<p><span style="color: #000000;">អង្គការសហប្រជាជាតិ បានចេញនូវសេចក្ដីអំពាវនាវដ៏កម្រមួយ ដើម្បីបញ្ឈប់ការលក់អាវុធឱ្យមីយ៉ាន់ម៉ា ដើម្បីឆ្លើយតបនឹងរដ្ឋប្រហារយោធាប្រកបដោយហិង្សារ នៅឆ្នាំនេះ ។ មហាសន្និបាតរបស់អង្គការសហប្រជាជាតិ បានអនុម័តនូវសេចក្ដីសម្រេចដំណោះស្រាយមួយ ដោយធ្វើការថ្កោលទោសក្រុមប្រឹក្សាយោធា ដែលផ្ដួលរលំរដ្ឋាភិបាលស្របច្បាប់របស់ប្រទេសនេះ កាលពីខែកុម្ភៈ ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/6/19/118986556hi067269131-1-19-06-2021--11-47-56.jpg"><img src="/FileManager/Articles/mce/2021/6/19/118986556hi067269131-1-19-06-2021--11-47-56.jpg" alt="" /></a><br /></span></p>
<p><span style="color: #000000;">ទន្ទឹមនឹងនេះដែល អង្គការសហប្រជាជាតិ បានអំពាវនាវឱ្យមានការដោះលែងអ្នកទោសនយោបាយ មេដឹកនាំជាប់ឆ្នោតអ្នកស្រី អ៊ុង សានស៊ូជី និងអំពាវនាវឱ្យបញ្ចប់រាល់អំពើហិង្សារ លើបាតុករស្លូតត្រង់ ។ ខណៈដែលសេចក្ដីអំពាវនាវនេះ មិនជាប់កាតព្វកិច្ចផ្លូវច្បាប់ ដំណោះស្រាយនេះ មានគោលដៅជាសំខាន់ផ្នែកនយោបាយប៉ុណ្ណោះ ។</span></p>
<p><span style="color: #000000;">លោក Christine Schraner Burgener ប្រេសិតពិសេសរបស់អង្គការ UN បានថ្លែងប្រាប់មហាសន្និបាតកំពូលនេះថា៖ “ហានិភ័យនៃការកើតសង្រ្គាមស៊ីវិលទ្រង់ទ្រាយធំ គឺជាការពិត” ។ ពេលវេលា គឺជាលក្ខខណ្ឌសំខាន់បំផុត ។ ឱកាស ក្នុងការផ្ដាស់ប្ដូរ ការកាន់កាប់អំណាចរបស់យោធា គឺតូចចង្អួតខ្លាំងណាស់” ។</span></p>
<p><span style="color: #000000;">សេចក្ដីសម្រេចដំណោះស្រាយនេះ ត្រូវបានគាំទ្រដោយ ១១៩ ប្រទេស ដោយប្រទេស ប៊ែលឡារ៉ូស គឺជាប្រទេសតែមួយគត់ ដែលបោះឆ្នោតប្រឆាំងនឹងសេចក្ដីសម្រេចដំណោះស្រាយនេះ ។ ៣៦ ប្រទេសផ្សេងទៀត បានធ្វើអនុប្បវាទ រួមទាំងប្រទេសរ៉ុស្ស៊ី និងចិន ដែលជាប្រទេសផ្គត់ផ្គង់សព្វាវុធពីរដ៏ធំបំផុត ដល់យោធាមីយ៉ាន់ម៉ា ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/6/19/1189865588f2563a3-fd68-4e6f-a664-34ca5937fbf4-19-06-2021--11-48-11.jpg"><img src="/FileManager/Articles/mce/2021/6/19/1189865588f2563a3-fd68-4e6f-a664-34ca5937fbf4-19-06-2021--11-48-11.jpg" alt="" /></a><br /></span></p>
<p><span style="color: #000000;">ប្រទេសធ្វើអនុប្បវាទមួយចំនួនទៀត បាននិយាយថា វិបត្ដិនេះ គឺជាបញ្ហាផ្ទៃក្នុងសម្រាប់ប្រទេសមីយ៉ាន់ម៉ា ខណៈដែលប្រទេសដទៃទៀតនិយាយថា សេចក្ដីសម្រេចដំណោះស្រាយនេះ មិនបានបញ្ចេញអំពីការបង្រ្កាបរបស់យោធាដ៏សាហាវយង់ឃ្នងលើប្រជាជនមូស្ល៊ីមរូហ៊ីងយ៉ា កាលពី ៤ ឆ្នាំមុននោះទេ ដែលបង្ខំប្រជាជនជិត ១ លាននាក់ត្រូវភៀសខ្លួនពីប្រទេស ៕</span></p>
<p><span style="color: #000000;"><br /><a class="c_tab" href="/Contents/mekongnet.com.kh" target="_blank"><img src="/FileManager/Articles/mce/2021/6/19/photo2021-06-0710-58-40-19-06-2021--11-48-46.jpg" alt="" /></a><br /></span></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ BBC</span></p>