<p><span style="color: #000000;"><strong>(សៀមរាប)៖</strong> សេចក្តីរាយការណ៍បានឲ្យដឹងថា មានករណីប្លន់ប្រដាប់អាវុធ បានកើតឡើង នៅម៉ោង៩៖០០នាទីយប់ថ្ងៃទី៦ ខែមេសា ឆ្នាំ២០១៦ នៅភូមិគោកៀកឬស្សី ឃុំកែវពណ៌ ស្រុកពួក ខេត្តសៀមរាប ដោយក្រុមចោរប្រាប់ដោយកាំភ្លើង AK បានធ្វើសកម្មភាព បាញ់ប្លន់ផ្ទះប្រជាពលរដ្ឋ យកទ្រព្យសម្បត្តិអស់ជាង១ម៉ឺនដុល្លារ។</span></p>
<p><span style="color: #000000;">សមត្ថកិច្ចបានឲ្យដឹងថា ករណីបាញ់ប្លន់នេះ ជនរងគ្រោះជាម្ចាស់ផ្ទះ មានឈ្មោះ ម៉ន ម៉ុយ ភេទប្រុស អាយុ៣៥ឆ្នាំ មានប្រពន្ធឈ្មោះ មួន ម៉ាច ភេទស្រី អាយុ៣៤ឆ្នាំ និងក្មួយជនរងគ្រោះ ឈ្មោះ ប៉ោង ត្រា ភេទប្រុស អាយុ២៣ឆ្នាំ របួសបាក់ភ្លៅខាងស្ដាំ ដោយសារត្រូវក្រុមចោរបាញ់។</span></p>
<p><span style="color: #000000;">ដោយឡែកទ្រព្យសម្បត្តិ ដែលបាត់បង់រួមមាន លុយបាតថៃ ៣០០០០បាត លុយខ្មែរ៣០លានរៀល លុយដុល្លារ៥០០០ដុល្លារ កងដៃប្លាទីន១ឈុត៥កង ចិញ្ចៀនមាស១វង់ ទម្ងន់១ជី និងទូរស័ព្ទ១គ្រឿង តម្លៃ២០០ដុល្លារផងដែរ សរុបទ្រព្យសម្បត្តិជាង១ម៉ឺនដុល្លារ។</span></p>
<p><span style="color: #000000;">ប្រភពព័ត៌មានបានបញ្ជាក់ថា តាមសម្តីជនរងគ្រោះ ក្រុមចោរមានគ្នា៣នាក់ កាំភ្លើងពីដើម AK មួយដើម កាំភ្លើងខ្លីមួយដើម ដែកស្បែងមួយដើមផងដែរ៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-07-11-37-02-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-07-11-37-02-2.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>