<div class="article-content">
<p><strong>ភ្នំពេញ ៖</strong> យ៉ាងហោចណាស់ ស្ដ្រីម្នាក់ បានស្លាប់ភ្លាមៗ នៅកន្លែងកើតហេតុ រីឯ ២ នាក់<br />ផ្សេងទៀត ក្នុងនោះម្នាក់ជាម្ចាស់ម៉ូតូ កង់ ៣ បានរងរបួសយ៉ាងធ្ងន់ធ្ងរត្រូវដឹក បញ្ជូនទៅ<br />កាន់មន្ទីរពេទ្យភ្លាមៗ ក្រោយ កើតហេតុ បន្ទាប់ពីមានរថយន្ដលុច្សស៊ីស ១ គ្រឿង ដែល<br />អ្នកបើកបរមានអាការៈ ស្រវឹង ឡើងជោកជាំ បើកក្នុងល្បឿនលឿន និង បញ្ច្រាសទិស<br />ចរាចរ ជ្រុលទៅបុកម៉ូតូ កង់ ៣ ដែលកំពុងធ្វើដំណើរបញ្ច្រាសទិស គ្នា ។</p>
<p>គ្រោះថ្នាក់ចរាចរដ៏គួរឱ្យរន្ធត់ និង បណ្ដាលឱ្យមនុស្សស្លាប់ រងរបួសចំនួន ៣នាក់ខាងលើ<br />នេះ បានកើតឡើងកាលពី វេលាម៉ោង ២ និង២០នាទីយប់ រំលង អាធ្រាត្រ ចូលថ្ងៃទី២៥<br /> ខែមីនា ឆ្នាំ២០១៣ ស្ថិតនៅមុខផ្ទះលេខ១៣៣ តាមបណ្ដោយ ផ្លូវលេខ ១៨២ ក្នុងសង្កាត់<br />អូរឫស្សីទី២ ខណ្ឌ ៧ មករា ។ គ្រោះថ្នាក់ចរាចរដែល បានកើតឡើងខាងលើនេះ ផ្ដើម<br />ចេញពីអ្នក បើករថយន្ដ មានជាតិស្រវឹង និង បើកមិន គោរពច្បាប់ចរាចរ ធ្វើឱ្យប៉ះពាល់<br />ដល់អ្នក រួមដំណើរផ្សេងទៀត ។</p>
<p>យោងតាមមន្ដ្រីនគរបាល ចរាចរជើង គោក រាជធានីភ្នំពេញ បានថ្លែងឱ្យដឹងថា ជនរង<br />គ្រោះដែលស្លាប់ នៅនឹងកន្លែងកើត ហេតុនោះ ឈ្មោះ សួន ដាលីស ភេទស្រី អាយុ ២៣<br />ឆ្នាំ រស់នៅក្នុងបុរីពិភពថ្មី តាម បណ្ដោយផ្លូវវ៉េងស្រេង ភូមិត្រញំងថ្លឹង សង្កាត់ចោមចៅ <br />ខណ្ឌពោធិ៍សែនជ័យ ។ ដោយឡែកជនរងគ្រោះ ២នាក់ផ្សេងទៀត ដែលរងរបួសធ្ងន់ រួម<br />មាន ទី១ ឈ្មោះ នួន សំអាត ភេទប្រុស អាយុ ៣៥ឆ្នាំ មានស្រុក កំណើតនៅភូមិ ៧មករា<br /> ឃុំតាំងក្រសាំង ស្រុកសន្ទុក ខេត្ដកំពង់ធំ បច្ចុប្បន្ន ស្នាក់នៅ ក្នុងរាជធានីភ្នំពេញ ហើយ<br />មានមុខរបរជា អ្នករត់ម៉ូតូកង់ ៣ និងទី២ ឈ្មោះ សួន ស្រី ពៅ ភេទស្រី អាយុ ២០ឆ្នាំ រស់<br />នៅក្នុងបុរី ពិភពថ្មី តាមផ្លូវវ៉េងស្រេង ភូមិត្រញំងថ្លឹង សង្កាត់ចោមចៅ ខណ្ឌពោធិ៍សែន<br />ជ័យ ដែល រួមដំណើរជាមួយជនរងគ្រោះដែលស្លាប់។</p>
