<div class="article-content">
<p><strong>ភ្នំពេញ ៖</strong> បន្ទាប់ពីទទួលបានព័ត៌មាន ពី ប្រជាពលរដ្ឋ និងសន្ដិសុខដែលរស់នៅក្បែរ ផ្ទះសំណាក់<br /> ៦៩ ស្ថិតនៅភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ ថា មាន បុរសម្នាក់ប្រដាប់ដោយអាវុធខ្លី<br /> ចេញចូលៗ ហើយមាននារីម្នាក់ ត្រូវបានបុរសខាងលើ នាំយកមកដេកជាមួយ រយៈពេល ៣ថ្ងៃមក<br /> នោះ ទើបកម្លាំងនគរបាល និង អាជ្ញាធរ ខណ្ឌសែនសុខ ដឹកនាំដោយលោក លី សាវេត អភិបាល<br />ខណ្ឌ និងលោកអធិការ ម៉ក់ ហុង បានចុះទៅឆែកឆេរបន្ទប់ស្នាក់ នៅ ហើយឈានទៅដល់ការ <br />ឃាត់ខ្លួននារី ស្រស់ស្អាតម្នាក់ ខណៈដែលជនសង្ស័យ ដែលប្រដាប់ដោយកាំភ្លើងខ្លី បានគេចខ្លួន <br />បាត់ ។</p>
<p>ប្រតិបត្ដិការចុះឆែកឆេរ ផ្ទះសំណាក់ ខាងលើ ដោយមានការឯកភាពពីតំណាង អយ្យការ អមសាលា<br />ដំបូង រាជធានីភ្នំពេញ បានធ្វើឡើង កាលពីវេលាម៉ោងប្រមាណ ១០ និង ៣០នាទីព្រឹក ថ្ងៃទី២២ ខែ<br />ឧសភា ឆ្នាំ ២០១៣ ហើយពេលសមត្ថកិច្ច និង អាជ្ញាធរ ចុះឆែកឆេរនោះក៏មានការរារាំង ពីម្ចាស់ទី<br />តាំងផងដែរ ។</p>
<p>យោងតាមមន្ដ្រីនគរបាលមួយរូប បាន ឱ្យដឹងថា ប្រតិបត្ដិការចុះឆែកឆេរផ្ទះសំ ណាក់ខាងលើនេះ <br />បានធ្វើឡើងក្រោយពី មានសេចក្ដីរាយការណ៍ថា គេឃើញបុរស ម្នាក់ យកនារីម្នាក់ ចូលទៅក្នុងផ្ទះ<br />សំណាក់ នេះ អស់រយៈពេល ៣ថ្ងៃមកហើយ ប៉ុន្ដែ ឃើញតែបុរសរូបនេះចេញ និងចូល ដោយ ឡែក<br />នារីរូបនោះ ស្ថិតនៅក្នុងផ្ទះ សំណាក់ រហូត មិនបានចេញមកក្រៅឡើយ ។ ហេតុ ដូច្នេះ និងដោយ<br />ឃើញបុរសរូបនេះមាន កាំភ្លើងខ្លីជាប់ជាមួយផងនោះ ទើបសន្ដិសុខ និងប្រជាពលរដ្ឋ រាយការណ៍<br />ជូនសមត្ថកិច្ច និងអាជ្ញាធរខណ្ឌសែនសុខ ចុះមកឆែកឆេរ ក្រែងលោមានបទល្មើសអ្វីកើតឡើយ ឬ<br /> មួយអាចយកនារីរូបនេះ មកឃុំខ្លួនក្នុងផ្ទះ សំណាក់ ក៏ថាបាន ។</p>
<p>មន្ដ្រីនគរបាលខាងលើបានបន្ដថា នៅ ពេលដែលកម្លាំងសមត្ថកិច្ច និងអាជ្ញាធរចុះ ទៅឆែកឆេរនោះ<br /> បុរសដែលមានការ សង្ស័យ បានរត់គេចខ្លួនបាត់ ហើយឃាត់តែ នារី នៅក្នុងបន្ទប់នៃផ្ទះសំណាក់<br /> ប៉ុន្ដែសមត្ថ កិច្ច ក៏បានរកឃើញកាំភ្លើងខ្លីមួយដើមម៉ាក បេអាតាផងដែរ ។</p>
<p>នៅចំពោះមុខសមត្ថកិច្ច និងអាជ្ញាធរ នារីរូបនេះ បាននិយាយថា ខ្លួនមានឈ្មោះ ឃួន នីតា អាយុ ២១<br />ឆ្នាំ បម្រើការងារនៅ ហាង គ្រីសស្ទាល់ហ្គោល ក្នុងសង្កាត់ព្រែក លៀប ខណ្ឌឫស្សីកែវ ហើយបច្ចុប្បន្ន<br />ស្នាក់ នៅសង្កាត់ទួលសង្កែ ខណ្ឌឫស្សីកែវ ។ ឃួន នីតា បានប្រាប់សមត្ថកិច្ច និងអាជ្ញាធរ ត្រង់ៗថា <br />ក្រៅពីបម្រើការងារនៅក្នុង ហាង ខ្លួនក៏រកស៊ីផ្លូវភេទផងដែរ ដោយមួយយប់ តម្លៃ ៥០ដុល្លារ ។ យ៉ាង<br />ណាក៏ដោយជុំវិញ ករណីនេះ មិនទាន់មានការបញ្ជាក់ជាផ្លូវ ការ ពីសមត្ថកិច្ច និងអាជ្ញាធរ ខណ្ឌសែន<br />សុខ នៅឡើយទេថា តើបុរសដែលនាំនាងមក ដេកផ្ទះសំណាក់ខាងលើ អាចជាជនសង្ស័យ ក្នុងបទ<br />ល្មើសអ្វីមួយនោះ ។ បច្ចុប្បន្ននារី ឃួន នីតា ត្រូវបាន សាកសួរនៅឡើយពីនគរ បាលខណ្ឌសែនសុខ <br />ដើម្បីចង់ដឹងពីមូល ហេតុពិតប្រាកដ និងបុរសដែលនាំនាងមក ដេកផ្ទះសំណាក់ថា តើជានរណា ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-015/T-0479.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0480.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0481.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0697.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>