<p><span style="color: #000000;"><strong>(ភ្នំពេញ)៖</strong> បន្ទាប់ពីផ្ទុះកំហឹង ខឹងរហូតឈានដល់ការគំរាមប្តឹងម្ចាស់ Acount Facebook មួយមានឈ្មោះថា <strong>«វឿន ចាន់វីរៈបុត្រ»</strong> ឡើងតុលាការ ក្រោយពីបុរសម្នាក់នោះ បាន Comment ជេរនាងថា <strong>«ជាស្រីក្បត់ប្តី»</strong> រួចមកមិនទាន់បានប៉ុន្មានថ្ងៃផង ស្រាប់តែពេលនេះ តារាស្រីសម្បូររឿងអាស្រូវ អ្នកនាង ចន ច័ន្ទលក្ខិណា ប្រកាសស្វែងរកមុខបុរសម្នាក់ ដែលមានពាក់ឯកសណ្ឋាន មន្រ្តីយោធាស័ក្តិ១ ដែលបានផ្ញើសារជេរប្រមាថ និងគំរាមនាងតាមហ្វេសប៊ុក។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់តារាស្រី អ្នកនាង ចន ច័ន្ទលក្ខិណា កាលពីប្រមាណ៣ម៉ោងមុននេះ បានសរសេរបង្ហោះភ្ជាប់មកជាមួយពាក្យសម្តី ម្ចាស់របស់ Account Facebook ដែលជេរប្រមាថមកថា<strong> «ខ្ញុំត្រូវការរកអត្តសញ្ញាណទាហានម្នាក់នេះ គេនិយាយមកដូចអាងអំណាច នរណាជាឪពុកម្នាក់នេះ ហើយលោកណាជាមេម្នាក់នេះ ខ្មែរមានទាហានឈ្លើយបែបនេះ ? ចង់រកមុខអ្នកអាងអំណាចម្នាក់នេះ បើខ្លាំងចេញមុខជួបខ្ញុំតទល់ លោកទាហានអស្ចារ្យ!»</strong>។</span></p>
<p><span style="color: #000000;">ការផ្ទុះកំហឹង រហូតខឹងដាច់ក្បាលដាច់កន្ទុយ និងប្រកាសជួបមុខផ្ទាល់ ជាមួយម្ចាស់ Account Facebook ប្រើឈ្មោះថា Bong Haru ពីសំណាក់អ្នកនាង ចន ច័ន្ទលក្ខិណា ខាងលើនេះ បានធ្វើឡើងបន្ទាប់ពីឈ្មោះនេះ បានសរសេររបៀបវាយប្រហាបញ្ឆិតបញ្ឆៀង ហាក់ចង់សំដៅលើអ្នកនាង រឿងបញ្ហាបែកបាក់គ្រួសារ។ មិនតែប៉ុណ្ណោះបុរសម្ចាស់ Account Facebook ម្នាក់នេះ ក៏បានប្រើពាក្យគំរាមដែរថា <strong>«មីថោកដឹងថាអញពីណាគេអត់ ?»</strong>។ ប៉ុន្តែជាការឆ្លើយតបភ្លាមៗ អ្នកនាង ចន ច័ន្ទលក្ខិណា បាននិយាយដោយខ្លីថា<strong> «អ្នកជាអ្នកណា ? ខ្ញុំមិនស្គាល់អ្នកទេ? »</strong> ហើយក៏ប្រកាសស្វែងរកមុខ និងសុំជួបតទល់គ្នាតែម្ដង។</span></p>
<p><span style="color: #000000;">យ៉ាងណាក៏ដោយ បន្ទាប់មានការផ្ទុះរឿងរ៉ាវជេរប្រមាថ និងគំរាមពីបុរសដែលប្រើឯកសណ្ឋាន ជាមន្រ្តីយោធាស័ក្តិ១ ឈ្មោះ Bong Haru នេះដែរ តារាស្រីនៅតែរក្សាបានសម្រស់ស្រស់ស្អាត អ្នកនាង ច័ន្ទ ចន្ទលក្ខិណា កាលពីព្រឹកមិញ ក៏បានសរសេរបង្ហោះ ប្រកាសស្វែងរកអត្តសញ្ញាណពិត របស់បុគ្គលម្នាក់នេះផងដែរ។ ប៉ុន្តែរឿងដែលអ្នកនាង ច័ន្ទ ចន្ទលក្ខិណា នឹងត្រូវធ្វើអ្វីបន្តទៀត លើបុរសម្នាក់នោះ គេពុំទាន់ដឹងនៅឡើយទេ ខណៈរឿងរ៉ាវត្រៀមប្តឹងម្ចាស់ Account Facebook មានឈ្មោះថា <strong>«វឿន ចាន់វីរៈបុត្រ»</strong> ឡើងតុលាការនោះ ក៏ត្រូវបានមហាជនកំពុងតែរង់ចាំអ៊ុតមើល លទ្ធផលផងដែរនោះ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-20-14-05-42-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-20-14-08-38-0.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfp1/v/t1.0-9/12734145_974070679329362_5746341297395732964_n.jpg?oh=9ff9d0c1a54eb45269dc7691200c67f6&oe=581FE758&__gda__=1475131601_6a986c89c0da7b8f54d6958c43f568bb" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfl1/v/t1.0-9/13709947_1074186429317786_2368406413618294305_n.jpg?oh=d7532c46ebc41983291165d7a7314f11&oe=5825F966&__gda__=1478807075_94045030a2069e18b28044676213a7eb" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-20-14-08-10-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>