<p><span style="color: #000000;"><strong>(ភ្នំពេញ)៖</strong> តារាសម្តែងភេទទី៣ នាង ប៉ុបពី បានបើករថយន្ដទាំងស្រវឹងក្នុងល្បឿនលឿន ហើយក៏ជ្រុលទៅបុករបាំងថ្មីពុះចែកទ្រូងផ្លូវពេញទំហឹង បណ្ដាលបាក់អស់មួយចំនួន ខណៈរថយន្ដដាច់កង់ខាងមុខ ទៅមុខលែងរួច។</span></p>
<p><span style="color: #000000;">សេចក្តីរាយការណ៍ពីភ្នាក់ងារ Fresh News បានបញ្ជាក់ថា គ្រោះថ្នាក់ចរាចរណ៍នេះ បានកើតឡើងនៅវេលាម៉ោង ០៣៖២០នាទីទៀបភ្លឺ ថ្ងៃទី២១ ខែធ្នូ ឆ្នាំ២០១៦ តាមបណ្ដោយផ្លូវលេខ២១៥ កែងនឹងផ្លូវលេខ១៥៦ ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ។</span></p>
<p><span style="color: #000000;">រថយន្ដដែល ប៉ុបពី ជិះម៉ាក Camry បាឡែន ពណ៌ស ពាក់ស្លាកលេខ ភ្នំពេញ 2Y-5841 ដែលបើកបរដោយនាង ប៉ុបពី ផ្ទាល់ហើយស្ថិតក្នុងស្ថានភាពស្រវឹងស្រា។</span></p>
<p><span style="color: #000000;">អ្នកដែលឃើញហេតុការណ៍បានឲ្យដឹងថា នៅមុនពេលកើតហេតុគេបានឃើញ រថយន្ដបង្កបើកក្នុងល្បឿនលឿនធ្វើដំណើរតាមបណ្ដោយផ្លូវលេខ២១៥ ទិសដៅពីត្បូងទៅជើង ពេលមកដល់ចំណុចកើតហេតុបានជ្រុលបុករបាំងថ្មពុះចែកទ្រូងផ្លូវពេញទំហឹង បណ្ដាលឲ្យរបាំងថ្មចំនួនមួយកង់ខ្ទាតចេញពីគ្នាជិត២០ម៉ែត្រចំណែករថយន្ដដាច់កង់ខាងមុខផ្នែកខាងឆ្វេងបន្តដំណើរទៅមុខលែងរួច ក្នុងហេតុនេះដែរគឺមិនបណ្ដាលឲ្យមានអ្នករបួសនោះទេ។</span></p>
<p><span style="color: #000000;">ក្រោយពីបង្កហេតុតារាសំដែង ប៉ុប ពី បានចុះពីរថយន្ដ បានត្រឹមឈរសើច និងចុចទូរស័ព្ទប៉ុណ្ណោះ ដោយមិនបាននិយាយអ្វីទាំងអស់ បន្ទាប់មកទើបកម្លាំងសមត្ថកិច្ចមូលដ្ឋានបានចុះទៅ ដល់កន្លែងកើតហេតុ និងបានសហការណ៍ ជាមួយកម្លាំងជំនាញចុះធ្វើការវាស់វែង ស្ទួចយករថយន្ដបង្ក ព្រមទាំងនាំអ្នកបើករថយន្ដ ទៅការិយាល័យចរាចរណ៍រាជធានីភ្នំពេញ ដើម្បីដោះស្រាយតាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-21-08-54-21-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-21-08-54-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-21-08-54-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-21-08-54-35-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-21-08-54-39-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>