<p><strong>នៅពេលអ្នកសញ្ជឹងគិតដល់ភេសជ្ជៈ ដែលល្អប្រសើរចំពោះសុខភាពរបស់អ្នក អ្នកនឹងគិតដល់ទឹកភ្លាមមួយរំពេច ប៉ុន្ដែក្រៅពីទឹក នៅមានភេសជ្ជៈប្រណីតដទៃទៀត មានគុណសម្បត្ដិអស្ចារ្យដែលអ្នកគួរដាក់បញ្ចូលទៅក្នុងរបបអាហាររបស់អ្នក។ លោកវេជ្ជបណ្ឌិត </strong><strong>Dan Nadeau នាយកវេជ្ជសាស្រ្ដ នៃមន្ទីរពេទ្យ Exeter ស្ថិតក្នុងរដ្ឋ</strong><strong> </strong><strong> </strong><strong>New Hampshire</strong><strong> </strong><strong> បំរើការនៅមជ្ឈមណ្ឌលជំងឺទឹកនោមផ្អែម អន្ដោបញ្ច័នវិជ្ជា(ការសិក្សាអំពីក្រពេញដែលផលិតសារធាតុក្នុងខ្លួន) និងអាហារូបត្ថម្ភបានមានប្រសាសន៍ថា”ភេសជ្ជៈមួយចំនួនផ្ដល់គុណប្រយោជន៍ចំពោះសុខភាពយ៉ាងមហាសាល រាប់តាំងពីការជួយឱ្យធូរស្បើយនូវអាការៈតូចតាចដូចជា វិបត្ដិរំលាយអាហារ រហូតដល់ប្រសិទ្ធភាពការពារប្រឆាំងនឹងវិបត្ដិធ្ងន់ធ្ងរដូចជា ជំងឺពុកឆ្អឹងជាដើម”។ ខាងក្រោមនេះ CamNews សូមណែនាំប្រិយមិត្ដនូវភេសជ្ជៈ ៤យ៉ាងដែលសម្បូរដោយសារធាតុប្រឆាំងនឹងជំងឺ និងងាយស្រួលក្នុងការទទួលទាន៖</strong></p>
<p><a class="thickbox" title="" href="/FileManager/Commons/2021/5/1/eye-lash-extensions-in-dubai-cover-14-05-01-05-2021--13-01-22.jpg"><img src="/FileManager/Articles/mce/2021/5/1/eye-lash-extensions-in-dubai-cover-14-05-01-05-2021--13-01-22.jpg" alt="" /></a><br /><span style="color: #000000;"><strong>តែបៃតង៖ </strong>ភេសជ្ជៈនេះមានប្រសិទ្ធភាពកាត់បន្ថយគ្រោះថ្នាក់នៃការកើតជំងឺពុកឆ្អឹង ជំងឺមហារីក ជំងឺបេះដូង និងអាការៈធ្មេញប្រហោង។ តែបៃតងសម្បូរទៅដោយបណ្ដុំសារធាតុ Flavonoids និងសារធាតុ Polyphenols ជាអុកស៊ីដកម្មធម្មជាតិ ដែលអាចការពារកោសិកាពីសារធាតុបង្កជំងឺមហារីក(carcinogens) និងទប់ស្កាត់ការលូតលាស់ដុំគីសដោយការជួយកម្ចាត់ចោលសារធាតុ Free Radical នៅក្នុងរាងកាយ។ លើសពីនេះទៀត សារធាតុប្រឆាំងអុកស៊ីដកម្មរបស់តែបៃតង ជួយការពារជំងឺបេះដូង ដោយការធ្វើឱ្យសរសៃឈាមបានសម្រាក ទប់ស្កាត់ការកកើតនៃកំណកឈាម ដែលធ្វើឱ្យស្ទះ សរសៃឈាមបេះដូង និងដាច់សរសៃឈាមក្នុងខួរក្បាល។ ម្យ៉ាងទៀត តែបៃតងក៏មានផ្ទុកនូវសារធាតុ ហ្វ្ល័រអឺរ៉ាយ ដែលធ្វើឱ្យធ្មេញឱ្យរឹងមាំ សារធាតុ Flavonoids អាចពង្រឹងឆ្អឹងឱ្យរឹងមាំ ព្រមទាំងកាត់បន្ថយនៃជំងឺពុកឆ្អឹង និងជំងឺពុកធ្មេញផងដែរ។</span></p>
<p><br /><a class="thickbox" title="" href="/FileManager/Commons/2021/5/1/unnamed-01-05-2021--13-01-47.jpg"><img src="/FileManager/Articles/mce/2021/5/1/unnamed-01-05-2021--13-01-47.jpg" alt="" /></a></p>
