<p>ប្រាក់ បានក្លាយជាឱសថទិព្វចំពោះកម្លោះម្នាក់ ដែលស្ថិតក្នុងស្ថានភាពសន្លប់មិនដឹងខ្លួន អស់<br />រយៈពេលជាង ១ឆ្នាំ នៅប្រទេសចិន ព្រោះថា បុរសរូបនេះបានដឹងខ្លួនឡើងវិញ នៅពេលគ្រូពេទ្យ<br />លើកប្រាក់នៅចំពោះមុខ។</p>
<p>Xiao Li អាយុ ៣០ឆ្នាំ ដែលជាបុរសញៀននឹងហ្គេមអេឡិចត្រូនិចម្នាក់ នៅក្នុងក្រុង Shenzhen <br />ប្រទេសចិន បានសន្លប់កាលចាប់តាំងពីខែសីហា ឆ្នាំ ២០១៣ ក្រោយពីបានលេងហ្គេមជាច្រើន<br />យប់បន្តបន្ទាប់ នៅឯហាងអ៊ីនធឺរណែតមួយកន្លែង។ ភ្លាមៗនោះ បុរសនេះ ត្រូវបានក្រុមគ្រួសារ <br />យកមកកាន់មន្ទីរពេទ្យសង្គ្រោះបន្ទាន់។</p>
<p style="text-align: center;"><a class="thickbox" title="" href="/FileManager/Commons/2015/1/13/china-13-01-2015--14-49-32.jpg"><img src="/FileManager/Articles/mce/2015/1/13/china-13-01-2015--14-49-32.jpg" alt="" /></a></p>
<p>កាលពីខែមិនា ឆ្នាំ ២០១៤ Xiao Li ក៏ធ្លាប់បញ្ចេញអាការមួយចំនួន ដូចជា កម្រើកម្រាមដៃជា<br />ដើម។ បុរសនេះ ក៏អាចបើកភ្នែក ប៉ុន្ដែ នៅតែមិនទាន់ដឹងខ្លួនទាំងស្រុង នេះបើតាមទំព័រ China <br />Daily ។</p>
<p>ហេតុការណ៍គួរឱ្យចាប់អារម្មណ៍បានកើតឡើង នៅពាក់កណ្ដាលឆ្នាំ ២០១៤ នៅពេលគ្រូពេទ្យ<br />ស្រីម្នាក់ បានកាន់ក្រដាសប្រាក់ ១០០យ័ន ហើយលើកវាឡើងនៅចំពោះមុខ Xiao Li ខណៈមាន<br />មនុស្សម្នាក់និយាយថា ៖ “ប្រសិន អាចឆក់យកប្រាក់នេះបាន នោះប្រាក់នេះនឹងក្លាយជារបស់<br />អ្នក”។</p>
<p>ភ្លាមនោះ អ្នករាល់គ្នា ត្រូវភ្ញាក់ផ្អើលយ៉ាងខ្លាំង ដោយសារឃើញ Xiao Li លើកដៃរបស់ខ្លួនឡើង <br />ឆកយកប្រាក់នេះ។ ប៉ុន្មាននាទីក្រោយមក Xiao Li ក៏ស្រាប់តែបានរួចផុតពីសភាពពាក់កណ្ដាល<br />សន្លប់ ដែលបានកើតឡើងរយៈពេលជាង ១ឆ្នាំមកនេះ។</p>
<p style="text-align: center;"><a class="thickbox" title="" href="/FileManager/Commons/2015/1/13/chin1-13-01-2015--14-51-28.jpg"><img src="/FileManager/Articles/mce/2015/1/13/chin1-13-01-2015--14-51-28.jpg" alt="" /></a></p>
<p style="text-align: center;">១០០យ័ន មានតម្លៃជាង ១៦ដុល្លារអាមេរិក<br /><br /></p>
<p>អគ្គនាយករងនៃផ្នែកប្រព័ន្ធប្រសាទនៅមន្ទីរពេទ្យដែល Xiao Li សម្រាកព្យាបាល ថ្លែងថា ករណី<br />របស់ Xiao Li អាចកើតឡើងដោយសារកត្តាច្រើនយ៉ាង ប៉ុន្ដែ ក្នុងនោះ ប្រាក់អាចជាកត្តាសំខាន់<br /> ក្នុងការជួយឱ្យបុរសនេះ ដឹងខ្លួនទាំងស្រុងឡើងវិញបានលឿងជាងធម្មតា។</p>
<p>បច្ចុប្បន្ន Xiao Li អាចដើរបាន ដោយមានជំនួយពីបងប្អូន ប៉ុន្ដែ គាត់មិនទាន់និយាយបានដូចដើម<br />នៅឡើយ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Mirror </p>