<p><strong>ព័ត៌មានអន្តរជាតិ ៖</strong> បើយោងតាមការដកស្រង់អត្ថបទផ្សាយ ដែលទើបតែបានចេញផ្សាយ<br />ដោយគេហទំព័រសារព័ត៌មានបរទេស rocketnews កាលពីពេលកន្លងទៅនេះ បានបញ្ជាក់<br />អោយដឹងថា ស្រ្តីជនជាតិចិន ត្រូវបាននាំទៅតុលាការជំនុំជំរះក្តី ខណៈពេលដែលលោកស្រី<br />បានជាប់ចោទពីបទ សម្លាប់មនុស្ស បន្ទាប់ពីគាត់បានចាប់ច្របាច់ពងស្វាសបុរសម្នាក់រហូត<br />ទាល់តែស្លាប់បាត់បង់ជីវិត ស្របពេលដែលអំឡុងនៃការកើតមានឡើងនូវជម្លោះ កាលពីថ្ងៃ<br />ទី១៩ មេសា ឆ្នាំមុនមកម្ល៉េះ ខណៈពេលដែលមកដល់ថ្ងៃទី ៨ មេសា កន្លងផុតទៅថ្មីៗនេះ<br />ជនជាប់ចោទបាននាំទៅកាន់តុលាការជំនុំជំរះក្តីហើយ។</p>
<p>គួររំឭកផងដែរថា មូលហេតុដែលបានបណ្តាល អោយកើតមានឡើងនូវជម្លោះមួយនេះ ក៏<br />ព្រោះតែស្រ្តីដែលជាជនជាប់ចោទ មានកំហឹងជាខ្លាំង បន្ទាប់ពីបុរសដែលជាជនរងគ្រោះ ក៏<br />ដូចជាម្ចាស់ហាងមួយកន្លែងផងនោះ បានចេញមកស្រែកគំហកដាក់អោយគាត់ថា ៖ អ្នក<br />ឯងពាំងផ្លូវនៃការរកស៊ីរបស់ខ្ញុំហើយ ( you’re blocking my business! ) ខណៈពេលដែល<br />លោកស្រីគ្រាន់តែចតកង់អាគុយរបស់ខ្លួន នៅពីមុខហាងរបស់គាត់ បន្ទាប់ពីទៅយកកូនៗ<br />ចេញពីសាលា។</p>
<p><a class="thickbox" title="" href="/FileManager/Commons/2013/4/22/168-22-04-2013--10-15-37.jpg"><img src="/FileManager/Articles/mce/2013/4/22/168-22-04-2013--10-15-37.jpg" alt="" width="449" height="288" /></a></p>
<p>ករណីនេះហើយ ដែលបានធ្វើអោយកើតជាជម្លោះរហូតដល់ប្រើអំពើហឹង្សា។ ដោយចិត្តខឹង<br />ខ្លាំងពេល ជនជាប់ចោទរូបនោះ ក៏ព្យាយាមច្របាច់ពងស្វាស របស់គាត់ពេញមួយទំហឹងតែ<br />ម្តង ដែលបានបណ្តាលអោយគាត់ បានស្លាប់បាត់បង់ជីវិត បើទោះជា មានការខិតខំជូយ<br />សង្គ្រោះពីសំណាក់អ្នកជំនួយការវេជ្ជបណ្ឌិតយ៉ាងណាក៏ដោយ នេះបើយោងតាមសម្តីសាក្សី<br />ម្នាក់។</p>
<p>គួរបញ្ជាក់ផងដែរថា កាលពីថ្ងៃទី ៨ មេសាកន្លងទៅ ជនជាប់ចោទរូបនេះ បាននាំខ្លួនទៅ<br />កាន់តុលាការហើយ ដោយនឹងមានការកាត់ទោសទៅតាមផ្លូវច្បាប់របស់ប្រទេសនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ rocketnews </p>