<div>
<p><span style="color: #000000;"><strong>(ភ្នំពេញ)៖</strong>ប្រធានសមាគមសិល្បករខ្មែរ លោក សុះ ម៉ាច ដែលបានចូលកាន់តំណែងនេះ រយៈពេលជាង១អាណត្តិមកហើយ ជារឿយៗតែងតែចុះជួយអ្នក សិល្បៈចាស់ជរា ក្រីក្រ ដោយរៃអង្គាសថវិកា តាមរយៈសមាគម ដើម្បីជួយអ្នកសិល្បៈ ដែលគ្មានទីពឹង ។ សកម្មភាពលោកទាំងឡាយ សុទ្ធសឹងតែត្រូវបានរាប់បញ្ចូលជាសកម្មភាពគំរូ ក្នុងសង្គមដែលគួរឲ្យយកគំរូតាម ព្រោះលោកជាប្រធាន មិនអាចធ្វើអី្វមិនល្អ នាំគេមើលងាយដល់សិល្បៈទាំងមូលបានឡើយ ។</span></p>
<p><br /><span style="color: #000000;">កាលពីថ្ងៃទី២៣ ខែធ្នូ ឆ្នាំ២០១៥នេះ វេលាម៉ោងប្រមាណជា១១ យប់លោកបានបង្ហោះរឿងហួសចិត្ត ចេញពីគណនេយ្យហ្វេសបុក ថា «<strong>គួរឲ្យអស់សំណើច និងហួសចិត្តមែន អម្បាញ់ម៉ិញម៉ោងប្រហែលជិត11pm (១១យប់) ធ្វើដំណើរតាមផ្លូវបុរីប៉េងហួត ក្បែរតារាងបាល់ទាត់ western ឃើញប្អូនប្រុសម្នាក់ចតម៉ូតូ កន្លែងស្ងាត់កណ្តាលផ្លូវនិយាយទូរស័ព្ទ ម្នាក់ឯងដូចជាវ៉ល់ៗ ស្តាប់មិនបាន ខ្ញុំក៏អែបប្រាប់ទៅគាត់ថា កុំនិយាយទូរស័ព្ទកណ្តាលផ្លូវស្ងាត់អ៊ីចឹង មិនល្អទេ ប្រយ័ត្នមានគ្រោះថ្នាក់ និងមិនមានសុវត្ថិភាពដល់ខ្លួនទេ។ តែបែរជា មិននឹកស្មានថា គាត់ជិះម៉ូតូតាមមករករឿងខ្ញុំ ជិះជ្រែឌឺពីមុខឡាន ហើយតាមធាក់ឡានរបស់ខ្ញុំ ៗមិនចង់តបគ្រាន់ តែស៊ីផ្លេប្រាប់គាត់កុំធ្វើអ៊ីចឹង បើខ្ញុំចង់ធ្វើបាបងាយណាស់ បើកឡានកៀរតែបន្តិចដួលប្រកាច់ឥឡូវ ។ តែបែរជាបានចិត្តតាមរករឿងថែមទៀត គាត់មិន ដឹងថាខ្ញុំជានរណាទេ ព្រោះយប់មើលក្នុងឡានមិនស្គាល់ ទ្រាំមិនបានដេញតាមជ្រលរៗគាត់ កុំឲ្យបានចិត្តពេក មានអីផ្តួលម៉ូតូចោលក្បែរកែង លក់នំបុ័ងសាច់ ផ្លូវសែនសុខរត់មកវាយឡានខ្ញុំទៀត ..</strong>»។</span></p>
<p><span style="color: #000000;">ក្នុងសារដដែលលោកបានបន្តទៀតថា« <strong>នេះប៉ះចំខ្ញុំ ចុះបើប៉ះអ្នកដទៃខ្លះ អត់មិនបាន គាត់អាចគ្រោះថ្នាក់ធំមិនខានទេយី! គិតទៅមនុស្សយើង បើមិនឲ្យមេរៀនខ្លះ មិនបានមែន! តែខ្ញុំមិនចង់មានបញ្ហាទេ ។តែសោកស្តាយខំប្រាប់អ្វីដែលល្អ បែរជាមានបញ្ហាដល់ខ្លួន ។ គិតទៅមនុស្សយើងសព្វថ្ងៃ បាត់វិញ្ញាណទៅណាអស់ហើយ? បីសាចគ្របដណ្តប់សន្ធំចិត្ត(សណ្ដំ)និងព្រលឹងអ្នកអស់ហើយឬ..?</strong>»។</span></p>
<p><span style="color: #000000;">លោក សុះ ម៉ាច ហាក់បានមេរៀនដ៏ធំធេង ព្រោះមនុស្សសម័យនេះ មិនមែននឹកឃើញអីក៏ធ្វើទៅបាននោះទេ ព្រោះពួកគេហាក់មិនយល់ថា អ្វីល្អអ្វីអាក្រក់នោះទេ សំខាន់យកសុខរួចខ្លួន ទើបជាការប្រសើរ ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/v/t1.0-9/11822619_411377299067501_7506806437630338182_n.jpg?oh=beda0268976241aea907916dd807643f&oe=57222812" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/10953187_1651917615085310_5899929450480556989_n.jpg?oh=5ac310b662fc7edd23e9dee74754785e&oe=570900E3" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpa1/v/t1.0-9/11128127_1572094163067656_4516459385871689328_n.jpg?oh=95cb42b3a17f9c4434a4c7cc33713597&oe=570F422B&__gda__=1460036929_763c5baef20c5f36f69a5cf75f8bdea9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-prn2/v/t1.0-9/1891173_1376352649308476_657649108_n.jpg?oh=8316edc94d5fb84263c6059942e4e7b7&oe=571CC979" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>