<p><span style="color: #000000;">ព័ត៌មានអន្តរជាតិ ៖ ប៉ូលីសប្រទេស Slovenia គូសបញ្ជាក់ឲ្យដឹងថា ក្រុមការងាររបស់ខ្លួនបានរឹប អូសគ្រឿងញៀនជិត ៩០០គ.ក និងចាប់ឃាត់ខ្លួនជនសង្ស័យដែលជាប់ពាក់ព័ន្ធ ១០ នាក់ក្រោយ បេសកម្មបង្ក្រាបនិងវាយឆ្មក់ទីតាំងគ្រឿងញៀនមួយកន្លែងនៅក្នុងប្រទេស ។ </span></p>
<p><span style="color: #000000;"><a class="thickbox" title="" href="/FileManager/Commons/2016/11/19/10b-19-11-2016--09-53-33.jpg"><img src="/FileManager/Articles/mce/2016/11/19/10b-19-11-2016--09-53-33.jpg" alt="" /></a></span></p>
<p><span style="color: #000000;"> *បញ្ជាក់ ៖ រូបភាពឯកសារ</span></p>
<p><span style="color: #000000;">ប្រភពពីមន្រ្តីប៉ូលីសគូសបញ្ជាក់ឲ្យដឹងថា អំឡុងថ្ងៃសុក្រម្សិលមិញនេះអាជ្ញាធរមានសមត្ថកិច្ចបាន រឹបអូសគ្រឿងញៀន ទ្រង់ទ្រាយធំ ដែលក្នុងនោះមានគ្រឿងញៀនច្រើនប្រភេទរួមមានដូចជា hashish, cocaine, heroin, amphetamines និង cannabis ជាដើម ។ គ្រឿងញៀនទាំងអស់ មានតម្លៃគិតជាសាច់ប្រាក់ប្រមាណ ២១លានដុល្លារសហរដ្ឋអាមេរិក។ មិនត្រឹមតែប៉ុណ្ណោះ អាជ្ញា ធរក៏បានចេញដឺកាចាប់ខ្លួនអន្តរជាតិ ទៅលើជនសង្ស័យ ៣រូបដែលកំពុងតែមានវត្តមាននៅក្នុង ប្រទេសហូឡង់ ។ ប្រភពបញ្ជាក់ឲ្យដឹងថា គ្រឿងញៀនដែលរឹបអូសបាននោះ គឺបានចរាចរណ៍ ពីច្រើនប្រទេសនៅក្នុងតំបន់អឹរ៉ុប ៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ </span></p>