<p>ក្រោយពីបានទិញយក Motorola ភ្លាម ក្រុមហ៊ុនផលិតទូរស័ព្ទចិន Lenovo បានទាញទម្លាក់ Xiaomi ចេញពីតំណែងអ្នកផលិតស្មាតហ្វូនធំលំដាប់ទី ៣ លើពិភពលោក។</p>
<p style="text-align: center;"><a class="thickbox" title="" href="/FileManager/Commons/2014/11/3/lenovo-acquires-motorola-mobilityjpgadg-03-11-2014--12-29-46.jpg"><img src="/FileManager/Articles/mce/2014/11/3/lenovo-acquires-motorola-mobilityjpgadg-03-11-2014--12-29-46.jpg" alt="" /></a></p>
<p>យោងតាម IDC បន្ទាប់ពីការទិញដូរក្រុមហ៊ុន Motorola Mobility ពី Google បានបញ្ចប់ រយៈពេល <br />២៤ម៉ោងក្រោយមក ក្រុមហ៊ុន Lenovo របស់ចិន បានក្លាយជាក្រុមហ៊ុនផលិតស្មាតហ្វូនធំលំដាប់ទី <br />៣ ក្នុងពិភពលោក ដោយបានរុញច្រានក្រុមហ៊ុនផលិតទូរស័ព្ទ Xiaomi ឱ្យធ្លាក់មកនៅលំដាប់លេខ<br /> ៤។</p>
<p>អគ្គនាយករបស់ Motorola Mobility លោក Osterloh បានសរសេរនៅលើទំព័រ Rwitter របស់ខ្លួនថា<br /> ៖ “សូមជូនពរ Xiaomi ដែលបានជាប់ចំណាត់ថ្នាក់លេខ ៣ ជាក្រុមហ៊ុនផលិតស្មាតហ្វូនធំជាងគេ<br />ក្នុងពិភពលោកលោក។ ប៉ុន្ដែ ក៏សូមអភ័យទោសផងដែរ ដែលចំណាត់ថ្នាក់នេះ មានរយៈពេលតែ<br /> ២៤ម៉ោង ដោយសារតែ Lenovo និង Motorola បានក្លាយជាក្រុមហ៊ុនតែមួយ។ យើងខ្ញុំ បានកាន់<br />កាប់តំណែងលេខ ៣”។</p>
<p>IDC ឱ្យដឹងថា ក្រុមហ៊ុន Xiaomi បានលក់ចេញនូវស្មាតហ្វូនសរុប ចំនួន ១៧,៣លានគ្រឿង ក្នុងត្រី<br />មាសទី ៣ ឆ្នាំ ២០១៤។ ចំណែក Lenovo លក់ចេញបាន ១៦,៩លានគ្រឿង ហើយបើទោះជាចំនួន<br />ស្មាតហ្វូនដែលបានលក់ចេញរបស់ Motorola មិនទាន់ត្រូវបានគេប្រកាសឱ្យដឹង ប៉ុន្ដែ គេដឹងច្បាស់<br />ថា វាគ្រប់គ្រាន់ ជួយឱ្យ Lenovo ក្លាយជាក្រុមហ៊ុនដែលលក់ចេញនូវស្មាតហ្វូន បានច្រើនជាងក្រុម<br />ហ៊ុន Xiaomi ។</p>
<p style="text-align: center;"><a class="thickbox" title="" href="/FileManager/Commons/2014/11/3/lenovo-acquires-motorola-mobility-03-11-2014--12-31-54.jpg"><img src="/FileManager/Articles/mce/2014/11/3/lenovo-acquires-motorola-mobility-03-11-2014--12-31-54.jpg" alt="" /></a></p>
<p style="text-align: center;">Google លក់ Motorola ទៅឱ្យ Lenovo ក្នុងតម្លៃ ២,៩១ពាន់លានដុល្លារអាមេរិក<br /><br /></p>
<p>យ៉ាងនេះក្ដី នៅពេលគេពិនិត្យមើលទៅលើដំណើរការ និងភាពល្បីឈ្មោះរបស់ Xiaomi ក្នុងរយៈ<br />ពេលកន្លង គេជឿថា Lenovo អាចនឹងត្រូវធ្លាក់មកឈរលំដាប់លេខរៀងទី ៤ ក្នុងពេលខាងមុខ<br />មិនខាន។</p>
<p>សូមរំលឹកថា កាលពីចុងខែតុលា ក្រុមហ៊ុនវិភាគទីផ្សារ IDC បានប្រកាសឱ្យដឹងអំពីចំនួនស្មាតហ្វូន<br />ដែលត្រូវបានលក់ចេញនៅទូទាំងពិភពលោក សម្រាប់ត្រីមាសទី ៣ ឆ្នាំ ២០១៤។ ក្នុងត្រីមាសទី ៣<br /> ឆ្នាំ ២០១៤ នេះ ស្មាតហ្វូនចំនួន ប្រហែល ៣២៧លានគ្រឿង ត្រូវបានលក់ចេញ គឺកើន ២៥,២% <br />ធៀបនឹងត្រីមាសទី ៣ ឆ្នាំ ២០១៣ និងកើន ៨,៧% ធៀបនឹងត្រីមាសទី ២ ឆ្នាំ ២០១៤។</p>
<p style="text-align: center;"><a class="thickbox" title="" href="/FileManager/Commons/2014/11/3/idc-03-11-2014--12-23-38.jpg"><img src="/FileManager/Articles/mce/2014/11/3/idc-03-11-2014--12-23-38.jpg" alt="" /></a></p>
<p>នៅក្នុងបញ្ជីរបស់ IDC គេឃើញថា Samsung (កូរ៉េខាងត្បូង) នៅតែជាប់ចំណាត់ថ្នាក់លេខ ១ ដោយ<br />បានលក់ចេញនូវស្មាតហ្វូនចំនួន ៧៨,១លានគ្រឿង (ស្មើនឹង ២៣,៨%) ចំណែក Apple (អាមេរិក) <br />ជាប់ចំណាត់ថ្នាក់លេខ ២ ដោយលក់ចេញបាន ៣៩,៣លានគ្រឿង (១២%) រីឯ Xiaomi (ចិន) វិញ<br /> ជាប់ចំណាត់ថ្នាក់លេខ ៣ ដោយសារចំនួនស្មាតហ្វូនដែលបានលក់ចេញ របស់ក្រុមហ៊ុននេះ បាន<br />កើន ២១១% ក្នុងត្រីមាសទី ៣កន្លងទៅនេះ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ ICharts/Gen</p>