<p><span style="color: #000000;"><strong>(កំពង់ឆ្នាំង)៖</strong> កុមារីអាយុ១៣ខែម្នាក់ បានដាច់ខ្យល់ស្លាប់ភ្លាមៗ ខណៈដឹកយកទៅដល់មន្ទីរពេទ្យបង្អែកខេត្តកំពង់ឆ្នាំង នៅព្រឹកថ្ងៃទី៣០ ខែមករា ឆ្នាំ២០១៦ ដោយសារតែចាប់យកត្រីអណ្តាតឆ្កែដែលនៅរស់យកមកខាំចៃដន្យត្រីនោះ បានត្បុលចូលទៅក្នុងបំពុងក បណ្តាលអោយស្ទះខ្យល់ដកដង្ហើម និងរួចប្រកាច់ដាច់ខ្យល់ស្លាប់ ។ ហេតុការណ៏នេះបានកើតឡើង នៅនិងផ្ទះកុមារីរងគ្រោះ ស្ថិតក្នុងភូមិថ្មី ឃុំជ្រៃបាក់ ស្រុករលារប្អៀរ ខេត្តកំពង់ឆ្នាំង។</span></p>
<p><span style="color: #000000;">នគរបាលព្រហ្មទណ្ឌស្រុករលារប្អៀរបានអោយដឹងថា កុមារីរងគ្រោះខាងលើឈ្មោះ ឆៃ ឈិតលីយូលីន អាយុទើបតែ ១៣ខែ មានម្តាយឈ្មោះ ថុង សៅលី អាយុ២២ឆ្នាំ ឪពុកឈ្មោះ សឿន រ៉ាឈីត អាយុ២៦ឆ្នាំ ពីរនាក់ប្តីប្រពន្ធមានមុខរបរជាកម្មករោងចក្រមានទីលំនៅ ក្នុងភូមិឃុំខាងលើ បានទុកកូនផ្ញើអោយនៅជាមួយជីដូន ឈ្មោះ ធឿន អាយុ៥៣ឆ្នាំជាអ្នកមើលថែរពេលឪពុកម្តាយទៅធ្វើការ។ </span></p>
<p><span style="color: #000000;">នៅថ្ងៃកើតហេតុ លោកយាយ ធឿន ដែលត្រូវជាជីដូនបង្កើតរបស់កុមារីរងគ្រោះបានទិញត្រីអណ្តាតឆ្កែពីអ្នកលក់តាមម៉ូតូចំនួនកន្លះគីឡូ យកមកធ្វើម្ហូប ពេលទិញបានមកលោកយាយ យកត្រីមកដាក់លើគ្រែ ហើយទៅដងទឹក ពេលត្រឡប់មកវិញឃើញចៅ ប្រកាច់ស្លខ្យល់ និងមានឈាមចេញពីក្នុងមាត់ផង ឃើញដូច្នោះបានស្រែកហៅអ្នកជិតខាងអោយមកជួយ ពេលនោះគេបានហែកមាត់មើលឃើញត្រីអណ្តាតឆ្កែ ចូលទៅក្នុងបំពង់កកុមារីនោះ ដោយឃើញតែកន្ទុយត្រីនៅកណ្តាលបំពង់ក មិនអាចជួយបានក៏ដឹកកុមារីរងគ្រោះយកទៅមន្ទីរពេទ្យ ពេលទៅដល់បានដាច់ខ្យល់ស្លាប់បាត់ទៅហើយ ៕</span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/12592765_1552126538435045_8667262620601760634_n.jpg?oh=63138ac347e54a2666c28c479cbf2d9e&oe=5748A44E&__gda__=1464252702_0a616e26cacc923694980d3ac36fb457" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/v/t1.0-9/12654481_1552126531768379_7869073570629792166_n.jpg?oh=5e5ce838c6bb40d90f88a7b8618297a0&oe=5732D8AA&__gda__=1463724586_b23003a88fdd0e8bfebb4213f0b0a04e" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12662557_1552126488435050_1034857784105051273_n.jpg?oh=b97cd6c195558235396d7f9be2ef40ec&oe=57714B6C" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xta1/v/t1.0-9/12647515_1552126491768383_1194005261826322223_n.jpg?oh=aa8731010049dbbda80462b1ca68b5c8&oe=5736306D&__gda__=1462180752_d9aecce0c72c18e5b1e2bd30ac8ec6fd" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/v/t1.0-9/12661965_1552126495101716_7679478224757720523_n.jpg?oh=2917648ae1f4669f9275d312b2d694bc&oe=5739F157&__gda__=1462558262_dbe6e7e04b319dab07111a3c3c719646" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>