<p><span style="color: #000000;"><strong>(ភ្នំពេញ)៖</strong> កីឡាការិនីហែលទឹកកម្ពុជា ហែម ថុនវិទីនី និងកីឡាករ ពូ សុវិជ្ជា ត្រូវបានសហព័ន្ធកីឡាហែលទឹកអន្ដរជាតិ (FINA) ផ្ដល់សិទ្ធិអនុគ្រោះ ឲ្យចូលរួមប្រកួតក្នុងព្រឹត្តិការណ៍កីឡាអូឡាំពិក នៅទីក្រុង Rio ប្រទេស ប្រេស៊ីល ឆ្នាំ២០១៦ នេះបើយោងតាមការឲ្យដឹងពីលោក វ៉ាត់ ចំរើន អគ្គលេខាគណៈកម្មាធិការជាតិអូឡាំពិកកម្ពុជា (NOCC)។</span></p>
<p><span style="color: #000000;">អគ្គលេខាធិការខាងលើបានថ្លែងថា <strong>«ដោយសារសហព័ន្ធខ្មែរកីឡាហែលទឹក បានកំណត់ច្បាស់លាស់ពីលទ្ធផល អត្តលិកជម្រើសជាតិ និងបញ្ជូនទៅសហព័ន្ធកីឡាហែលទឹកអន្ដរជាតិ ទើប FINA សម្រេចផ្ដល់សិទ្ធិអនុគ្រោះ (Wild Card) ឲ្យកីឡាករ-កីឡាការិនីកម្ពុជា ២រូបទៅចូលរួមប្រកួតអូឡាំពិក នៅប្រទេសប្រេស៊ីល»</strong> ។</span></p>
<p><span style="color: #000000;">លោកបានពន្យល់ទៀតថា សម្រាប់កីឡាហែលទឹកកម្ពុជាបច្ចុប្បន្ន នៅមិនទាន់មានសមត្ថភាពអាចចូលរួមប្រកួតជម្រុះកម្រិតអាស៊ីដូចកញ្ញា ស៊ន សៀវម៉ី ដើម្បីដណ្ដើមសិទ្ធិចូលរួមប្រកួតកីឡាអូឡាំពិកជាផ្លូវការនោះទេ ហេតុនេះហើយ ទើបយើងស្នើឲ្យមានការផ្ដល់សិទ្ធិអនុគ្រោះ ក្នុងការចូលរួមប្រកួតក្នុងព្រឹត្តិការណ៍ ដែលមានរយៈពេល៤ឆ្នាំម្ដងនេះ ។</span></p>
<p><span style="color: #000000;">គួរបញ្ជាក់ផងដែរថា រយៈពេល ៦២ឆ្នាំមកហើយ អត្តពលិកកម្ពុជា នៅមិនទាន់ឆ្លងផុតវគ្គជម្រុះកីឡាអូឡាំពិកនោះទេ ប៉ុន្ដែទើបតែកាលពីពេលថ្មីៗកន្លងទៅ ដែលកញ្ញា ស៊ន សៀវម៉ី បានបំបែកកំណត់ត្រាប្រវត្តិសាស្ដ្រនេះ តាមរយៈការប្រកួតឈ្នះមេដាយមាស និងសិទ្ធិចូលរួមប្រកួតកីឡាអូឡាំពិក នៅទីក្រុង Rio ប្រទេសប្រេស៊ីលជាផ្លូវការ បន្ទាប់ពីឆ្លង ផុតការប្រកួតជម្រុះកីឡាអូឡាំពិកប្រចាំទ្វីបអាស៊ី នៅប្រទេសហ្វីលីពីន ៕</span></p>
<p><span style="color: #000000;"><img src="https://scontent-hkg3-1.xx.fbcdn.net/t31.0-8/13161936_1724772897762228_1660582578637323764_o.jpg" alt="" width="730" /></span></p>
<p><span style="color: #000000;">កីឡាករ ពូ សុវិជ្ជា (ឆ្វេង) និងកីឡាការិនី ហែម ថុនវិទីនី</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/13100799_994925913928103_7392899594826029651_n.jpg?oh=ebf96715815cad3cf009752d5cb38395&oe=57B42CBC" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/13087308_994925907261437_1423427267936976925_n.jpg?oh=9c4c3a046a104b9f6b77b33b4eabb5aa&oe=579C39F3" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>