<p><span style="color: #000000;">ព័ត៌មានកីឡា៖ ក្លឹបបិសាចក្រហម Manchester United ត្រូវបានគេថ្លោលទោសយ៉ាងខ្លាំងខ្លា ថាជាកំពូលអ្នកចាយលុយច្រើនជាងគេដោយឥតប្រយោជន៍ ក្នុងទឹកដី Premier League នារយៈពេល ៣រដូវកាលចុងក្រោយនេះ ។ </span></p>
<p><span style="color: #000000;">យោងតាមការស៊ើបអង្កេត របស់គេហទំព័រ Mirror បានបង្ហាញឲ្យដឹងថាក្លឹប Man United បានចាយលុយអស់ហូតដល់ទៅ ៥៦០ លានផោនក្នុងរយៈពេល ៣រដូវកាលចុងក្រោយ ដើម្បីទិញកីឡាករចូល ហើយទន្ទឹមនឹងការទិញចូលកីឡាករទាំងនោះ អត្ថប្រយោជន៍ដែលអាចត្រូវបានគេដឹង គឺ ក្លឹបអាចទាញបាន ៥០ ភាគរយនៃនាទី ដែលកីឡាករបានចូលប្រកួត។</span></p>
<p><span style="color: #000000;">Man United រដូវកាលមុន ហ៊ានទិញចូលខ្សែប្រយុទ្ធពីក្លឹប Real Madrid ក្នុងតម្លៃដែលថ្លៃរហូតដល់ទៅ ៦០ លានផោន គឺកីឡាករ Angel Di Maria ប៉ុន្ដែមកទល់នឹងរដូវកាលថ្មីនេះ ក្លឹបបានសម្រេចចិត្ដលក់ ទៅឲ្យក្លឹបរបស់ប្រទេសបារាំង PSG វិញក្នុងតម្លៃខ្លួន ៤៤ លាផោន ។ </span></p>
<p><span style="color: #000000;">ចំណែកក្នុងរដូវកាលថ្មី អត្រាក្លឹបដែលហ៊ានទិញកីឡាករមានតម្លៃខ្លួនខ្ពស់គឺ Manchester City ៥៣.៣ លានផោន, Liverpool ៥០.៤លានផោន, Arsenal ៣៤.៣លានផោន និង Chelsea ៣២.៩ លានផោន។</span></p>
<p><span style="color: #000000;"><a class="thickbox" title="" href="/FileManager/Commons/2015/9/8/9-8-2015-9-08-17-am-08-09-2015--09-14-39.png"><img src="/FileManager/Articles/mce/2015/9/8/9-8-2015-9-08-17-am-08-09-2015--09-14-39.png" alt="" /></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ mirror </span></p>