<p><span style="color: #000000;"><strong>(កំពង់ស្ពឺ)៖</strong> ក្រុមចោរប្លន់ប្រដាប់អាវុធចំនួន៣នាក់ ប្រើកាំភ្លើង AK ២ដើម និងកាំភ្លើងខ្លីមួយដើម ដែលបានបាញ់សម្លាប់ ប៉ងប្លន់អ្នកលក់មាស នៅផ្សារកន្ទួត នាស្រុកឱរ៉ាល់ ខេត្តកំពង់ស្ពឺ កាលពីយប់មិញនោះ ជាលទ្ធផលក្រុមចោរមិនបានយកទ្រព្យសម្បត្តិ និងគ្រឿងអលង្ការអ្វីនោះឡើយ ដោយសារតែពេលចូលធ្វើសកម្មភាព ហើយបាញ់ប្រហារទៅលើជនរងគ្រោះនោះ ត្រូវបានប្រជាពលរដ្ឋ ក្បែរខាងជួយស្រែក ផ្អើលឆោឡោ ធ្វើឲ្យពួកវារត់គេចខ្លួនចូលក្នុងព្រៃវិញ។</span></p>
<p><span style="color: #000000;">មន្រ្តីអាវុធហត្ថខេត្តកំពង់ស្ពឺ បានឲ្យដឹងថា ខណ:ដែលបុរសរងគ្រោះជាប្តី កំពុងឈរតអំពូលភ្លើងនៅមុខផ្ទះនោះ ស្រាប់តែក្រុមចោរទាំង៣នាក់ ប្រដាប់ដោយកាំភ្លើង៣ដើម បានកាត់ខ្សែលួស ចំនួន៦ប្រឡោះ ចូលតាមក្រោយផ្ទះ រួចមកភ្ជង់ នាំជនរងគ្រោះចូលទៅក្នុងផ្ទះ រើទ្រព្យសម្បត្តិឲ្យពួកវា តែភ្លាមៗនោះ ជនរងគ្រោះស្រែកឭដល់អ្នកជិតខាង ផ្អើលពេញភូមិទើបក្រុមចោរ បាញ់ទៅលើជនរងគ្រោះបណ្តាលឲ្យស្លាប់តែម្តង។</span></p>
<p><span style="color: #000000;">លោក សោម បូរ៉ា ស្នងការរងនគរបាល និងជាប្រធានការិយាល័យកណ្តាលព្រហ្មទណ្ឌ នៃស្នងការដ្ឋាននគរបាលខេត្តកំពង់ស្ពឺ នៅព្រឹកថ្ងៃទី១៦ ខែមេសា ឆ្នាំ២០១៦នេះ បានថ្លែងប្រាប់ Fresh News ថា ជនសង្ស័យទាំង៣នាក់ បានចេញពីក្នុងព្រៃចូលតាមក្រោយផ្ទះ ហើយបានបាញ់ចំនួន៣គ្រាប់តែ ត្រូវជនរងគ្រោះមួយគ្រាប់បណ្តាលឲ្យស្លាប់តែម្តង ខណ:ជនរងគ្រោះ កំពុងនៅផ្ទះជាមួយប្រពន្ធរបស់ខ្លួន។</span></p>
<p><span style="color: #000000;">លោក សោម បូរ៉ា បានបញ្ជាក់ថា ក្រោយកើតហេតុភ្លាមៗ កម្លាំងនគរបាលរបស់លោក និងកម្លាំងអាវុធហត្ថ បានចុះទៅជួយអន្តរាគមន៌ ហើយក៏បាន និងកំពុងរុករកតាមព្រៃ ដើម្បីតាមបង្ក្រាបផងដែរ។</span></p>
<p><span style="color: #000000;">សូមបញ្ជាក់ថា នៅវេលាម៉ោងប្រមាណ៩យប់ថ្ងៃទី១៥ ខែមេសា ឆ្នាំ២០១៦ន មានករណីបាញ់ប្លន់ទៀតហើយ ដោយក្រុម ចោរមានគ្នា៣នាក់ ចូលបាញ់ប្លន់អ្នកលក់មាស នៅខាងជើងផ្សារកន្ទួត ស្រុក ឱរ៉ាល់ ខេត្តកំពង់ស្ពឺ។</span></p>
<p><span style="color: #000000;">ក្រុមចោរប្រើកាំភ្លើង AK ២ដើមនិងកាំភ្លើងខ្លីមួយដើម បានបាញ់ជនរងគ្រោះចំក្បាលពោះបណ្តាលឲ្យស្លាប់។ ជនរងគ្រោះស្លាប់មានឈ្មោះ ទី ចឿន ហៅ សុខ ណា ភេទប្រុស អាយុ៤០ឆ្នាំ៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/13043728_1588559254791773_8131389261743080479_n.jpg?oh=5c73638d14098d045ee725d6448dba6e&oe=5777802C" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12974321_1588559248125107_5272738053772140955_n.jpg?oh=f19c8da38d4ad82330b6cd01a02f0c7e&oe=577AF056" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/13007347_1588559261458439_4546290736328919482_n.jpg?oh=afcf23de4b9f9df08330a054e38f997d&oe=577282C6" alt="" width="730" /></span></p>
<p> </p>
<div id="news_detail" class="postcontainer">
<p><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>