<p><strong>នំពេញ៖</strong>សម្តេចតេជោ ហ៊ុន សែន នាយករដ្ឋមន្រ្តី នៃប្រទេសកម្ពុជា បានថ្លែងថា អភិបាល ខេត្ត បាត់ដំបង លោក ប្រាជ្ញ ច័ន្ទ នឹងត្រូវទៅកាន់ដំណែង ជាអភិបាលខេត្តត្បូងឃ្មុំ ដែលទើបតែបង្កើតថ្មី ហើយអភិបាល ខេត្តបាត់ដំបងវិញ ត្រូវជំនួស ដោយ លោក ចាន់ សុផល ប្រធានក្រុមប្រឹក្សាខេត្ត សៀមរាប។</p>
<p>ការថ្លែងរបស់ សម្តេចតេជោ បែបនេះ ត្រូវបានធ្វើឡើង តាមរយៈវិឌីអូខនហ្វើរេន នៅក្នុងកិច្ច ប្រជុំគណៈរដ្ឋមន្រ្តី នៅព្រឹកថ្ងៃទី២៤ ខែមករា ឆ្នាំ២០១៤ នេះបើយោងតាមការឲ្យដឹង ពីមន្រ្តី ជាន់ខ្ពស់របស់រាជរដ្ឋាភិបាល។</p>
<p>សូមបញ្ជាក់ថា កាលពីពេលថ្មីៗនេះ ព្រះមហាក្សត្រកម្ពុជា ព្រះករុណា ព្រះបាទ សម្តេចព្រះបរម នាថ នរោត្តម សីហមុនី បានប្រកាសបង្កើតខេត្តថ្មីមួយទៀតឈ្មោះ ខេត្តត្បូងឃ្មុំ ដោយកាត់យក ក្រុងចំនួន ១ និងស្រុកចំនួន ៦ ចេញពីខេត្តកំពង់ចាម ដោយក្នុងនោះមាន ស្រុកត្បូងឃ្មុំ ស្រុក អូររាំងឪ ស្រុកក្រូចឆ្មារ ស្រុកតំបែរ ស្រុកពញាក្រែក និង ស្រុកមេមត់៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-010/chanroth014-jan-177.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-010/chanroth014-jan-178.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79752-2014-01-24-06-04-44.html"><span style="color: #0000ff;">ដើមអំពិល</span></a></p>