<div class="article-content">
<p><strong>កំពង់ឆ្នាំងៈ</strong> អាវុធប្រភេទ B40 , B40.5 (ហៅបេទំនើប) , B41 , M79, RPD, CKC, AK47 និង<br /> ការ៉ាប៊ីន ប្រមាណ២០០ដើម ត្រូវបានប្រជាពលរដ្ឋ ប្រទះឃើញ រួចរាយការណ៍ មកសមត្ថកិច្ច<br /> នគរបាល ដើម្បីយក មករក្សាទុក បញ្ជៀស នូវពេលជនឆ្លៀត ឱកាសនិយមយកទៅកែច្នៃ <br />ប្រើប្រាស់ខុសច្បាប់ ។</p>
<p>កម្លាំងនគរបាល អធិការដ្ឋាន ស្រុកទឹកផុស និងការិយាល័យ គ្រប់គ្រងអាវុធជាតិផ្ទុះ នៃស្នង<br />ការដ្ឋាន នគរ បាល ខេត្តកំពង់ឆ្នាំង ប្រមាណជាង១០នាក់ ដឹកនាំដោយ លោកវរៈសេនីយ៍ត្រី<br /> ខែម វិបុល អធិការ នគរ បាល ស្រុកទឹកផុស និង វរៈសេនីយ៍ត្រី កែវ ឈុន នាយការិយា <br />ល័យអាវុធជាតិផ្ទុះ នៃស្នងការ ដ្ឋាននគរ បាលខេត្ត កំពង់ឆ្នាំង បានធ្វើដំណើរចេញតាំងពី<br />ព្រលឹមស្រាងៗ ថ្ងៃទី១៣ ខែវិច្ឆិកា ឆ្នាំ២០១៣ ដោយ ធ្វើដំណើរពាក់កណ្តាល ដោយមធ្យោ<br />បាយម៉ូតូ និងពាក់កណ្តាលទៀត ដោយថ្មើរជើង កាត់ព្រៃឆ្លងជ្រោះ ឡើងទៅលើកំពូលភ្នំ<br />ដោះក្រមុំ ស្ថិតនៅក្នុងឃុំជៀប ស្រុកទឹកផុស ខេត្តកំពង់ឆ្នាំង កម្លាំងនគរបាល បានធ្វើ ដំ<br />ណើរអស់ រយៈពេល២ថ្ងៃ១យប់ ទើបដល់ទីតាំងកំណប់ កាំភ្លើងខាងលើ ។</p>
<p>លោក ខែម វិបុល នៅក្នុងការធ្វើដំណើរ បានឲ្យដឹងថា កំណប់កាំភ្លើងខាងលើ ដំបូងឡើយ<br />ប្រជាពលរដ្ឋ ដើរដាក់អន្ទាក់សត្វ នៅលើកំពូលភ្នំ ហើយក៍បានប្រទះ ឃើញចុងកាណុង<br />អាវុធមានចំពុះទុង ជាច្រើន ដើមបានផុសមកលើ រួចក៍រាយការណ៍ ប្រាប់នគរបាលប៉ុស្តិ៍<br />ឃុំជៀប ទើបកម្លាំងនគរបាល ខេត្តកំពង់ឆ្នាំង ក្រោមបញ្ជា ផ្ទាល់ របស់ លោកឧត្តមសេនីយ៍ត្រី <br />អាត់ ខែម ស្នងការដ្ឋាននគរបាលខេត្ត បានធ្វើដំណើរ ទៅដល់ទីតាំងកប់អាវុធខាងលើ ។ <br />អាវុធទាំងអស់ ប្រមាណជាង១០០ដើម ត្រូវបានកកាយគាស់ ចេញពី ក្នុងដី និងសល់ជា<br />ច្រើនដើមទៀត មិនទាន់ បានគាស់ចេញ មកក្រៅនៅឡើយ យោងតាមស្ថាន ការណ៍ <br />ផ្លូវមានចម្ងាយឆ្ងាយ ដោយព្រៃក្រាស់ ធ្វើដំណើរឆ្លងខ្នងភ្នំជាច្រើន ទើបកម្លាំងនគរបាល <br />មិនទាន់បានដឹក ជញ្ជូន អាវុធខាងលើនេះមករក្សាទុកនៅឡើយ ដោយគ្រាន់តែអោយកម្លាំង<br /> មួយចំនួនប្រចាំការនៅទីនោះ ។ លោក ឧត្តមសេនីយ៍ អាត់ ខែម ស្នងការនគរបាលខេត្តកំពង់<br />ឆ្នាំង បានប្រាប់ឲ្យដឹងនៅព្រឹកថ្ងៃទី១៥ ខែវិច្ឆិកា ឆ្នាំ២០១៣នេះថា លោកនឹងសុំគោលការណ៍ពី<br /> អភិបាលនៃគណអភិបាលខេត្ត កំពង់ឆ្នាំង លោក ឈួរ ច័ន្ទឌឿន ដឹកនាំកម្លាំងដោយមានការ<br />ចូលរួមពីកម្លាំងស៊ីម៉ាក ទៅកាន់ទីតាំង កប់អាវុធខាងលើ ដោយ ពិនិត្យមើល ជាក់ស្តែងអាវុធ<br />នៅអាចប្រើប្រាស់ បានយកមករក្សាទុក រីឯអាវុធផ្សេងទៀត ដែលមិនអាច ប្រើប្រាស់បាននឹង<br />ត្រូវកំទេច ចោលនៅហ្នឹងកន្លែង ជៀសវាងជនខិលខូចប្រទះ ឃើញយក ទៅកែច្នៃ ប្រើប្រាស់ <br />ខុសច្បាប់ ឬក្នុងសកម្មភាពចោរកម្មជាដើម ។</p>
<p>សូមរម្លឹកថា កម្លាំងនគរបាលធ្វើដំណើរ ទៅកាន់ទីតាំងកំណប់អាវុធខាងលើ ដោយមានកម្លាំង<br />នាំផ្លូវ អតីតកងទ័ពខ្មែរក្រហម ដែលឈរជើងនៅតំបន់នោះផងដែរ ។ បើតាមការអះអាងអតីត<br />កង ទ័ពខ្មែរក្រហម ដែលនាំដំណើរកម្លាំងសមត្ថកិច្ចរូបនេះ បានឲ្យដឹងថា អាវុធខាងលើគឺ <br />កប់ទុកនៅចំណុច ទីតាំងអតីត កងពល១៨ ត្រង់វរៈរបស់តាយឹម ហើយអាវុធខាងលើនេះ <br />បើយើងយកទៅត្រាំប្រេង មួយសប្តាហ៍ នឹងយកមកប្រើប្រាស់បានជាធម្មតាវិញ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/November/id-011/Hong-0301.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0302.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0303.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0300.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>