<p><span style="color: #000000;"><strong>(តូក្យូ)៖</strong> ស្ត្រីអាយុ៣៧ឆ្នាំគឺនាង Miki Eguchi ត្រូវប៉ូលីសចាប់ខ្លួនបន្ទាប់ពីបង្កការអុកឡុកអតីតមិត្តប្រុសតាមរយៈការទូរស័ព្ទចូលគេជាច្រើនដង សឹងតែបុរសនោះធ្វើការលែងកើត។ ហេតុការណ៍កើតឡើងនៅទឹកដីជប៉ុន អ្វីដែលគួរឲ្យភ្ញាក់ផ្អើលនោះ គឺស្ត្រីបង្កហេតុត្រូវបានរងការចោទប្រកាន់ថា ទូរស័ព្ទទៅអតីតមិត្តប្រុសអាយុ ៣០ឆ្នាំដែលមិនត្រូវបានបញ្ជាក់ឈ្មោះរហូតដល់ទៅ 16,300 ដងឯណោះ។</span></p>
<p><span style="color: #000000;">ប៉ូលិសនិយាយថា Eguchi និងបុរសដែលគេចាត់ទុកថាជនរងគ្រោះមានទំនាក់ទំនងនឹងគ្នាអស់រយៈពេលពីរឆ្នាំហើយតែក្រោយមកក៏បែកបាក់ជាហេតុធ្វើឲ្យ Eguchi ផ្ទុះកំហឹ ងនៅពេលអតីតមិត្តប្រុសបដិសេធមិនព្រមរៀបការជាមួយហើយនាងក៏ឧស្សាហ៍ទូរស័ព្ទទៅបុរសនោះជាច្រើនដង។</span></p>
<p><span style="color: #000000;">អតីតសង្សារព្រមានកុំឲ្យនាងធ្វើបែបនេះតែ Eguchi មិនស្តាប់ទើបគេដាក់ពាក្យប្តឹងតែម្តង ព្រោះគេសឹងតែធ្វើការលែងកើតដោយសារអតីតមិត្តស្រីទូរស័ព្ទញឹកញាប់ពេកដល់ទៅ 16,300 ដងរួចក៏មានផ្ញើសារតាមអ៊ីម៉ែលក៏ច្រើនដែរ។ នៅពេលចោទសួរ ស្ត្រីបង្កហេតុនិយាយថា អតីតមិត្តប្រុសត្រូវតែទទួលខុសត្រូវដោយរៀបការជាមួយនាង៕</span></p>
<p><span style="color: #000000;"><img src="http://i.imgur.com/V6Trjzn.png?pixbabay" alt="" width="730" /></span></p>
<p style="text-align: center;"><span style="color: #000000;">រូបភាពតំណាង</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>