<p><span style="color: #000000;"><strong>ទឹកដោះគោផ្ទុកជាតិខ្លាញ់ទាប៖ </strong>ទឹកដោះគោប្រភេទនេះជួយបំបាត់ការឃ្លានអាហារ និងជួយការពាប្រឆាំងនឹងជំងឺពុកឆ្អឹង។ គុណប្រយោជន៍នេះបានដោយសារវាមានផ្ទុកនូវសមាសធាតុ នៃអាហារបំប៉នសុខភាពមានជាអាទិ៍ ជាតិកាបូអ៊ីដ្រាដ ប្រូតេអ៊ីន និងជាតិខ្លាញ់បន្ដិចបន្ដួច ដែលរាងកាយរបស់អ្នកស្រូបយកវាសន្សឹមៗ ហើយវាធ្វើឱ្យអ្នកមានអារម្មណ៍ថាឆ្អែតបានយូរ នេះបើតាមប្រសាសន៍ វេជ្ជបណ្ឌិត Molly Pelzer អ្នកអប់រំផ្នែកអហារូបត្ថម្ភនៅឯមន្ទីរពេទ្យ Tipton រដ្ឋ Iowa។ លើសពីនេះទៀត វាធ្វើឱ្យជាតិស្ករនៅក្នុងឈាមមានស្ថេរភាព ដែលជាហេតុធ្វើឱ្យអ្នកមិនងាយនឹងឃ្លានអាហារលឿនពេក។ ទឹកដោះគោគឺជាប្រភពដ៏ប្រសើរ នៃជាតិកាល់ស្យូម ពីព្រោះវាមានផ្ទុកនូវវីតាមីនD ដែលរាងកាយមនុស្សត្រូវការចាំបាច់សម្រាប់ការស្រូបយកជាតិកាល់ស្យូមជាអតិបរមា។ ម្យ៉ាងទៀត វាអាចជួយឱ្យរាងកាយរបស់អ្នកមានសមត្ថភាពបញ្ឈប់ការផ្ទុកជាតិខ្លាញ់។ នៅក្នុងការសិក្សាស្រាវជ្រាវថ្មីមួយឱ្យដឹងថា ស្រ្ដីដែលទទួលទានអាហារចម្រាញ់ពីទឹកដោះផ្ទុកជាតិខ្លាញ់ទាប ៣ ទៅ ៤ដងក្នុងមួយថ្ងៃស្រកទម្ងន់បានច្រើនរហូតដល់ជិត២ដង ដូចស្រ្ដីដែលទទួលទានក្នុងកម្រិតតិចផងដែរ។ វេជ្ជបណ្ឌិត Pelzer មានប្រសាសន៍ថា”ជាតិកាល់ស្យូមធ្វើឱ្យកោសិការាងកាយរបស់អ្នកដុតកម្ទេចជាតិខ្លាញ់ ជំនួសឱ្យការផ្ទុកវា។ កត្ដានេះធ្វើឱ្យអ្នកមានភាពងាយស្រួលក្នុងការឈានដល់ និងរក្សាទម្ងន់រាងកាយ ដែលអ្នកចង់បាន។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/5/1/soy-milk-01-05-2021--13-02-14.jpg"><img src="/FileManager/Articles/mce/2021/5/1/soy-milk-01-05-2021--13-02-14.jpg" alt="" /></a><br /></span></p>
<p><span style="color: #000000;"><strong>ទឹកសណ្ដែក៖ </strong>ទឹកសណ្ដែកមានប្រសិទ្ធភាពកាត់បន្ថយគ្រោះថ្នាក់ នៃជំងឺបេះដូង។ វាមានផ្ទុកនូវជាតិសរសៃហ្វាយប័រងាយរលាយ និងប្រូតេអ៊ីនសណ្ដែក ដែលអាចបញ្ចុះកម្រិតកូឡេស្ដេរ៉ូលមិនល្អ និង triglycerides ដោយកាត់បន្ថយគ្រោះថ្នាក់ នៃជំងឺបេះដូង និងសរសៃឈាម។ ប្រសិនបើអ្នកទទួលទានវាជំនួសទឹកដោះគោ សូមជាវទឹកសណ្ដែក ដែលផ្សំជាមួយជាតិកាល់ស្យូម វីតាមីនA និងD។ សណ្ដែកមានផ្ទុកនូវសារធាតុ phytoestrogens ដែលអាចនាំទៅរកការកាត់បន្ថយគ្រោះថ្នាក់ នៃជំងឺមហារីកសុដន់។ សូមប្រឹក្សាជាមួយវេជ្ជបណ្ឌិតរបស់អ្នក អំពីការទទួលទានទឹកសណ្ដែក ប្រសិនបើគ្រួសាររបស់អ្នកមានប្រវត្ដិធ្លាប់កើតជំងឺ ឬអ្នកធ្លាប់កើតខ្លួនឯង។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/5/1/bonnietomatoesistock-481349128-1800px-01-05-2021--13-04-01.jpg"><img src="/FileManager/Articles/mce/2021/5/1/bonnietomatoesistock-481349128-1800px-01-05-2021--13-04-01.jpg" alt="" /></a><br /></span></p>
