<p><span style="color: #000000;"><strong>(តាកែវ)៖</strong> តាមសេចក្ដីរាយការណ៍របស់ភា្នក់ងារ Fresh News បានបញ្ជាក់ថា មានករណីរំលោភសម្លាប់មួយ កើតឡើងនៅភូមិយុលចេក ឃុំជីខ្មា ស្រុកទ្រាំង ខេត្តតាកែវ។</span></p>
<p><span style="color: #000000;">ស្រ្តីរងគ្រោះមិនស្គាល់អត្តសញ្ញាណម្នាក់ (វិកលចរិត) ត្រូវបានជនព្រៃផ្សៃមិនស្គាល់អត្តសញ្ញាណដូចគ្នា បានចាប់រំលោភហើយសម្លាប់ ទុកចោលកណ្ដាលវាល បង្កការភ្ញាក់ផ្អើលឡើងនៅព្រឹក ថ្ងៃទី១១ ខែមករា ឆ្នាំ២០១៧។</span></p>
<p><span style="color: #000000;">លោក ដាំ ពុត្ថា មេបញ្ជាការអាវុធហត្ថស្រុកទ្រាំង បានបញ្ជាក់ប្រាប់ភ្នាក់ងារ Fresh News ថា នៅពេលនេះ មិនទាន់មាននរណាស្គាល់អត្តសញ្ញាណជនរងគ្រោះ នៅឡើយទេ ហើយជនរងគ្រោះមានអាយុប្រហែល៣៥ឆ្នាំ។ ចំណែកជនសង្ស័យ ក៏នៅមិនទាន់ដឹងអត្តសញ្ញាណនៅឡើយដែរ។</span></p>
<p><span style="color: #000000;">លោកមេបញ្ជាការបានបន្តថា ក្រោយពីចុះត្រួតពិនិត្យសាកសព និងធ្វើកោសល្យវិច្ច័យរួចហើយ កម្លាំងសមត្ថកិច្ចរបស់លោក បានចេញប្រតិបត្តិការស្រាវជ្រាវ តាមចាប់ខ្លួនជនសង្ស័យភ្លាម ដើម្បីយកមកផ្ដន្ទាទោសតាមច្បាប់។ ឯសាកសពស្រ្តីរងគ្រោះ កំពុងចាត់ចែងរៀបចំធ្វើបុណ្យបូជាតាមប្រពៃណីខ្មែរ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-11-16-19-29-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>