<div class="article-content">
<p><strong>បាត់ដំបង ៖</strong> បុរសម្នាក់ បានដាច់ចិត្ដ ទាញក្វាវ កាប់សម្លាប់ប្រពន្ធចោលនៅនឹង មុខ ក្នុងថ្លុក<br />ឈាម ព្រោះតែរឿងប្រច័ណ្ឌ ប៉ុន្ដែ ក្រោយកាប់សម្លាប់ប្រពន្ធរួច ជនបង្ក ជាប្ដី មិនបានរត់ទៅ<br />ណានោះឡើយ ពោល នៅឱ្យសមត្ថកិច្ចចាប់ខ្លួន យកទៅផ្ដន្ទាទោស តាមផ្លូវច្បាប់ ។</p>
<p>អំពើឃាតកម្មដ៏សាហាវព្រៃផ្សៃ បង្ក ឡើង ដោយបុរសជាប្ដីព្រោះតែរឿងប្រច័ណ្ឌ នោះបានធ្វើ<br />ឱ្យមានការភ្ញាក់ផ្អើលយ៉ាងខ្លាំង កាលពីវេលាម៉ោង ៨ព្រឹក ថ្ងៃទី២៩ ខែតុលា ឆ្នាំ ២០១៣ នេះ <br />ស្ថិតនៅភូមិស្នួល កោង ឃុំបឹងព្រីង ស្រុកថ្មគោល ខេត្ដបាត់ដំបង ។</p>
<p>អធិការនគរបាល ស្រុកថ្មគោល លោក យឹម វិចិត្រ បានថ្លែងឱ្យដឹងថា ជនរងគ្រោះ ជាប្រពន្ធដែល<br />ស្លាប់នៅកន្លែងកើតហេតុ នោះ ឈ្មោះ សល់ សឿត អាយុ ២៥ឆ្នាំ ដោយឡែក ជនបង្កជាប្ដីឈ្មោះ<br /> សួន រី អាយុ ២៨ឆ្នាំ មុខរបរ ជាកម្មករសំណង់ ។</p>
<p>លោក យឹម វិចិត្រ បានបន្ដថា មុនពេល កើតហេតុ ស្ដ្រីជាភរិយាកំពុងនៅចង្ក្រាន បាយ ពេលនោះ<br />បុរសជាប្ដីដែលមានកំហឹង ពុះកញ្ជ្រោលក្នុងចិត្ដយ៉ាងខ្លាំង ព្រោះតែខឹង ប្រពន្ធលួចទំនាក់ទំនងជា<br />មួយប្រុសផ្សេង ហើយមិនសូវនៅផ្ទះ បានទាញកាំបិតក្វាវ កាប់ត្រូវកស្ទើរដាច់ បណ្ដាលឱ្យស្លាប់<br />ភ្លាមៗនៅ នៅកន្លែងកើតហេតុតែម្ដង ។ ក្រោយទទួល ព័ត៌មាន ដ៏តក់ស្លុត និងសាហាវខាងលើនេះ<br /> លោកបានបញ្ជាឱ្យ កម្លាំងនគរបាលព្រហ្មទណ្ឌ សហការជាមួយ កម្លាំងនគរបាលមូលដ្ឋាន ចុះទៅ<br />ជួយអន្ដរា គមន៍ ហើយឃាត់ខ្លួនជនបង្កជាប្ដីបញ្ជូនខ្លួន ទៅកាន់ស្នងការដ្ឋាន ខេត្ដបាត់ដំបង កសាង<br /> សំណុំរឿង ទៅតុលាការចាត់ការតាមផ្លូវ ច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0743.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-067/CH-0744.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0745.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>