<div class="article-content">
<p><strong>ភ្នំពេញ៖</strong> ព្រះគោជាបងប្រុស និងព្រះកែវ ជាព្រះអនុជ (ប្រុស) ជាតួអង្គ នៅក្នុងរឿងព្រេងនិទាន<br /> បែបប្រវត្តិ សាស្ត្រ បានកើតនៅសម័យលង្វែក ហើយមកដល់សព្វថ្ងៃប្រជាជនខ្មែរ នៅតែមានជំ<br />នឿថា ព្រះគោ និងព្រះកែវ មានបារមី ខ្លាំងពូកែ ដោយសារតែបាន បញ្ចេញអព្ភូតហេតុជាច្រើន។</p>
<p>ខាងក្រោមនេះ មជ្ឈមណ្ឌលព័ត៌មានដើមអម្ពិល សូមរៀបរាប់ នូវភាពអស្ចារ្យមួយចំនួនដែលបាន<br />ដឹង និង ឮ កើតចេញពីបារមីរបស់ព្រះគោ ព្រះកែវ ដែលប្រជាជនខ្មែរមានជំនឿ និងបានឃើញ <br />នូវអព្ភូតហេតុទាំងនោះ៖<br />-លោក សយ សុភាព ជាអគ្គនាយកមជ្ឈមណ្ឌលព័ត៌មាន ដើមអម្ពិល ដែលបានចេះចាំតាំងពី អា<br />យុជាង ១០ឆ្នាំ បាននិទានរឿងព្រះគោ ព្រះកែវ យ៉ាងវែងពាក់ព័ន្ធនឹងបារមី ប៉ុន្តែនៅពេលនេះ យើង<br />សូមលើកយកតែចំណុច សំខាន់ៗ មកជម្រាបជូន ប្រិយមិត្តប៉ុណ្ណោះ។ ជីដូនរបស់លោក សយ សុ<br />ភាព ជាអ្នកចូលរូបព្រះគោ ហើយមាន លក្ខណៈពិសេស គឺនៅស្របពេលចូលរូប លោកយាយក៏<br />អាចស្តាប់ និងនិយាយជាមួយមនុស្សបានដែរ ក្នុងនាម លោកយាយផ្ទាល់ បន្ថែមពីលើការនិយាយ<br />ឆ្លើយឆ្លងគ្នា ជាមួយបារមីរបស់ព្រះគោ ដែលខុសប្លែកពីអ្នកចូលរូប ដទៃទៀត នៅពេលចូលរូប គេ<br />មិនអាចនិយាយ ជាមួយអ្នកណាបានឡើយ ក្រៅពីបារមីដែលចូលនោះ ពីព្រោះ អ្នកចូលរូប មិន<br />បានដឹងខ្លួនទេ។ អ្វីដែលធ្វើឲ្យគ្រួសាររបស់ លោក សយ សុភាព ពិសេសលោក សយ សុភាព មាន<br />ជំនឿលើបារមី របស់ព្រះគោ ព្រះកែវ មកពីលោកពិសោធន៍ ទៅលើបន្ទូលរបស់ព្រះគោ តាមរយៈ<br />ចូលរូប ជាមួយជីដូនរបស់លោក កាលនៅរស់ អំពីបញ្ហានយោបាយ របស់ប្រទេសខ្មែរ។ ការចូល<br />រូបនេះ បានធ្វើមុនកិច្ច ព្រមព្រៀងទីក្រុងប៉ារីស ២៣ តុលា ១៩៩១ ពោលវាបានចាប់កើតហេតុ តាំង<br />ពីឆ្នាំ១៩៧៩ ដោយលោក សយ សុភាព បានសួរអំពីស្ថានភាព នយោបាយស្រុកខ្មែរ បន្ទាប់មក<br />លោកចាំកត់សម្គាល់ថា តើស្ថានភាពនយោបាយ របស់ប្រទេសកម្ពុជា មានការវិវឌ្ឍដូចបន្ទូល របស់<br />ព្រះគោប្រាប់ដែរឬទេ? ក្រោយមក សភាពការណ៍នយោបាយ ស្រុកខ្មែរ បានដើរនៅលើផ្លូវមួយ ដូច<br />បន្ទូលរបស់ព្រះគោទាំងអស់។ មាន អព្ភូតហេតុជាច្រើនទៀត ពាក់ព័ន្ធនឹង ព្រះគោ ព្រះកែវនេះ ទើប<br />នាំឲ្យលោក សយ សុភាព មានជំនឿទៅលើបារមី របស់ព្រះគោ ព្រះកែវនេះ។ បច្ចុប្បន្ន លោក សយ<br /> សុភាព បានឲ្យជាងគំនូរ គូររូបព្រះគោ ព្រះកែវ ចំនួនពីរផ្ទាំង ដែល បានអះអាងថា ព្រះគោ មាន <br />សម្បុរពណ៌ស។</p>
