<p><strong>ភ្នំពេញ៖</strong> តារាសម្តែង ដែលមានមាឌមាំ មុខស្រគត់ស្រគំ រាងខ្ពស់ស្រឡះ លោក ជា សុវណ្ណ<br />នរាហ៍ បានបង្ហើបប្រាប់ឲ្យដឹងថា ពេលនេះខាង ស្ថានីយទូរទស្សន៍បាយ័ន បានផ្តល់ ឱកាស<br />ឲ្យលោកចាប់អាជីព ថ្មីមួយទៀត ដើម្បីសាងភាពល្បីល្បាញ បន្ថែមពីលើអាជីពចាស់។</p>
<p>បុរសរូបសង្ហា មានសម្បុរស្រអែម ស្រស់ទម្រង់មុខវែង ថ្គាមខ្លា លោក ជា សុវណ្ណនរាហ៍ បាន<br />បង្ហើបប្រាប់ Looking TODAY ឲ្យដឹងនៅថ្ងៃទី១៧ ខែមករា ឆ្នាំ២០១៣នេះថា ក្នុងឆ្នាំថ្មីនេះ សន្ទុះ<br />ការងាររបស់លោក ដូចជាមានយីអ៊ុនជាងឆ្នាំមុន ព្រោះមានការមមាញឹកជាប់ៗ គ្នាមិនដាច់ទាល់<br /> តែសោះ ដោយបច្ចុប្បន្ននេះ លោកបានទទួលថតរឿងថ្មី២ ហើយក្នុងចំណោមរឿងនេះ មាន<br />រឿងមួយធ្លាប់ទទួលបានការគាំទ្រហើយ ពេលនេះកំពុងតែបន្តថតវគ្គទី២ គឺរឿង “អាបពាក់មួក<br />សុវត្ថិភាពវគ្គ២”។ ក្រៅពីនេះលោកទើបតែក្តោបបាន ឱកាសថ្មីមួយទៀត គឺជាពិធីករនៅ ស្ថានីយ<br />ទូរទស្សន៍បាយ័ន ដោយលោកកាន់កម្មវិធីដល់ទៅ៣ ក្នុងនោះផ្សាយផ្ទាល់២ និងថតទុក១។</p>
<p>តួឯកប្រុសដែលកំពុងតែមាន ប្រជាប្រិយភាពខ្លាំង តាមរយៈខ្សែភាពយន្តរឿង “ អាបពាក់មួក <br />សុវត្ថិភាព” រូបនេះ បានប្រាប់ឲ្យដឹងទៀតថា “ ក្រៅពីអាជីពជាតារាសម្តែង ថ្មីៗនេះខ្ញុំបានចាប់យក<br />អាជីពថ្មីមួយទៀត គឺជាពិធីករប្រចាំនៅស្ថានីយទូរទស្សន៍បាយ័ន ។បើគិតរហូតមកដល់ពេលនេះ<br /> ខ្ញុំបានធ្វើប្រហែលជា១០ថ្ងៃ ហើយទើបតែចាប់ផ្តើមកម្មវិធី មួយផ្សាយផ្ទាល់ ដោយចាប់ដៃគូជា<br />មួយ អ្នកនាង កែវ ពេជ្រពិសី គឺកម្មវិធី “ដួងតារារយពាន់” ហើយកម្មវិធី២ទៀតគឺ មិនទាន់ច្បាស់<br />នៅឡើយទេ”។</p>
<p>លោក ជា សុវណ្ណនរាហ៍ បានប្រាប់ឲ្យដឹងថា សម្រាប់អាជីពថ្មី របស់លោក គឺមានការលំបាក <br />ខ្លះៗព្រោះថាលោកធ្លាប់តែសម្តែង មិនធ្លាប់កាន់ក្បាលមេក្រូ ហើយនិយាយក្នុងម្មវិធី ផ្សាយផ្ទាល់<br />ទៀត គឺទាមទារឲ្យលោកមាន ការប្រុងប្រយ័ត្នពាក្យសំដី និងរៀបចំខ្លួនឲ្យបានល្អ ព្រោះថាលោក<br />មិនធ្លាប់មានបទពិសោធ ។ ទោះជាយ៉ាងណាលោក នឹងខំប្រឹងធ្វើយ៉ាងណាឲ្យ កម្មវិធីដែលលោក<br />កាន់ដំណើរការទៅបានយ៉ាងល្អ ហើយខំប្រឹងហ្វឹកហាត់បន្ថែមទៀត។</p>
<p>តារាប្រុសដែលធ្លាប់មានឱកាសឆក់បាន តំណែងតួឯកប្រុស នៅស្ថានីយទូរទស្សន៍បាយ័ន ក្នុង<br />រឿង “ល្បងស្នេហ៍ពិសោធន៍ចិត្ត” រូបនេះ បានប្រាប់ឲ្យដឹងបន្ថែមទៀតថា តាមការពិតទៅលោក<br />ក៏មាន ចិត្តស្រលាញ់អាជីពជាពិធីករនេះ មកយូរហើយ តែគ្មានឱកាសទាល់តែសោះ ទើបលោក<br />ចាប់ យកតែអាជីពជាតារាសម្តែងតែមួយ ។ រហូតមកដល់ពេលនេះ ខាងស្ថានីយទូរទស្សន៍ ក៏បាន<br />ផ្តល់ឱកាសឲ្យលោកសាកល្បង ចាប់យកអាជីពនេះ ទើបលោកសម្រេចចិត្ត ដោយមិនរុញរា ក្នុង<br />ការចូលប្រឡូកអាជីពជាពិធីករ ៕</p>
<p><a class="thickbox" title="" href="/FileManager/Commons/2013/1/18/kosal-0325-18-01-2013--15-07-12.jpg"><img src="/FileManager/Articles/mce/2013/1/18/kosal-0325-18-01-2013--15-07-12.jpg" alt="" /></a></p>
<p><a class="thickbox" title="" href="/FileManager/Commons/2013/1/18/kosal-0326-18-01-2013--15-07-27.jpg"><img src="/FileManager/Articles/mce/2013/1/18/kosal-0326-18-01-2013--15-07-27.jpg" alt="" width="499" height="665" /></a></p>
<p><a class="thickbox" title="" href="/FileManager/Commons/2013/1/18/kosal-0327-18-01-2013--15-07-53.jpg"><img src="/FileManager/Articles/mce/2013/1/18/kosal-0327-18-01-2013--15-07-53.jpg" alt="" width="497" height="538" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>