<p>មន្ដ្រីនគរបាលចរាចរជើងគោក បានឱ្យ ដឹងថា មុនពេលកើតហេតុរថយន្ដលុច្សស៊ីស RX<br /> ៣០០ ពណ៌ខ្មៅ ពាក់ស្លាកលេខ ភ្នំពេញ ២ឡ-៥៣៥២ បើកបរ ដោយបុរស ម្នាក់ឈ្មោះ<br /> វង់ ដារ៉ាវុធ អាយុ ៣០ឆ្នាំ មានស្រុកកំណើត នៅស្រុកក្រូចឆ្មា ខេត្ដកំពង់ចាម បានធ្វើ <br />ដំណើរបញ្ច្រាសរបាំងថ្ម បែងចែកទ្រូងផ្លូវ លេខ ១៨២ ក្នុងទិសដៅពី លិចទៅកើត លុះ <br />ដល់ចំណុចកើតហេតុខាងលើ ស្រាប់តែ រថយន្ដរេចង្កូតទៅបុកម៉ូតូសន្ដោងរ៉ឺម៉កម៉ាក ស៊ីធី<br />ប្លើស ពណ៌ក្រហម ពាក់ស្លាកលេខ ភ្នំ ពេញ ១ពភ-២៨៣៨ ដែលកំពុងធ្វើដំណើរមក ពី<br />ខាងមុខ បណ្ដាលឱ្យស្ដ្រីម្នាក់ដែលជិះនៅ លើម៉ូតូកង់ ៣ស្លាប់ភ្លាមៗនៅកន្លែងកើត ហេតុ<br /> បន្ទាប់ពីរថយន្ដបង្កបានបុកម៉ូតូកង់៣ ទៅផ្ទប់ នឹងទ្វារដែកផ្ទះល្វែង នៅក្បែរកន្លែង កើត<br />ហេតុនោះ ។</p>
<p>យោងតាមប្រភពព័ត៌មាន ពីមន្ដ្រីនគរ បាលចរាចរជើងគោក ក្រោយកើតហេតុ អ្នកបើក<br />រថយន្ដបង្ក ដែលមានអាការៈ ស្រវឹងនោះត្រូវបានឃាត់ខ្លួនភ្លាមៗផងដែរ បន្ទាប់ពីរថយន្ដ<br />របស់គេទៅមុខលែង រួច និងបណ្ដាលឱ្យរងការខូចខាតយ៉ាងធ្ងន់ ធ្ងរ ។ ក្រោយកើតហេតុ<br />មន្ដ្រីនគរបាលចរាចរបានពិនិត្យជាតិអាល់កុល អ្នកបើករថយន្ដបង្ហាញថា អ្នកបើករថយន្ដ<br />រូបនេះ មានជាតិ អាល់កុល ០,៨៣ មីលីក្រាម ក្នុង១លីត្រ ខ្យល់ ។ អ្នកបើករថយន្ដបង្ក<br />ដែលបច្ចុប្បន្ន រស់នៅផ្ទះជួល តាមបណ្ដោយផ្លូវលេខ១៨២ សង្កាត់អូរឫស្សីទី២ ខណ្ឌ៧<br />មករា និងបម្រើ ការងារនៅក្លឹបមួយកន្លែង បានប្រាប់សមត្ថកិច្ចថា មុនពេលកើតហេតុខ្លួន<br />បានទៅចូល រួមពិធីខួបកំណើតក្មួយ នៅបុរីទួលគោក ។ អ្នកបើករថយន្ដបង្ក រូបនេះបាន<br />បន្ដថា ក្រោយ ពីបានចូលរួម និង បានផឹកស៊ីនៅក្នុងកម្មពិធី នោះ ប្រហែល ៣០នាទី ក៏<br />បើករថយន្ដទៅ ធ្វើការវិញ លុះដល់វេលាម៉ោង ១ជាង បាន ចេញពីកន្លែង ធ្វើការ ដោយ<br />បើករថយន្ដតាម ផ្លូវលេខ ២១៧ លុះមកដល់រង្វង់មូលនាង គង្ហីង ក្នុងល្បឿនប្រហែល <br />៦០គីឡូម៉ែត្រ ក្នុង ១ម៉ោង ក៏បត់ស្ដាំចូលផ្លូវលេខ ១៨២ ឆ្ពោះទៅខាងកើត ។ ពេលបត់<br />បានបន្ដិច ស្រាប់តែម៉ូតូ១គ្រឿង បើកបញ្ច្រាស ភ្លាមៗ នោះ អ្នកបើករថយន្ដបានគេចមក<br />ឆ្វេងក៏ ជ្រុលទៅបុកម៉ូតូកង់ ៣ តែម្ដងទៅ ។</p>