<p>-ថ្ងៃទី៨ ខែកញ្ញា ឆ្នាំ២០១៣ វេលាម៉ោងប្រមាណ១២ ថ្ងៃត្រង់ នៅវត្តត្រឡែងកែង ក្នុងអតីតបន្ទាយ<br />លង្វែក ស្រុក កំពង់ត្រឡាច ខេត្តកំពង់ឆ្នាំង លោកតាអាចារ្យ ប៉ុល អាត ប្រចាំនៅវត្តត្រឡែងកែង <br />បានមាន ប្រសាសន៍ឲ្យដឹង នៅក្នុងព្រះវិហារវត្តថា ប្រមាណ៤ឆ្នាំមុន មានក្មេងឃ្វាលគោ ៧នាក់<br /> ដែលកំពុង ឃ្វាលគោនៅស្រែ បានឃើញ ព្រះគោ ហោះនៅលើមេឃទាំងអស់គ្នា រួចពួកគេបានរត់<br />មកប្រាប់ចាស់ៗ នៅក្នុងភូមិ។ លោកតាអាចារ្យ មាន ប្រសាសន៍បន្តថា «អភ្ពូតហេតុនេះ កើតឡើង<br />នៅភ្នំត្បែងកំពូលភ្នំស្រួច (ខេត្ត ព្រះវិហារ) គឺព្រះគោ ហោះពីស្រុក ថៃ មកស្រុកខ្មែរ ពេលនោះក្មេង<br />ឃ្វាលគោបានឃើញ និងមានមនុស្សចាស់ម្នាក់ ដែលជាអ្នកស្នងចូលរូបព្រះគោ ព្រះកែវ ថតរូប<br />បាន។ ហើយលោក មិនហ៊ានទុករូបនោះនៅក្នុងផ្ទះ ក៏យករូបនេះ មកដាក់នៅក្នុងព្រះវិហារវត្ត ត្រ<br />ឡែងកែងនេះ»។ សូមមើលរូបថតមានស៊ុម ដាក់នៅខាងក្រោមអត្ថបទនេះ។</p>
<p>-អព្ភូតហេតុមួយទៀត លោក សយ សុភាព បានប្រាប់ឲ្យដឹង ដោយដកស្រង់សំដីរបស់លោកឧក<br />ញ៉ា ស្រី វុទ្ធី ដែលបានប្រាប់កាលពីប៉ុន្មានឆ្នាំកន្លងទៅថា ជាច្រើនឆ្នាំកន្លងមក លោកឧកញ៉ា ស្រី<br /> វុទ្ធី រួមជាមួយអ្នកដទៃទៀត បានជួលឲ្យជាងឆ្លាក់ ឲ្យឆ្លាក់រូបព្រះគោ ព្រះកែវ រួចបានដឹកតាមរថ<br />យន្ត ទៅដាក់នៅវត្តមួយ នៅខេត្តស្វាយ រៀង។ ប៉ុន្តែទៅដល់កំពង់ចម្លងអ្នកលឿង ត្រើយខាងលិច <br />បម្រុងឆ្លងសាឡាង រថយន្តដឹកព្រះគោ ព្រះកែវនេះ បញ្ឆេះជាច្រើនលើកច្រើនសារ នៅតែមិនឆេះ <br />ទៅបីបន់ស្រន់រួចហើយក៏ដោយ, ពេលនោះលោកក៏នឹកទៅដល់ បារមីរបស់ព្រះគោ ព្រះកែវ ហើយ<br />សម្រេចចិត្តថា ដឹកព្រះគោ ព្រះកែវនេះ មកគង់នៅក្នុងទឹកដីបន្ទាយលង្វែក វិញ ដែលជាទីកន្លែង<br />ដើម នៃសាច់រឿងព្រះគោ ព្រះកែវ, ពេលនោះទើបបញ្ឆេះរថយន្តឆេះ ហើយ ត្រឡប់មក ភ្នំពេញវិញ<br /> និងទៅបន្ទាយលង្វែក។ សព្វថ្ងៃ រូបចម្លាក់នេះ ដាក់នៅក្រោមដើមស្វាយកាល ក្នុងបន្ទាយលង្វែក។ <br />ដើមស្វាយកាល ជាដើមស្វាយមួយដើម ទាក់ទងទៅនឹងដំណើររឿងព្រះគោ ព្រះកែវ ត្រង់ឈុត<br />មួយដែល ម្តាយរបស់ព្រះគោ ព្រះកែវ ពពោះ (មានផ្ទៃពោះ) ឃ្លានហូបផ្លែស្វាយពេក ក៏ឡើងបេះ<br />ផ្លែស្វាយ ហើយក៏ធ្លាក់ ស្លាប់តែម្តងកាលសម័យលង្វែក។ អ្នកស្រុកបានឲ្យដឹងថា តាំងពីយូរណាស់<br />មកហើយ ដើមស្វាយនេះ ផ្លែតែមួយ ដងនោះ ប៉ុណ្ណោះ ដែលមានអាយុរាប់រយឆ្នាំមកហើយ។ <br />លោក សយ សុភាព បានប្រាប់នៅទីតាំងដាក់រូបចម្លាក់ នេះថា ជាធម្មតាដើមស្វាយ អាចមានអា<br />យុត្រឹមតែ ៧០ឆ្នាំប៉ុណ្ណោះ ប៉ុន្តែដើមស្វាយនេះ មានអាយុជាច្រើនរយឆ្នាំ ដែលជាចំណុចអស្ចារ្យ<br />មួយដែរ។ បច្ចុប្បន្ន ដើមស្វាយនេះ មានដើមពោធិ៍ធំមួយដុះពីលើគល់ ហើយដើមស្វាយ បានទ្រេត<br />ចេញពីដើមពោធិ៍នោះ។</p>