<p><span style="color: #000000;"><strong>ទឹកប៉េងប៉ោះផ្ទុកសូដ្យូមទាប៖ </strong>ទឹកប៉េងប៉ោះមានប្រសិទ្ធភាពការពារប្រឆាំងនឹងជំងឺមហារីកជាច្រើនប្រភេទ។ ផលិតផលប៉េងប៉ោះវេចខ្ចប់ស្របតាមស្តង់ដា គឺជាប្រភពដ៏សម្បូរបែប នៃសារធាតុប្រឆាំងនឹងអុកស៊ីដកម្ម Lycopene ដែលរួបរួមជាមួយនឹងការកាត់បន្ថយគ្រោះថ្នាក់ នៃជំងឺមហារីកក្រពះ និងសួត ព្រមទាំងជំងឺមហារីកលំពែង ពោះវៀនធំ បំពង់អាហារ មាត់ និងជំងឺមហារីកកស្បូន។ ម្យ៉ាងទៀត សារធាតុ Lycopene ការពារសួត និងបេះដូងប្រឆាំងនឹងគ្រោះថ្នាក់ នៃអុកស៊ីដកម្ម ដោយការជួយបញ្ចៀសនូវជំងឺបេះដូង និងសរសៃឈាម។</span></p>
<p><span style="color: #000000;"><a class="thickbox" title="" href="/FileManager/Commons/2021/5/1/orange-fruit-pieces-01-05-2021--13-04-18.jpg"><img src="/FileManager/Articles/mce/2021/5/1/orange-fruit-pieces-01-05-2021--13-04-18.jpg" alt="" /></a><br /></span></p>
<p><span style="color: #000000;"><strong>ទឹកក្រូចពោធិ៍សាត់៖ </strong>ទឹកក្រូចពោធិ៍សាត់មានប្រសិទ្ធភាពអាចបញ្ចៀសនូវជំងឺបាយភ្នែក ជំងឺមហារីក និងភាពពិការអវយវៈពីកំណើតរបស់ទារក និងលើកកម្ពស់ភាពស៊ាំរបស់រាងកាយផងដែរ។ ក្រៅពីប្រភពដ៏ប្រសើរអស្ចារ្យ នៃវីតាមីនC ទឹកក្រូចពោធិ៍សាត់ក៏ជាសារធាតុប្រឆាំងនឹងអុកស៊ីដកម្មដ៏មានអំណាច ដែលអាចការពារប្រឆាំងនឹងជំងឺផ្សេងៗរួមទាំងជំងឺបាយភ្នែក និងជំងឺមហារីកសួតផងដែរ។ វីតាមីន C មានប្រសិទ្ធភាពបំផ្លាញអុកស៊ីដកម្ម ដែលអាចបណ្ដាលឱ្យកោសិកាប្រែក្លាយជាកោសិកាមហារីក ហើយវាបង្កើនមុខងារកោសិកាភាពស៊ាំ ដោយធ្វើឱ្យរាងកាយរបស់អ្នកមានសមត្ថភាពប្រឆាំងនឹងការឆ្លងមេរោគបានយ៉ាងមានប្រសិទ្ធភាពខ្ពស់។ ម្យ៉ាងទៀត វាក៏ជាប្រភពដ៏ប្រសើរនៃអាស៊ីដ Folic ដែលការពារប្រឆាំងនឹងការបាត់បង់បំពង់ប្រសាទ នៃទារកក្នុងគភ៌ផងដែរ។ ដើម្បីទទួលបានគុណប្រយោជន៍បន្ថែម នៃការការពារឆ្អឹង សូមសាកល្បងទទួលទានទឹកក្រូចពោធិ៍សាត់ ដែលមានដាក់បន្ថែមជាតិកាល់ស្យូម៕</span></p>
<p><span style="color: #000000;"><br /><a class="c_tab" href="http://facelinecambodia.com/" target="_blank"><img src="/FileManager/Articles/mce/2021/5/1/faceline-with-food-penda-3-01-05-2021--13-05-48.jpg" alt="" /></a><br /></span></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ onlymyhealth</span></p>