<p><span style="color: #000000;">ភ្នាក់ងារអនុវត្ដច្បាប់បាននិយាយថា ពួកគេបានចាប់ខ្លួនឧក្រិដ្ឋជនរាប់រយនាក់ នៅជុំវិញពិភពលោក នៅក្នុងប្រតិបត្ដិការអនុវត្ដច្បាប់មួយរយៈពេល ៣ ឆ្នាំ ដោយប្រើកម្មវិធី App ផ្ញើសារដ៏មានសុវត្ថិភាពមួយ ដែលដំណើរការដោយ ការិយាល័យស៊ើបអង្កេកសហព័ន្ធរបស់សហរដ្ឋអាមេរិក( <strong>FBI) ។ </strong>ប្រតិបត្ដិការ ដែលមានការចូលរួមសហការផ្ដើមគំនិតដោយអូស្រ្ដាលី និង FBI បានឃើញ App ឈ្មោះ ANOM ចែកចាយចូលទៅក្នុងទូរសព្ទដៃរបស់ឧក្រិដ្ឋជនទាំងនោះ ដែលផ្ដល់ឱកាសឱ្យប៉ូលីសចាប់បានការសន្ទនារបស់ពួកគេ ដោយមិនអោយពួកគេដឹងខ្លួន ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/6/8/capture-08-06-2021--17-20-38.PNG"><img src="/FileManager/Articles/mce/2021/6/8/capture-08-06-2021--17-20-38.PNG" alt="" /></a><br /></span></p>
<p><span style="color: #000000;">App នេះ អាចអោយព័ត៌មាន ដែលនាំឱ្យមានការចាប់ខ្លួនឧក្រិដ្ឋជន នៅក្នុងប្រទេសចំនួន ១៨ ។ វាក៏រួមបញ្ចូលទាំងជនសង្ស័យ ដែលជាប់ពាក់ព័ន្ធ នឹងក្រុមម៉ាហ្វីយ៉ា និងក្រុមឧក្រិដ្ឋកម្មគិតទុកជាមុនផងដែរ ។ ប្រតិបត្ដិការនោះ បានរឹបអូសវត្ថុតាងជាច្រើនដូចជា គ្រឿងញៀន អាវុធជាតិផ្ទុះ និងលុយ ។</span></p>
<p><span style="color: #000000;"> អូស្រ្ដាលី និយាយថា ប្រទេសខ្លួន បានចាប់ខ្លួនជនល្មើសបាន ២២៤ នាក់ ដោយលទ្ធផលនៃប្រតិបត្ដិការអនុវត្ដច្បាប់នេះ និងចាប់ខ្លួនជនដៃដល់គម្រាមសម្លាប់ចំនួន ២០ នាក់ ដែលអាចជួយសង្រ្គោះជីវិតអ្នកឃើញហេតុការណ៍ស្លូតត្រង់ជាច្រើននាក់ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2021/6/8/118839015capture11-08-06-2021--17-21-02.jpg"><img src="/FileManager/Articles/mce/2021/6/8/118839015capture11-08-06-2021--17-21-02.jpg" alt="" /></a><br /></span></p>
<p><span style="font-size: 12px; color: #000000;"> ប្រទេសញូវហ្ស៊ីលែន ដែលបានឃាត់ខ្លួន ជនល្មើស ៣៥ នាក់ បានហៅប្រតិបត្ដិការនោះថា “សកម្មភាពអនុវត្ដច្បាប់ ដ៏ស្មុគស្មាញបំផុតរបស់ពិភពលោកចំពោះឧក្រិដ្ឋកម្មគិតទុកជាមុន” ។ FBI និងប៉ូលីសអន្ដរជាតិ នឹងបង្ហាញលម្អិតបន្ថែម នៅថ្ងៃអង្គារសប្ដាហ៍ក្រោយ ៕</span></p>
<p> <a class="c_tab" href="https://www.mekongnet.com.kh/" target="_blank"><img src="/FileManager/Articles/mce/2021/6/8/artwork-2-08-06-2021--17-21-20.jpg" alt="" /></a></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ BBC</span></p>
<p> </p>
<p> </p>
<p> </p>
<p> </p>
<p> </p>
<p> </p>
<p> </p>