<p>-កាលពីឆ្នាំ២០១១ លោក ហេង រតនា អគ្គនាយកមជ្ឈមណ្ឌល សកម្មភាពកម្ចាត់មីនកម្ពុជា បាន<br />កសាង រូប សំណាកព្រះគោ ព្រះកែវ យកទៅដាក់ នៅក្នុងបរិវេណវត្តត្រឡែងកែង ក្នុងទឹកដីអតីត<br />បន្ទាយលង្វែក ដោយ លោកបានអញ្ជើញលោក សយ សុភាព ចូលរួមផងដែរ។ នៅក្នុងឱកាស<br />ពិធីបុណ្យនោះ លោក ហេង រតនា បាន បួងសួងសុំឲ្យការផ្ទុះអាវុធ ក៏ដូចផ្ទុះសង្គ្រាមរវាងកម្ពុជា<br /> និងថៃ ស្ងប់ស្ងាត់ ព្រមទាំងមាន ទំនាក់ទំនងល្អនឹងគ្នា ឡើងវិញ។ លោកបានបញ្ជាក់ថា ចាប់តាំង<br />ពីពេលនោះមក ប្រទេសកម្ពុជា ក៏មាន សេចក្តីសុខ សន្តិភាព មកដល់ បច្ចុប្បន្ននេះ។ ដោយមាន<br />ជំនឿលើបារមីព្រះគោ ព្រះកែវនេះ ជនជាតិខ្មែរមួយចំនួន បានចំណាយថវិកា ឲ្យជាង ចម្លាក់ និង<br />ជាងគំនូរ ឆ្លាក់ និងគូររូបព្រះគោ ព្រះកែវ ដាក់នៅតាមទីកន្លែង ក៏ដូចវត្តអារាមដទៃទៀតដែរ នៅ<br />ក្នុង ព្រះរាជាណាចក្រកម្ពុជា។</p>
<p>សូមបញ្ជាក់ថា ការលើកឡើងនូវអព្ភូតហេតុ ខាងក្រោមនេះ មជ្ឈមណ្ឌលព័ត៌មានដើមអម្ពិល មិន<br />មានចេតនា អន្ទងឲ្យប្រជាជនខ្មែរ មកជឿលើព្រះគោ ព្រះកែវនោះឡើយ ពីព្រោះបញ្ហាជំនឿ គឺ<br />ប្រជាជនខ្មែរ មានសេរីភាព ក្នុងការជឿ ដូច្នេះ ពុំមានអ្នកណាមកបង្ខំបានទេ។</p>
<p>លោក សយ សុភាព បានបញ្ជាក់ថា «កន្លងមក ក៏ដូចសព្វថ្ងៃនេះ ខ្ញុំមានជំនឿ និងគោរពព្រះបាទ <br />ជ័យវរ្ម័នទី៧ និងព្រះគោ ព្រះកែវ ទើបនាំឲ្យខ្ញុំមានសេចក្តីសុខ និងធ្វើការងារបានសម្រេច ជាបន្ត<br />បន្ទាប់។ ចំណែកពុទ្ធទំនាយ និងឥន្ទទំនាយ ប្រហែលកើតមានឡើងនៅមុនបន្តិច ឬក្រោយបន្តិច<br />នៃរឿងព្រះគោ ព្រះកែវ។ អញ្ចឹងហើយ បានជាខ្ញុំ មកដុតធូបបួងសួង នៅចំពោះព្រះភក្ត្រព្រះគោ<br /> ព្រះកែវ សុំឲ្យអ្នកនយោបាយខ្មែរ ចេះស្រឡាញ់គ្នា និងធ្វើអ្វីៗ គិតប្រយោជន៍ជាតិខ្មែរជាធំ ហើយ<br />ក៏សុំឲ្យប្រទេសជាតិ មានសេចក្តីសុខ សន្តិភាព ហើយខ្ញុំមាន សង្ឃឹមថា វិបត្តិនយោបាយបន្តិច<br />បន្តួចសព្វថ្ងៃនេះ នឹងចប់នាពេលដ៏ខ្លីខាងមុខ» ។</p>
<p>រឿងព្រះគោ ព្រះកែវ មានអត្ថបដិរូប៣សំខាន់ គឺ ព្រះគោ(គោសំរិទ្ធ) ព្រះកែវ (បដិមាព្រះកែវមរកត)<br /> គម្ពីរវេទ (គម្ពីរក្បួន តម្រាសំខាន់ៗរបស់ខ្មែរ)។</p>
