<div class="journal-content-article">
<p>សម្រាប់អ្នកប្រើប្រាស់ iPhone 6 បើសិនណាពួកគេប្តូរមកប្រើប្រាស់ BlackBerry Passport គឺអតិថិជន នឹងត្រូវបានក្រុមហ៊ុនផ្តល់ជូននូវកញ្ចប់ប្រូម៉ូសិន មានចំនួនទឹកប្រាក់ឡើងដល់ ៥៥០ ដុល្លារ។</p>
<p style="text-align: center;"><a href="http://www.camnews.com.kh/News/Detail/79851/samsung-galaxy-a5-will-available-in-china-with-price-420-usd"><em><span style="color: #3366ff;">...អាន៖ Samsung Galaxy A5 តួធ្វើពីលោហធាតុទាំងអស់ ដាក់លក់នៅទីផ្សារប្រទេសចិន ក្នុងតំលៃប្រហែល ៤២០ ដុល្លារ</span></em></a></p>
<p style="text-align: center;"><a class="thickbox" title="" href="/FileManager/Commons/2014/11/25/1354358-25-11-2014--21-15-18.jpg"><img src="/FileManager/Articles/mce/2014/11/25/1354358-25-11-2014--21-15-18.jpg" alt="" /></a></p>
<p>BlackBerry ទើបតែដាក់ចេញនូវកញ្ចប់ពាណិជ្ជកម្ម (Promotion) ដោយមានគោលដៅជុំរុញឲ្យអ្នក ប្រើប្រាស់ iPhone ផ្លាស់ប្តូរមកប្រើប្រាស់ស្មាតហ្វូនរបស់ខ្លួន។ កម្មវិធីប្រូម៉ូសិននេះ នឹងត្រូវបានបើក ដំណើរការ នៅសហរដ្ឋអាមេរិច និងកាណាដា ចាប់ពីថ្ងៃទី០១ ខែធ្នូ ឆ្នាំ២០១៤ ដល់ថ្ងៃទី ១៣ ខែធ្នូ ឆ្នាំ ២០១៥។</p>
<p style="text-align: center;"><span style="color: #3366ff;"><a href="http://www.camnews.com.kh/News/Detail/34917/chip-apple%E2%80%8B-a8-of-iphone-6-6-plus-supports-4k-video-playback"><span style="color: #3366ff;"><em><span style="color: #0000ff;">...អាន៖ មានដឹងទេ Chip Apple A8 នៅលើ iPhone 6 និង iPhone 6 Plus ផ្គត់ផ្គង់ចាក់វីដេអូ កំរិតរីសូលុយហ្សិន 4K ? (Video inside)</span></em></span></a></span></p>
<p>ក្នុងអំឡុងពេលកម្មវិធីដំណើរការ អ្នកប្រើប្រាស់ iPhone បើសិនជាប្តូរមកប្រើ BlackBerry Passport គឹនឹងត្រូវបានក្រុមហ៊ុនផ្គត់ផ្គង់ប្រាក់សុទ្ធ ៤០០ ដុល្លារ (សម្រាប់តំលៃ iPhone) និងប្រាក់ ១៥០ ដុល្លារ ទៀត (ប្រូម៉ូសិនបន្ថែមពី BlackBerry)។ ជាក់ស្តែង អតិថិជនអាចទទួលបានប្រាក់ឡើងដល់ ៤០០ ដុល្លារ គឺផ្តល់ជូនសម្រាប់តែការប្តូរជាមួយនឹង iPhone 6 ប៉ុណ្ណោះ សម្រាប់ម៉ូដែលចាស់ៗជាងនេះ គឺទទួលបាន បានតំលៃទាបជាងនេះ។ នេះគឺជាវិធីសាស្រ្តមួយ ដើម្បីឲ្យ BlackBerry ស្រូបទាញ អតិថិជន ទន្ទឹមនឹងនោះក៏ដើម្បីបន្ថយបរិមាណលក់របស់គូប្រកួតប្រជែង Apple ដែរ។</p>
<p>ដើម្បីពេញនូវលក្ខខណ្ឌក្នុងការចូលរួមកម្មវិធីនេះ អតិថិជនត្រូវទិញ BlackBerry Passport ពីគេហទំព័រ ShopBlackBerry.com ឬពី Amazon។</p>
<p style="text-align: center;"><a href="http://www.camnews.com.kh/News/Detail/67291/asian-like-iphone-6-plus-the-most-in-the-world"><span style="color: #3366ff;"><em>...អាន៖ ជនជាតិអាស៊ីចូលចិត្តប្រើប្រាស់ iPhone 6 Plus ច្រើនជាងគេ លើសកលលោក</em></span></a></p>
<p>បច្ចុប្បន្ន BlackBerry Passport គឺជាឧបករណ៍ចល័តលំដាប់កំពូលរបស់ BlackBerry។ វាត្រូវបាន រចនាម៉ូតមានអេក្រង់ Touch រួមជាមួយនឹងប៊ូតុងចុច QWERTY ។ BlackBerry Passport ក៏មាន បំពាក់នូវលក្ខណៈសម្បត្តិខ្លាំង ជាមួយនឹង CPU Snapdragon 801 ល្បឿន 2.3 GHz, RAM 3GB, កាមេរ៉ាក្រោយ 13 megapixel និងថាមពលថ្ម 3450 mAh៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖<em> </em>PhoneArena, vreview</p>
</div>