<p><span style="color: #000000;"><strong>(ភ្នំពេញ)៖</strong> តារាសម្តែងប្រុសមានឈ្មោះ ល្បីគួរសម ក្នុងវិស័យសិល្បៈ លោក គុន រៀមរតនៈ កំពុងជួបទុក្ខធំ សោកសៅ ក្នុងគ្រួសារ ខណៈលោកយាយជាទីស្រឡាញ់ របស់តារាប្រុសរូបនេះ បានទទួលមរណៈភាព ចាកចោលលោក នឹងកូនចៅដោយគ្មានថ្ងៃវិលត្រឡប់វិញ នោះឡើយ។</span></p>
<p><span style="color: #000000;">នៅលើបណ្តាញទំនាក់ទំនង សង្គមហ្វេសប៊ុក របស់តារាសម្តែងលោក គុន រៀមរតនៈ កាលពីប៉ុន្មានម៉ោងមុននេះបានសរសេរបង្ហោះ ភ្ជាប់ជាមួយរូបភាព នៃការដង្ហែសពជាច្រើនសន្លឹក ហើយបញ្ជាក់ថា <strong>«ជូនដំណើរលោកយាយថ្ងៃចុងក្រោយ...។ លោកកយាយទៅចោលចៅហើយ ទៅគ្មានថ្ងៃត្រឡប់ ជាតិមុនខ្ញុំបានសាងបាបកម្មអ្វីខ្លះ បានជាជាតិនេះ ខ្ញុំជួបតែរឿងនិរាសព្រាត់ប្រាស មិនចេះចប់មិនចេះហើយ សោះអ៉ីចឹង?? »</strong>។</span></p>
<p><span style="color: #000000;">តារាប្រុសដែលភាគច្រើន គ្រងតំណែងជាតួភេទទី៣ លោក គុន រៀមរតនៈ បានបន្តថា <strong>«មច្ចុរាជសូមអ្នកប្រណីដល់ខ្ញុំខ្លះផង លោកឪពុក អ្នកម្តាយ បងប្រុសខ្ញុំ លោកតា លោកយាយ ទាំងខាងពុក នឹងខាងម៉ែ ពូ និងម្តាយធំខាងម៉ែ អ្នកបានឆក់យកជីវិតពួកគាត់ ទៅអស់ហើយ ទាំងអ្នកខ្លះនៅវ័យក្មេងៗនៅឡើយ។ តទៅទៀត សូមអ្នកមេត្តាដល់ជីវិតកំព្រីកំព្រា ក្រលំបាកម្នាក់នេះរស់បានសុខចប់ចុងចប់ដើម ដូចគេឯងផងចុះ!»</strong>។</span></p>
<p><span style="color: #000000;">បន្ថែមពីលើនេះ តារាប្រុសលោក គុន រៀមរតនៈ បានឲ្យដឹងថា ក្រោយពីទទួលដំណឹង នៃមរណៈភាពលោកយាយភ្លាម លោកក៏បានចេញដំណើររទាំងយប់ ឆ្ពោះទៅស្រុកកំណើត ដើម្បីចូលរួមពិធីបុណ្យបូជាសព លោកកយាយ ដែលគាត់ត្រូវជាយាយបង្កើតខាងម្តាយ ហើយសពគាត់គឺត្រូវបូជានៅព្រឹកម៉ោង៨ ថ្ងៃនេះ។</span></p>
<p><span style="color: #000000;">ជាមួយគ្នានេះលោក គុន រៀមរតនៈ ក៏បានបន្ថែមថា <strong>«ខ្ញុំសូមគោរពថ្លែងអំណរអគុណ យ៉ាងជ្រាលជ្រៅផងដែរ ចំពោះទឹកចិត្តដ៏ជ្រះថ្លារបស់ពុកម៉ែ បង ប្អូន មិត្តភក្តិទាំងអស់ ដែលបានផ្តល់ការរាប់អាន ចូលចិត្តអាណិតស្រឡាញ់ ចូលរួមបុណ្យសពលោកយាយខ្ញុំជាបណ្តើៗ ចាប់ទាំងពីព្រឹកថ្ងៃទី២៤មកនោះ»</strong>៕</span></p>
<p><span style="color: #000000;"><img src="https://scontent-sea1-1.xx.fbcdn.net/v/t1.0-9/13754556_1148444555221576_397059106889142210_n.jpg?oh=c5471a89801b43efa82b7b98d6274eec&oe=582BF911" alt="" width="730" /></span></p>
<p><span style="color: #000000;"><img src="https://scontent-sea1-1.xx.fbcdn.net/v/t1.0-9/13620976_1148444411888257_1986614328150864991_n.jpg?oh=3c3e9dd950b84e5169e15f2599da59b1&oe=5817DA48" alt="" width="730" /></span></p>
<p><span style="color: #000000;"><img src="https://scontent-sea1-1.xx.fbcdn.net/v/t1.0-9/13770515_1148445675221464_4475021540572985566_n.jpg?oh=03831934487c1366969df8661bf22fb6&oe=58238524" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/v/t1.0-9/13669654_1148445955221436_2836392972068669825_n.jpg?oh=41e53f1b4553b670d9d77a5fd66e22a1&oe=57E8DF60&__gda__=1475062251_a29e6c5bc19660d24ae1360857c30575" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>