<p>ដោយសាររឿងឈ្មោះត្រឹមព្រះគោ ព្រះកែវ ទើបធ្វើឲ្យប្រជាជន មិនសូវចាប់អារម្មណ៍លើគម្ពីរវេទ<br /> ឬ កូនមួយ របស់នារីម្នាក់នោះ ដែលកើតមកភ្លាម ហោះចូលក្នុងពោះព្រះគោភ្លាម។ ចូរពិនិត្យមើល<br />សាច់រឿងនារីនោះ បានចិញ្ចៀន ៣វង់ ពីតាឥសី។ រឿងព្រះគោ ព្រះកែវមានតួអង្គបីនាក់ តែភាគ<br />ច្រើនគេចាប់អារម្មណ៍ឃើញតែ២។<br />-១ ជាគម្ពីរវេទ, ២ គឺព្រះគោ(សេចក្ដីព្យាយាម), ៣ គឺព្រះកែវ (កែវនៃបញ្ញា)។</p>
<p>-ស្រ្ដីដែលទទួលបានចិញ្ចៀន៣វង់ពីឥសី បានបុត្រ ៣នាក់ តែបុត្រគម្ពីរវេទ ត្រូវបានព្រះគោ លេប<br />ចូលទៅក្នុង ពោះ ទើបព្រះគោមានឫទ្ធចេះប្រែក្រឡា ចេះជុបម្ហូប ចេះហោះហើរជ្រែកអាកាសជា<br />ដើម។<br />-សេចក្ដីព្យាយាម កែវនៃបញ្ញា និង គម្ពីរវេទ (ជាប្រស្នាបង្កប់ក្នុងរឿងនេះ)។<br />-តាមន័យប្រវត្តិសាស្រ្ដ ព្រះគោជាគោសំរិទ្ធ ដែលព្រះបាទចន្ទរាជា យកផ្ទុកគម្ពីរវេទ គម្ពីរតម្រា<br />ផ្សេងៗ លាក់ពី សៀមតែត្រូវសៀមយកទៅ ចំណែកព្រះកែវជារូបចម្លាក់ព្រះកែវមរកត៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0069.jpg" alt="" width="500" /></p>
<p style="text-align: center;"><strong>គំនូររបស់លោក សយ សុភាព</strong></p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-014/that-0070.jpg" alt="" width="500" /></p>
<p style="text-align: center;"><strong>គំនូររបស់លោក សយ សុភាព</strong></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0071.jpg" alt="" width="500" /></p>
<p style="text-align: center;"><strong>ប្រជាពលរដ្ឋថតរូបព្រះគោហោះនៅភ្នំត្បែង</strong></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0072.jpg" alt="" width="500" /></p>
<p style="text-align: center;"><strong>រូបសំណាកដែលលោក ហេង រតនា កសាង</strong></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0075.jpg" alt="" width="500" /></p>
<p style="text-align: center;"><strong>រូបសំណាកដែលលោក ហេង រតនា កសាង</strong></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0073.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0074.jpg" alt="" width="500" /></p>
<p style="text-align: center;"><strong>ដើមស្វាយកាល</strong></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0076.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0078.jpg" alt="" width="500" /></p>
<p style="text-align: center;"><strong>លោក សយ សុភាព ដំណាលរឿងប្រាប់បុគ្គលិក</strong></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល<strong><br /></strong></p>
</div>