<p><span style="color: #000000;"><strong>ក្រចេះ៖</strong> នាយរងរដ្ឋបាលព្រៃឈើវឌ្ឍនៈ លោក ថ្លាង គឹមឡុង ត្រូវរថយន្តរបស់ក្រុមហ៊ុន «ស៊ីនបាយអតិច» កិន ស្លាប់បាត់បង់ជីវិត នៅពេលរូបលោកជិះម៉ូតូចុះទៅវាស់វែងដីជូនក្រុមហ៊ុនរបស់កូរ៉េមួយនេះ កាលពីរសៀលថ្ងៃទី ០៥ ខែសីហា ឆ្នាំ២០១៥ ស្ថិតនៅភូមិអាចេន ឃុំកំពង់ចាម ស្រុកកសំបូរ ខេត្តក្រចេះ។</span></p>
<p><span style="color: #000000;">មន្រ្តីនគរបាលខេត្តក្រចេះ បានឲ្យដឹងថា នៅវេលាម៉ោងកើតហេតុម្សិលមិញនេះ លោក ថ្លាង គឹមឡុង នាយរងស ង្គាត់រដ្ឋបាលព្រៃឈើវឌ្បនៈ អាយុ ៥២ឆ្នាំ ត្រូវបានគេឌុបតាមម៉ូតូ ចុះទៅវាស់វែងដីធ្លីជូនក្រុមហ៊ុនកូរ៉េ «ស៊ីនបាយ អតិច»។ លុះដល់ចំណុចកើតហេតុ ស្រាប់តែរថយន្តរបស់ក្រុមហ៊ុន «ស៊ីនបាយអតិច» ម៉ាក់ហ៊ីយ៉ាន់ដាយ ចំណុះ ១៥តោន បានបើកកៀរឲ្យធ្លាក់ពីលើម៉ូតូ ហើយកិនបណ្តាលឲ្យ ថ្លាង គឹមឡុង ស្លាប់ភ្លាមៗនៅកន្លែងកើតហេតុ។</span></p>
<p><span style="color: #000000;">ដោយឡែកអ្នកបើកម៉ូតូឌុបលោក ថ្លាង គឹមឡុង ឈ្មោះ ឈឹម វាចា អាយុ ២៥ឆ្នាំ បានរងរបួសធ្ងន់។ ក្រោយកើត ហេតុ បុរសបើកបររថយន្តបង្កហេតុឈ្មោះ អ៊ឹ សុភ័ក្រ អាយុ ៣៦ឆ្នាំ មានស្រុកកំណើតក្នុងខេត្តព្រៃវែង បានរត់គេច ខ្លួន បាត់ស្រមោល។</span></p>
<p><span style="color: #000000;">សូមបញ្ជាក់ថា លោក ថ្លាង គឹមឡុង មានស្រុកកំណើតនៅស្រុកកងមាស ខេត្តកំពង់ចាម។ ក្រោយការពិនិត្យ និង វាស់វែងរថយន្តនិងម៉ូតូត្រូវសមត្ថកិច្ចយកទៅរក្សាទុក រីឯសពលោក ថ្លាង គឹមឡុង ត្រូវបានសមត្ថកិច្ចទាក់ទងទៅ ក្រុមគ្រួសារទទួលយកទៅធ្វើបុណ្យតាមប្រពៃណីព្រះពុទ្ធសាសនា៕</span></p>
<p> <a class="thickbox" title="" href="/FileManager/Commons/2015/8/6/8-6-2015-11-56-39-am-06-08-2015--12-03-57.png"><img src="/FileManager/Articles/mce/2015/8/6/8-6-2015-11-56-39-am-06-08-2015--12-03-57.png" alt="" /></a></p>
<p><a class="thickbox" title="" href="/FileManager/Commons/2015/8/6/8-6-2015-11-56-51-am-06-08-2015--12-04-12.png"><img src="/FileManager/Articles/mce/2015/8/6/8-6-2015-11-56-51-am-06-08-2015--12-04-12.png" alt="" /></a></p>
<p style="text-align: right;"><br /><span>ផ្ដល់សិទ្ធដោយ៖ ដើមអម្ពិល</span><a class="thickbox" title="" href="/FileManager/Commons/2015/8/6/8-6-2015-11-56-51-am-06-08-2015--12-04-12.png"></a><a class="thickbox" title="" href="/FileManager/Commons/2015/8/6/8-6-2015-11-56-39-am-06-08-2015--12-03-57.png"></a></p>