<p><span style="color: #000000;"><strong>(ម៉ាឌ្រីដ)៖</strong> កីឡាករឆ្នើមរបស់ក្រុមស្តេចស Real Madrid មានដូចជា Casemiro និង Karim Benzema មិនអាចជួយ ក្រុមពេលទទួលស្វាគមន៍ភ្ញៀវមកពីអង់គ្លេស Manchester City យប់នេះបានទេ ដោយសារតែពួកគេមានបញ្ហារបួសមិនទាន់ជា ។</span></p>
<p><span style="color: #000000;">សារព័ត៌មាន Marca បានផ្សាយថា បញ្ជីឈ្មោះកីឡាករទាំង២៣នាក់ ដែលត្រូវជួបក្រុម Man City យប់នេះដែលត្រូវចេញដោយគ្រូបង្វឹក Zinedine Zidane ពុំមានឈ្មោះកីឡាករ Casemiro នោះទេ ខណៈដែល Cristiano Ronaldo អាចចូលវិញបានហើយ ក្រោយអវត្តមានអស់៣ប្រកួតមកនេះក្នុង La Liga ២ប្រកួត និងជើងទី១ នៃ UEFA Champions League ១ប្រកួត ក្រោមលទ្ធផលស្មើ ០-០ នៅកីឡដ្ឋាន Etihad ។</span></p>
<p><span style="color: #000000;">គ្រូបង្វឹកជនជាតិបារាំងខាងលើបានបញ្ជាក់ថា Casemiro មានបញ្ហារបួសត្រគៀក មិនអាចជួយក្រុមនាយប់នេះក្នុងវគ្គ ពាក់កណ្តាលផ្តាច់ព្រ័ត្របានទេ គ្រាដែលមិត្តរួមក្រុម Benzema មានបញ្ហារបួសសរសៃពួរជើងនៅក្នុងការប្រកួតនាពេលកន្លងមក ។</span></p>
<p><span style="color: #000000;">ទន្ទឹមគ្នានោះដែរ Zidane ក៏បានបន្ថែមទៀតថា កីឡាករខ្សែបម្រើកណ្តាល Toni Kroos អាចចូលលេងវិញបានហើយ បន្ទាប់ពីវត្តមាន ពេល Real Madrid ឈ្នះម្ចាស់ផ្ទះ Real Sociedad ១-០ កាលពីថ្ងៃសៅរ៍សប្តាហ៍នៅ La Liga ជាមួយនឹងមិត្តរួមក្រុម Alvaro Arbeloa និង Borja Mayoral ក៏សុទ្ធតែអាចចូលលេងវិញបានដូចៗគ្នា ។</span></p>
<p><span style="color: #000000;"><strong>កីឡាករទាំង ២៣រូបដែលត្រៀមប៉ះ Manchester City យប់នេះមាន៖</strong></span></p>
<p><span style="color: #000000;">១/. អ្នកចាំទី៖ Keylor Navas, Kiko Casilla និង Ruben Yanez ។</span></p>
<p><span style="color: #000000;">២/. ខ្សែការពារ៖ Raphael Varane, Pepe, Sergio Ramos, Nacho, Marcelo, Dani Carvajal, Alvaro Arbeloa និង Danilo ។</span></p>
<p><span style="color: #000000;">៣/. ខ្សែបម្រើ៖ Toni Kroos, James Rodriguez, Gareth Bale, Mateo Kovacic, Luka Modric និង Isco ។</span></p>
<p><span style="color: #000000;">៤/. ខ្សែប្រយុទ្ធ៖ Cristiano Ronaldo, Lucas Vazquez, Jese Rodriguez និង Borja Mayoral ៕</span></p>
<p><span style="color: #000000;"><img src="http://elradio.es/wp-content/uploads/2015/10/773_casemiro-benzema.jpg" alt="" width="730" /></span></p>
<p style="text-align: center;"><span style="color: #000000;">Casemiro (ឆ្វេង) និង Karim Benzema</span></p>
<p><span style="color: #000000;"><img src="http://i.dailymail.co.uk/i/pix/2014/10/04/1412419977860_wps_13_epa04431151_Real_Madrid_s.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>