<p>គួរបញ្ជាក់ថា ដោយសារតែអ្នកបើកបរ មួយចំនួន មិនបានគោរពច្បាប់ចរាចរ ពោល បើក<br />បរដោយមានអាការៈស្រវឹង និងបើក បរ មិនគោរពភ្លើងសញ្ញាបានបង្កឱ្យមាន គ្រោះថ្នាក់<br />ចរាចរ កើតឡើងជាបន្ដបន្ទាប់។</p>
<p>នាយការិយាល័យ ចរាចរជើងគោករាជ ធានីភ្នំពេញ លោក ហេង ចាន់ធារី បានថ្លែង ថា <br />ដោយអនុវត្ដាមបទបញ្ជារបស់លោក ស្នងការឧត្ដមសេនីយ៍ ជួន សុវណ្ណ កម្លាំងនគរបាល <br />ចរាចររាជធានីភ្នំពេញ សហការ ជាមួយកម្លាំងនគរបាលទាំង ៩ខណ្ឌ បាន និង កំពុងបន្ដ<br />ប្រតិបត្ដិការ ដូចភ្លៀងរលឹមតាម រយៈការឃាត់ខ្លួន អ្នកបើករថយន្ដទាំង ឡាយណា ដែល<br />មានអាការៈស្រវឹង ហើយ បង្កគ្រោះថ្នាក់ចរាចរ បណ្ដាលឱ្យអ្នកដទៃ ស្លាប់ និង ខូចខាត<br />ទ្រព្យសម្បត្ដិសាធារណៈ របស់រដ្ឋ គឺសមត្ថកិច្ចកសាងសំណុំរឿង និង បញ្ជូនខ្លួនជនទាំង<br />នេះ ទៅកាន់តុលាការ ។</p>
<p>នាយរងការិយាល័យ ចរាចរជើងគោក រាជធានីភ្នំពេញ លោក ប៉ែន ឃុន បានឱ្យ ដឹងថា<br /> បច្ចុប្បន្ន អ្នកបើករថយន្ដបង្ករូបនេះរួមទាំងរថយន្ដត្រូវបានឃុំខ្លួន និងរក្សាទុក ជាបណ្ដោះ<br />អាសន្ន នៅការិយាល័យចរាចរ ជើងគោករាជធានីភ្នំពេញ ដើម្បីកសាងសំណុំរឿង បញ្ជូន<br />ទៅកាន់សាលាដំបូង រាជ ធានីភ្នំពេញ ចាត់ការតាមនីតិវិធី ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0511.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0512.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0513.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0514.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0515.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0516.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0517.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0518.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0519.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0520.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0521.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>