<p><span style="color: #000000;"><strong>(វ៉ាស៊ីនតោន)៖</strong> ក្រសួងការពារជាតិអាមេរិក បានព្រមានថា ខ្លួនកំពុងតែពិចារណា អំពីការប្រើប្រាស់ វិធីថ្មីក្នុងការឆ្លើយតបនឹងការធ្វើតេស្ត គ្រាប់មីស៊ីល ឬនុយក្លេអ៊ែររបស់ ទីក្រុងព្យុងយ៉ាង។ នេះបើតាមការចេញផ្សាយ មុននេះបន្តិច ដោយទីភ្នាក់ងារព័ត៌មាន ចិនស៊ិនហួរ នារសៀលថ្ងៃពុធ ទី២៧ ខែមេសា ឆ្នាំ២០១៦។</span></p>
<p> </p>
<p><span style="color: #000000;">អ្នកនាំពាក្យក្រសួងការពារជាតិ អាមេរិកលោក Mark Toner បានថ្លែងប្រាប់ក្រុមអ្នកសារព័ត៌មាន នៅថ្ងៃអង្គារ ថា «យើងអំពាវនាវឲ្យកូរ៉េខាងជើង បញ្ឈប់រាល់ទង្វើ ដែលនាំឲ្យតំបន់ទាំងមូល អស្ថិរភាព ហើយត្រូវយកពេលនេះ ទៅផ្តោតសំខាន់លើអ្វី ដែលខ្លួនត្រូវធ្វើវិញ ជាពិសេសគឺការប្តេជ្ញា ក្នុងការលុបបំបាត់ អាវុធនុយក្លេអ៊ែរ។ ទីក្រុងវ៉ាស៊ីនតោន កំពុងរៀបចំយុទ្ធវិធីថ្មី ដើម្បីឆ្លើយតប យ៉ាងមានប្រសិទ្ធភាព ប្រសិនបើកូរ៉េខាងជើង ហ៊ានធ្វើតេស្តមីស៊ីល និងនុយក្លេអ៊ែរទៀត»។</span></p>
<p><span style="color: #000000;">ទោះបីជាយ៉ាងណាក៏ដោយ សហរដ្ឋអាមេរិក មិនបានបញ្ជាក់អំពី វិធីដែលខ្លួននឹងត្រូវប្រើប្រាស់ ទៅលើកូរ៉េខាងជើងនោះទេ ប៉ុន្តែអាមេរិកបានបញ្ជាក់ គោលជំហររបស់ខ្លួនក្នុងការ ការពារឲ្យបាន នូវសន្តិភាព និង ស្ថិរភាពនៃតំបន់ឧបទ្វីបកូរ៉េ ហើយខ្លួនក៏បានព្យាយាមទាញកូរ៉េខាងជើង ឲ្យមកចូលរួមតុចរចាឡើងវិញ ផងដែរ៕</span></p>
<p><span style="color: #0000ff;"><a href="/News/Detail/15656/un-security-council-condemns-north-korean-submarine-missile-test" target="_blank"><span style="color: #0000ff;">- អាន ៖ UN ថ្កោលទោសធ្ងន់ៗ ចំពោះការធ្វើតេស្តក្បាលគ្រាប់មីស៊ីល បាញ់ចេញពីនាវាមុជទឹកកូរ៉េខាងជើង</span></a></span></p>
<p><a class="thickbox" title="" href="/FileManager/Commons/2016/4/27/18-27-04-2016--16-33-07.jpg"><img src="/FileManager/Articles/mce/2016/4/27/18-27-04-2016--16-33-07.jpg" alt="" /></a></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>