្រដៀងគ្នា ជាពិសេស<br />កំពុងតែប្រារព្ធពិធី បុណ្យចូលឆ្នាំដូចគ្នានោះ សុទ្ធតែបានអំពាវនាវឲ្យកងទ័ពរបស់ខ្លួនទាំងអស់<br />រក្សានូវភាពស្ងប់ស្ងាត់អំឡុងពេល នៃ ការបកស្រាយសាលក្រម។ ព្រោះលទ្ធផលឈ្នះ ឬចាញ់<br />យ៉ាងណានោះ គឺតុលាការនឹងប្រកាសរហូតដល់ចុងឆ្នាំ ២០១៣ឯណោះ។</p>
<p>សម្តេចតេជោ ហ៊ុន សែន នាយករដ្ឋមន្រ្តី នៃប្រទេសកម្ពុជា បានមានប្រសាសន៍ក្នុងពិធីសម្ពោធ<br />សមិទ្ធិផលនៅវត្ត កំពង់ពពិល ឃុំកំពង់ពពិល ស្រុកពារាំង ខេត្តព្រៃវែង កាលពីព្រឹកថ្ងៃទី១១<br /> ខែមេសា ឆ្នាំ២០១៣ថា កងទ័ពកម្ពុជា ទាំងអស់ ត្រូវរក្សាភាពស្ងៀមស្ងាត់ ចំពោះការបកស្រាយ<br />សាលក្រមផ្ទាល់មាត់នៅ តុលាការយុត្តិធម៌ អន្តរជាតិទី ក្រុង ឡាអេ ព្រោះលទ្ធផលនឹងត្រូវ<br />ប្រកាសរហូតដល់ចុងឆ្នាំ២០១៣ ឯណោះ ដូច្នេះកងទ័ពទាំងអស់ ត្រូវតែស្ងប់ ស្ងាត់ ជៀសវាង<br />ការចាញ់បោកពាក្យញុះញង់ណាមួយ ។</p>
<p>សម្តេចបានបញ្ជាក់ថា «កងកម្លាំងប្រដាប់អាវុធគ្រប់ប្រភេទ មេត្តាស្ងប់ចិត្ត ជឿជាក់លើរាជរដ្ឋា<br />ភិបាល ជឿជាក់ភាព រឹងមាំខាងផ្លូវច្បាប់របស់យើង ហើយរឿងនេះ បានកើតឡើងនៅក្នុងរដ្ឋា<br />ភិបាលថៃមុន គឺរដ្ឋាភិបាលបក្សប្រជាធិប តេយ្យ គឺរដ្ឋាភិបាលអាប់ភីស៊ីត»។</p>
<p>លោក Marshal Sukumpol មេបញ្ជាការកងទ័ពអាកាសរបស់ថៃ បានថ្លែងប្រាប់ក្រុមអ្នកព័ត៌មាន<br />នៅព្រលានយន្ត ហោះមុនចេញដំណើរទៅទីក្រុងឡាអេថា នឹងគ្មានកងទ័ពថៃនៅតំបន់ព្រំដែន<br /> ហើយស្ថាការណ៍នឹងមានសភាពធម្ម តា នៅអំឡុងពេលបកស្រាយសាលក្រមដោយផ្ទាល់មាត់<br />នេះ។ នេះបើយោងតាមទីភ្នាក់ងារព័ត៌មានម៉ាឡេស៊ី Bernama។</p>
<p>ប្រទេសថៃ បានបញ្ជូនកងទ័ពរបស់ខ្លួន ចូលឈ្លានពានប្រទេសកម្ពុជា នៅតំបន់ជុំវិញប្រាសាទ<br />ព្រះវិហារ នៅ ថ្ងៃទី ១៥ ខែកក្កដា ឆ្នាំ២០០៨ និងបង្កឲ្យមានការផ្ទុះអាវុធជាច្រើនលើកច្រើនសារ។<br /> បន្ទាប់ពីការឈ្លានពាននេះ កម្ពុជា បានប្តឹង ទៅកាន់តុលាការ ICJ នាថ្ងៃទី៣០ខែមេសា ឆ្នាំ២០១១ ដើម្បីទាមទារឲ្យប្រទេសថៃដកកងទ័ពខ្លួនចេញ ពីតំបន់ប្រាសាទព្រះវិហាររបស់ខ្មែរ និងទាមទារ <br />ឲ្យតុលាការមួយនេះ បកស្រាយឡើងវិញ នូវសាលដីការ ដែល ខ្លួនបានសម្រេចកាលពីឆ្នាំ១៩៦២ <br />ដោយផ្តល់ជ័យជម្នះ ឲ្យកម្ពុជាជាម្ចាស់កម្មសិទ្ធិ លើប្រាសាទព្រះវិហារ និង តំបន់ជុំវិញប្រាសាទ<br />ព្រះវិហារនោះ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-176.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>