<p><span style="color: #000000;"><strong>(ភ្នំពេញ)៖</strong> អគ្គនាយកដ្ឋានគយ និងរដ្ឋាករកម្ពុជា បានប្រកាសឲ្យម្ចាស់យានយន្តចង្កូតស្តាំងទាំងអស់ ចូលទៅបង់ពន្ធ និងចុះបញ្ជី រថយន្ត ដោយមិនចាំបាច់កែចង្កូត ដើម្បីទទួលបានផ្លាកលេខ និង ប្រើប្រាស់ដោយស្របច្បាប់។</span></p>
<p><span style="color: #000000;">អគ្គនាយកដ្ឋានគយ និងរដ្ឋាករកម្ពុជា ក៏បានក្រើនរំលឹកដល់ម្ចាស់រថយន្តចង្កូតស្តាំ ដែលមិនទាន់បានបង់ពន្ធនាំចូលនេះ ត្រូវរួស រាន់ចូលខ្លួនប្រកាសចុះបញ្ជីយានយន្តចង្កូតស្តាំរបស់ខ្លួននៅសាខាគយ និងរដ្ឋាករខេត្ត និងតាមការិយាល័យគយ នៃសាខារាជធា នីភ្នំពេញ និងតាមអង្គភាពគយ និង រដ្ឋាករ ចាប់ពីថ្ងៃទី១៨ ខែមករា ឆ្នាំ២០១៦ ដល់ថ្ងៃទី១៨ ខែកុម្ភៈ ឆ្នាំ២០១៦។</span><br /><span style="color: #000000;">នៅក្នុងសេចក្តីប្រកាសព័ត៌មានរបស់គយ និងរដ្ឋាករកម្ពុជា ដែល Fresh News ទទួលបាននៅថ្ងៃទី១២ ខែមករា ឆ្នាំ២០១៦នេះ បានបញ្ជាក់ថា ចាប់ពីថ្ងៃទី១៨ ខែកុម្ភៈ ឆ្នាំ២០១៦តទៅ រថយន្តចង្កូតស្តាំទាំងឡាយ ដែលពុំស្ថិតក្នុងបញ្ជី នឹងមិនត្រូវចាត់ទុកជារថយន្តចង្កូតស្តាំ ដែលមានស្រាប់នៅក្នុងប្រទេសឡើយ ព្រមទាំងចាត់ទុកជាទំនិញហាមឃាត់ និងពុំអាចបំពេញកាតព្វកិច្ចពន្ធអា ការនាំចូលបានឡើយ។</span></p>
<p><span style="color: #000000;">អគ្គនាយកដ្ឋានគយ និងរដ្ឋាករ ក៏បានព្រមានផងដែរថា ម្ចាស់រថយន្តចង្កូតស្តាំមានស្រាប់ ដែលខកខាន បំពេញកាតព្វកិច្ចពន្ធអា ករតាមកាលកំណត់ (រយៈពេល៦ខែ ចាប់ពីថ្ងៃទី១៩ ខែកុម្ភៈ ឆ្នាំ២០១៦) នឹងត្រូវរងនូវវិធានការបង្រ្កាបតាមបទប្បញ្ញតិ្តជាធរមាន ។</span></p>
<p><span style="color: #000000;">សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ក្នុងឱកាសអញ្ជើញសម្ពោធស្ពាន៥មករា កាលពីថ្ងៃទី០៥ ខែមករា ឆ្នាំ២០១៦ បានសម្រេចអនុញ្ញាតឲ្យប្រជាពលរដ្ឋមានរថយន្តចង្កូតស្តាំ អាចប្រើប្រាស់រថយន្តដោយមិនមានការកែប្រែចង្កូត តែត្រូវចូលទៅបង់ពន្ធ និងបញ្ឈប់ការនាំចូលរថយន្តចង្កូតស្តាំមកកម្ពុជាបន្តទៅទៀត។</span></p>
<p><span style="color: #000000;"><strong>សូមអានសេចក្តីជូនដំណឹងរបស់អគ្គនាយកដ្ឋានគយ និងរដ្ឋាករកម្ពុជា ដែលចេញផ្សាយកាលពីថ្ងៃទី១១ ខែមករា ឆ្នាំ២០១៦ម្សិលមិញ៖</strong></span></p>
<p><span style="color: #000000;"><strong><a class="thickbox" title="" href="/FileManager/Commons/2016/1/12/2222-12-01-2016--14-02-46.jpg"><span style="color: #000000;"><img src="/FileManager/Articles/mce/2016/1/12/2222-12-01-2016--14-02-46.jpg" alt="" /></span></a></strong></span></p>
<p><span style="color: #000000;"><a class="thickbox" title="" href="/FileManager/Commons/2016/1/12/333-12-01-2016--14-03-01.jpg"><span style="color: #000000;"><img src="/FileManager/Articles/mce/2016/1/12/333-12-01-2016--14-03-01.jpg" alt="" /></span></a></span></p>
<p style="text-align: right;"><span style="color: #000000;"><strong><br /></strong></span></p>
<h2 style="margin-top: 12px; margin-bottom: 12px; font-family: Hanuman, 'Open Sans'; font-weight: bold; line-height: 1.4; color: #333333; text-rendering: optimizeLegibility; background-color: #ffffff;"><span style="color: #000000;"><a style="color: #0f1899; font-size: 20px; line-height: 1.4;" href="http://www.freshnewsasia.com/index.php/en/15774-2016-01-12-04-38-57.html"><span style="color: #000000;">គយប្រកាសឲ្យម្ចាស់រថយន្តចង្កូតស្តាំទាំងអស់ ចូលទៅបង់ពន្ធ និងចុះបញ្ជីរថយន្ត</span></a></span></h2>