<p>ស្ថាបនិកនៃក្រុមហ៊ុនបច្ចេកវិទ្យាអវកាស SpaceX បានប្រកាសថា លោកចង់នាំមនុស្ស ១លាន<br />នាក់ ឡើងទៅរស់នៅលើភពព្រះអង្គារ ក្នុងសតវត្សទី ២១នេះ ព្រោះថា នេះគឺជាដំណោះស្រាយ<br />មួយ ជួយឱ្យមនុស្សលោក គេចចេញពីគ្រោះផុតពូជ។</p>
<p style="text-align: center;"><a class="thickbox" title="" href="/FileManager/Commons/2014/10/3/marsf-03-10-2014--11-16-56.jpg"><img src="/FileManager/Articles/mce/2014/10/3/marsf-03-10-2014--11-16-56.jpg" alt="" /></a></p>
<p style="text-align: center;">លោក Elon Musk មានបំណង បញ្ជូនមនុស្ស ១លាននាក់ ទៅកាន់ក្រហមនេះ ក្នុងទសវត្ស<br />ឆ្នាំ ២១០០</p>
<p style="text-align: center;"> </p>
<p>ទីភ្នាក់អវកាសជាច្រើន បានប្រឹងប្រែង ដើម្បីនាំមនុស្សពីរបីនាក់ ឡើងទៅកាន់ភពព្រះអង្គារ មុន<br />ឆ្នាំ ២០៣០។ ប៉ុន្ដែ គោលដៅនេះ គឺហាក់ដូចជាតូចខ្លាំងណាស់ ធៀបនឹងមហិច្ឆតារបស់ Elon <br />Musk ដែលជាស្ថាបនិករបស់ក្រុមហ៊ុនបច្ចេកវិទ្យាអវកាស SpaceX ។ លោក Elon Musk មាន<br />បំណង បញ្ជូនមនុស្សចំនួន ១លាននាក់ ទៅកាន់ក្រហមនេះ ក្នុងទសវត្សឆ្នាំ ២១០០។ Elon Musk<br /> ជឿថា ការនាំមនុស្សទៅរស់នៅលើភពអង្គារ គឺជាវិធីតែមួយគត់ ដែលអាចជួយការពារមនុស្ស<br />លោក មិនឱ្យដាច់ពូជ នេះបើតាមការចុះផ្សាយរបស់ទស្សនាវដ្ដី AEON ។</p>
<p>កាលពីឆ្នាំទៅ នៅអាមេរិក ក្នុងសិក្ខាសាលមួយ ស្ដីអំពីបច្ចេកវិទ្យាអវកាស លោក Elon Musk<br /> ប្រកាសថា មនុស្សលោក មានតែពីរជម្រើសគត់ ក្នុងអនាគត ៖ ទៅគ្រប់គ្រងភពផ្សេង ឬផុត<br />ពូជ។ លោកសង្កត់ធ្ងន់ថា ៖ “ការផុតពូជ គឺជាលទ្ធផលដែលយើងមិនអាចជៀសបាន ប្រសិន<br />យើងនៅតែបន្តរស់នៅលើភពផែនដី”។</p>
<p>សាស្ដ្រាចារ្យ Brian Cox អ្នកវិទ្យាសាស្ដ្រវ័យក្មេង ដែលមានឈ្មោះល្បីម្នាក់ នៅអង់គ្លេស ក៏មាន<br />ការយល់ឃើញដូច Elon Musk។ លោក Brian Cox អះអាងថា ភាពល្ងង់ខ្លៅរបស់របស់មនុស្ស<br />លោក នឹងបញ្ចប់វត្តមានរបស់ខ្លួន។</p>
<p style="text-align: center;"><a class="thickbox" title="" href="/FileManager/Commons/2014/10/3/marsc-03-10-2014--11-20-45.jpg"><img src="/FileManager/Articles/mce/2014/10/3/marsc-03-10-2014--11-20-45.jpg" alt="" /></a></p>
<p style="text-align: center;">លោក Elon Musk នឹងយានអវកាស SpaceX</p>
<p style="text-align: center;"> </p>
<p>ថ្មីៗនេះ អាមេរិកប្រកាសថា ខ្លួននឹងប្រើប្រាស់អាវុធនុយក្លេអែរ ដើម្បីទប់ទល់នឹងអាចម៍ផ្កាយដែល<br />នឹងហោះមកបុកផែនដី។ ក៏ប៉ុន្ដែ សួរថា នៅពេលមានភពព្រះគ្រោះដ៏ធំមួយ ហោះតម្រង់មកផែន<br />ដី ហើយអាវុធនុយក្លេអែរ មិនមានសមត្ថភាពគ្រប់គ្រាន់ដើម្បីកំទេច ឬបង្វែរគន្លងគោចររបស់វា ឱ្យ<br />ងាកចេញពីផែនដី តើមនុស្សនឹងទៅជាយ៉ាងណា?</p>
<p>ម្យ៉ាងទៀត ជីវិតដែលលែងមានវត្តមាននៅលើបណ្ដាភពផ្សេងៗ បង្ហាញថា ពេលវេលាដែលមនុស្ស<br /> រស់នៅលើភពផែនដី គឺមានកំណត់។ ប្រសិនគេមើលទៅលើចំណេះដឹងផ្នែកបច្ចេកវិទ្យាបច្ចុប្បន្ន<br /> របស់មនុស្ស គេដឹងថា ព្រឹត្តិការណ៍ខុសធម្មតាមួយនឹងកើតនៅលើផែនដី។</p>
