<p><strong>បើតាមប្រភពសារព៍ត៌មានបរទេសមួយចំនួន ដែលបានចេញផ្សាយកាលពីម្សិលមិញ<br />បាន</strong><strong>អោយដឹងថា Christian Bale ដែលជាតារាសម្តែងប្រុស ដើរតួជាបុរសប្រចៀវ <br />"Batman" នៅ</strong><strong>ក្នុងខ្សែភាពយន្តរឿង "The Dark Knight Rises" បានទៅសួរសុខទុក្ខ<br />អ្នករងគ្រោះនៅឯមន្ទីរ</strong><strong>ពេទ្យ ក្រោយពីមានការបាញ់ប្រហារមកលើទស្សនិកជន ស្រប<br />ពេលដែលបានដាក់បញ្ជាំង</strong><strong>ខ្សែភាពយន្តនោះ កាលពីសប្តាហ៍មុននៅរដ្ឋ Colorado ។</strong></p>
<p><a class="thickbox" title="" href="/FileManager/Commons/2012/7/26/20120725164605facebookbale-26-07-2012--10-10-09.jpg"><img src="/FileManager/Articles/mce/2012/7/26/20120725164605facebookbale-26-07-2012--10-10-09.jpg" alt="" width="482" height="314" /></a></p>
<p>គួររំឮកផងដែរថា បើយោងតាមអ្នកនាំពាក្យប្រចាំមន្ទីរពេទ្យដែលនៅក្នុងតំបន់នោះ បានបញ្ជាក់<br />អោយដឹងថា តារាសម្តែងប្រុសរូបនេះ បានមកសួរសុខទុក្ខអ្នករងគ្រោះ នៅឯមន្ទីរពេទ្យ កាលពី<br />រសៀល ថ្ងៃអង្គារ បន្ទាប់ពីបានកើតមានឡើងនូវសោកនាដកម្មមួយនោះ។</p>
<p>លើសពីនេះទៅទៀត បើយោងទៅតាមអ្នកចាត់ការទូទៅ នៃមជ្ឈមណ្ឌលវិជ្ជសាស្រ្តមួយនេះ ក៏<br />បានបញ្ជាក់បន្ថែមដល់ភ្នាក់ងារសារព៍ត៌មាន The Denver Post អោយដឹងថា ៖ តារាសម្តែងតួ <br />Batman មួយនេះ បានចំណាយពេលវេលាប្រមាណជិត 3 ម៉ោង ក្នុងការចុះសួរសុខទុក្ខអ្នកជម្ងឺ 5 នាក់ដែលកំពុងសំរាកព្យាបាលជម្ងឺនៅក្នុងមន្ទីរពេទ្យ។</p>
<p><a class="thickbox" title="" href="/FileManager/Commons/2012/7/26/swedish-bale-pic-26-07-2012--10-12-22.jpg"><img src="/FileManager/Articles/mce/2012/7/26/swedish-bale-pic-26-07-2012--10-12-22.jpg" alt="" width="482" height="361" /></a></p>
<p>គួរបញ្ជាក់ផងដែរថា លោក Christian Bale ដែលជាតារាសម្តែងប្រុស ដើរតួជាបុរសប្រចៀវ <br />"Batman" អាចធ្វើការចុះទៅសួរសុខទុក្ខអ្នកជម្ងឺទៅបានក៏ដោយសារតែ កាលពីសប្តាហ៍មុនបាន<br />កើតមានឡើងនូវរឿងសោដនាដកម្មមួយ ដោយបុរសខ្មាន់កាំភ្លើងម្នាក់បានបើកការវាយប្រហារ<br />ទៅលើទស្សនិកជន ដោយបានបណ្តាលអោយមនុស្ស 12 នាក់បានស្លាប់បាត់បង់ជីវិត នឹង 58 <br />នាក់ផ្សេងទៀតបានរងរបួស ក្នុងអំឡុងពេលដែលដាក់បញ្ជាំងរឿង "The Dark Knight Rises" <br />នៅរដ្ឋ Colorado សហរដ្ឋអាមេរិក៕</p>
<p style="text-align: right;">ដោយ ៖ រិទ្ធី<br />ប្រភព ៖ asiaone</p>