<p><strong>ភ្នំពេញ ៖</strong> នៅរសៀលថ្ងៃទី០៦ ខែសីហា ឆ្នាំ២០១៥នេះ ចៅក្រមសាលាដំបូង រាជធានីភ្នំពេញ លោក ស្វាយ តុញ បានបើកសវនាការជំនុំ ជម្រះកំបាំងមុខ លើករណីព្រហ្មទណ្ឌ លើសំណុំរឿង របស់កូនឧកញ៉ា ឌួង ងៀប ឈ្មោះ ឌួង ឆាយ វាយទាត់ធាត់លើ កូនឧកញ៉ាដ៏ល្បីល្បាញ ទ្រី ភាព ។</p>
<p>នៅក្នុងសវនាការ លោក ណាច ទ្រី មេធាវីការពារឲ្យជនសង្ស័យ ឌួង ឆាយ បានឲ្យដឹងថា កូនក្តីរបស់លោក (ឌួង ឆាយ) ទទួលស្គាល់នូវ កំហុសរបស់ខ្លួន និងសូមឲ្យតុលាការ កាត់បន្ថយទោសឲ្យទាបបំផុត តាមដែលអាចធ្វើទៅបាន ហើយនិង ដាក់ឲ្យកាត់ទោស (ព្យួរ) ។</p>
<p>មន្រ្តីតុលាការបានប្រកាសឲ្យដឹងថា សំណុំរឿងព្រហ្មទណ្ឌនេះ នឹងប្រកាសសាលក្រមនៅថ្ងៃទី១១ ខែសីហា ឆ្នាំ២០១៥នេះ៕</p>
<p><a class="thickbox" title="" href="/FileManager/Commons/2015/8/7/8-7-2015-9-21-11-am-07-08-2015--09-26-54.png"><img src="/FileManager/Articles/mce/2015/8/7/8-7-2015-9-21-11-am-07-08-2015--09-26-54.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>