<div class="article-content">
<p><strong>ភ្នំពេញ ៖</strong> បុរសម្នាក់ទំនង ផឹកស្រាស្រវឹងធ្លាក់ភ្នែក បានបើករថយន្តលុស្សស៊ីស បុករោងការ របួស<br />បាក់ដៃស្ត្រីម្នាក់ រួចហើយបានព្យាយាមបើករត់ជ្រុលចង្កូតបុកបង្គោលភ្លើង និងផ្ទះអ្នកស្រុកបណ្ដាល<br />ឲ្យខ្ទេច រថយន្ត ព្រមទាំងរងរបួសខ្លួនឯង យ៉ាងដំណំ ហើយត្រូវបក្ខពួក មកដឹករំដោះយកទៅបាត់ ។</p>
<p>គ្រោះថ្នាក់ខាងលើនេះបាន កើតឡើងកាលពី វេលាម៉ោង១០និង៥៥ នាទីយប់ ថ្ងៃទី១៥ ខែមីនា ឆ្នាំ<br />២០១៣ នៅចំណុចមុខផ្ទះលេខ ១២៣ ផ្លូវលេខ ៣៦៩ ភូមិចំពុះក្អែក សង្កាត់ព្រែកថ្មី ខណ្ឌមានជ័យ។</p>
<p>លោកអនុសេនីយ៍ទោ ទិត្យ ចំរើន នាយផ្នែកនគរបាល ចរាចរណ៍ ខណ្ឌមានជ័យ បានឲ្យដឹងថា រថ<br />យន្តបង្កម៉ាកលុស្សស៊ីស RX 300 ពណ៌ទឹកប្រាក់ ស្លាកលេខភ្នំពេញ 2S- 5377 បើកបរដោយបុរស<br />ម្នាក់ ដែលសាក្សីអះអាងថា ស្រវឹងស្រាធ្លាក់ភ្នែក បានរងរបួសយ៉ាងដំណំ ហើយត្រូវបានបក្ខពួក ដឹក<br />រំដោះយកទៅបាត់ មុនពេលកម្លាំងនគរបាល ទៅដល់កន្លែងកើតហេតុ។</p>
<p>លោក ទិត្យ ចំរើន បានបន្តថា ពីដំបូងរថយន្តបង្កបាន ធ្វើដំណើរតាមផ្លូវ ៣៦៩ ពីភូមិកោះក្របី ចូល<br />មកភ្នំពេញ។ លុះធ្វើដំណើរ មកដល់ចំណុច មុខផ្ទះលេខ ១២៣ ក៏ជ្រុលចង្កូតបុករោងការ បាក់បែក<br />តុកៅអី រ៉ឺម៉កម៉ូតូមួយគ្រឿង និងបណ្តាលឲ្យស្ត្រីម្នាក់ របួសបាក់ដៃឆ្វេង ។</p>
<p>បន្ទាប់មករថយន្តបាន ព្យាយាមបើករត់មកដល់មុខ ផ្ទះលេខ ៥៣៤ ភូមិព្រែកតាពៅ សង្កាត់ព្រែកប្រា<br /> ក៏បុកបង្គោលភ្លើង និងយ៉ាកផ្ទះអ្នកស្រុក បណ្តាលឲ្យរថយន្តខូចខ្ទេចស្ទើរទាំងស្រុង ហើយអ្នកបើកបរ<br /> របួសយ៉ាងដំណំ។ បច្ចុប្បន្នរថយន្តបង្ក ត្រូវបានកម្លាំងនគរបាល ការិយាល័យចរាចរណ៍ផ្លូវគោក រាជ<br />ធានីភ្នំពេញ ស្ទូចយកទៅរក្សាទុក ដើម្បីដោះស្រាយតាមច្បាប់៕</p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0231.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0232.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0233.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0234.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0235.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>