<p><strong>ភ្នំពេញ៖</strong> អគ្គនាយកមជ្ឈមណ្ឌលជាតិ គ្រប់គ្រង កងកម្លាំងរក្សាសន្តិសុខ បោសសំអាតមីន និងកាកសំណល់ សង្គ្រាម លោកឧត្ដមសេនីយ៍ សែម សុវណ្ណនី បានឲ្យដឹងនៅថ្ងៃពុធ ទី១១ ខែមិថុនា ឆ្នាំ២០១៤ ថា កងទ័ពមួកខៀវ របស់កម្ពុជា២នាក់ ក្នុងបេសកកម្ម ក្រោមឆ័ត្ររបស់ អង្គការសហប្រជាជាតិ នៅប្រទេសម៉ាលី បានស្លាប់ ដោយ សារពុលចំណីអាហារ។</p>
<p>យ៉ាងណាក៏ដោយមន្រ្តីជាន់ខ្ពស់រូបនេះ មិនទាន់អាចបញ្ជាក់ថាតើ ការស្លាប់នេះ បណ្តាលមកពុលអាហារអ្វីពិតប្រាកដនោះឡើយ និង មិន ទាន់ប្រាប់អំពីអត្តសញ្ញាណនោះទេ ដោយរង់ចាំការធ្វើកោសល្យវិច័យជាមុនសិន។</p>
<p>ថ្លែងប្រាប់មជ្ឈមណ្ឌលព័ត៌មានដើមអម្ពិលលោក ឧត្ដមសេនីយ៍ សែម សុវណ្ណនី បានបញ្ជាក់ថា កម្ពុជាមានការ សោកស្ដាយ ចំពោះការបាត់បង់កងរក្សាសន្ដិភាពរបស់ខ្លួនក្រោមការគ្រប់គ្រងរបស់អង្គការសហប្រជាជាតិ និងចូល រួមមរណៈទុក្ខ ចំពោះក្រុមគ្រួសារសពទាំងពីរ ដែលបានពលីកម្មនៅក្នុងបេសកកម្ម ថែរក្សាសន្ដិភាពនៅពេលនេះ។</p>
<p>លោក ក៏បានរំឮកផងដែរថា នាពេលកន្លងមករាជរដ្ឋាភិបាលកម្ពុជា ក៏ដូចជាបានធ្វើការណែនាំ និងក្រើនរំឮក ដល់ កងរក្សាសន្ដិភាពរបស់ខ្លួន មុនចេញដំណើរបេសកកម្មទាំងនោះ ឲ្យគោរពឲ្យបានខ្ជាប់ខ្ជួននូវក្រមសីលធម៌ និង បទ បញ្ជា ដើម្បីសម្រេចឲ្យបាននូវជោគជ័យ ដែលប្រទេសជាតិ និងអង្គការសហប្រជាជាតិប្រគល់ភារកិច្ចជួន។</p>
<p>ករណីស្លាប់នេះ ជាលើកទីមួយហើយចាប់តាំងពីប្រទេសកម្ពុជា បញ្ជូនកងរក្សាសន្ដិភាពរបស់ខ្លួន ចាប់តាំងពីឆ្នាំ ២០០៦៕</p>
<p><img title="" src="http://image.dap-news.com:81/dap-news/dap-images/2014/June/id-078/Lay-118.jpg" alt="Photo by DAP-News" width="500" /></p>
<p><img src="http://image.dap-news.com:81/dap-news/dap-images/2014/June/id-078/Lay-119.jpg" alt="Photo by DAP-News" width="500" /></p>
<p style="text-align: right;"><br />ផ្តល់សិទ្ធិដោយ៖ ដើមអម្ពិល</p>