<p>លោក Elon Musk អធិប្បាយថា ៖ “ក្រុមមនុស្សដំបូង ដែលនឹងឡើងទៅកាន់ភពអង្គារ គឺត្រូវបង់<br />ប្រាក់ សម្រាប់ដំណើរហោះហើររបស់ពួកគេ។ ដំណើរនេះ គឺដូចទៅនឹងការដែលជនជាតិអឺរ៉ុប ធ្វើ<br />ដំណើរទៅកាន់ទ្វីបអាមេរិក កាលពីប៉ុន្មានរយឆ្នាំមុន”។</p>
<p style="text-align: center;"><a class="thickbox" title="" href="/FileManager/Commons/2014/10/3/marsa-03-10-2014--11-22-57.jpg"><img src="/FileManager/Articles/mce/2014/10/3/marsa-03-10-2014--11-22-57.jpg" alt="" /></a></p>
<p style="text-align: center;">ការបញ្ជូនមនុស្ស ទៅភពអង្គារ គឺដើម្បីគេចពីគ្រោះផុតពូជ ដោយសារអាចម៍ផ្កាយ</p>
<p style="text-align: center;"> </p>
<p>គួររំលឹកថា ប៉ុន្មានខែមុន លោក Elon Musk ធ្លាប់បានបង្ហើបឱ្យដឹងថា SpaceX កំពុងតែទទួលបាន<br />ជោគជ័យគួរឱ្យកត់សម្គាល់ ទាក់ទិននឹងគម្រោងបង្កើតសហគមន៍របស់មនុស្ស នៅលើភពព្រះ<br />អង្គារ មុនអំឡុងឆ្នាំ ២០២០។</p>
<p>លោក Elon Musk ក៏ធ្លាប់អះអាងថា លោកបង្កើត SpaceX គឺមានគោលដៅតែមួយគត់ នោះគឺ<br />បង្កើត ប្រភេទកាំជ្រួចដែលមានសមត្ថភាពនាំមនុស្សទៅដល់ភពអង្គារ។ លោក គិតថា សំបុត្រ<br />សម្រាប់មនុស្សម្នាក់ ដែលធ្វើដំណើរទៅកាន់ភពក្រហមនេះ គឺមានតម្លៃ ៥០០.០០០ ដុល្លារសហ<br />រដ្ឋ អាមេរិក/ជើង។</p>
<p style="text-align: center;"><a class="thickbox" title="" href="/FileManager/Commons/2014/10/3/marsone2025-03-10-2014--11-28-31.jpg"><img src="/FileManager/Articles/mce/2014/10/3/marsone2025-03-10-2014--11-28-31.jpg" alt="" /></a></p>
<p style="text-align: center;">Mars One ក៏មានគម្រោងបញ្ជូនមនុស្សទៅកាន់ភពអង្គារ</p>
<p style="text-align: center;"> </p>
<p>សូមរំលឹកដែរថា Mars One ដែលជាក្រុមហ៊ុនមួយ មានគោលដៅដូចទៅនឹង SpaceX កាលពីឆ្នាំ<br /> ២០១៣ បានប្រកាសថា មានមនុស្សជាង ៧៨.០០០នាក់ បានដាក់ពាក្យប្រកួតប្រជែង ដើម្បីមាន<br />ឱកាសទៅរស់នៅលើភពអង្គារ ក្រោមការដឹកនាំរបស់ Mars One ។ ឆ្នាំ ២០២២ Mars One នឹង<br />បញ្ជូនមនុស្ស ៤នាក់ទៅកាន់ភពអង្គារ ហើយពួកគេនឹងទៅដល់ភពនេះ ក្នុងឆ្នាំ ២០២៣។ គម្រោង<br />របស់ Mars One នឹងត្រូវបានធ្វើឡើងជាបន្តបន្ទាប់ រហូតដល់ឆ្នាំ ២០៣៣ នឹងបង្កើតបានសហ<br />គមន៍មួយនៅលើភពអង្គារ ដែលមានមនុស្ស ២០នាក់។</p>
<p style="text-align: center;"><a class="thickbox" title="" href="/FileManager/Commons/2014/10/3/marsg-03-10-2014--11-18-25.jpg"><img src="/FileManager/Articles/mce/2014/10/3/marsg-03-10-2014--11-18-25.jpg" alt="" /></a></p>
<p style="text-align: center;">មនុស្សអាចបង្កើតផ្ទះកញ្ចក់ធំៗ លើភពអង្គារ ដែលក្នុងផ្ទះនេះ មានទឹក រុក្ខជាតិ ។ល។</p>
<p style="text-align: center;"> </p>
<p>Mars One មិនមានគម្រោង សម្រាប់នាំមនុស្សត្រឡប់ពីភពអង្គារមកកាន់ផែនដីនោះទេ ពួកគេ<br />ត្រូវរស់នៅលើភពក្រហមនេះ ដែលមានកំដៅជាមធ្យម ឡើងដល់ ៦៣អង្សា។ សហគមន៍មនុស្ស<br />នៅលើភពអង្គារ ក៏នឹងត្រូវស្វែងរកទឹកក្រោមដី និងអ៊ុកស៊ីហ្សែន ក៏ដូចជាដាំដុះ ដើម្បីជាអាហារ<br />ចិញ្ចឹមជីចិត៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Daily Mail/ RT<br /><br /></p>