<p><span style="color: #000000;"><strong>(ភ្នំពេញ)៖</strong> ការផ្សព្វផ្សាយព័ត៌មាននៅលើ Facebook របស់សម្តេចអំពី «អតីតមិត្តរួមអាវុធរបស់សម្តេច គឺលោក ញ៉ឹក ហួន មានជំងឺជាទម្ងន់។ ក្រោយទទួលបានដំណឹងនេះសម្តេចតេជោ បានចុះសួរសុខទុក្ខលោក ញឹក ហួន ដល់គេហដ្ឋានភ្លាមៗផងដែរ។ ជាមួយការចុះសួរសុខទុក្ខនេះ សម្តេចតេជោ បានលើកទឹកចិត្តយុទ្ធមិត្តឲ្យខិតខំព្យាបាលជំងឺរបស់ខ្លួន។ ដោយសម្តេចតែងនឹករលឹកជានិច្ច ដល់យុទ្ធមិត្តរួមសមរភូមិជានិច្ច»។</span></p>
<p><span style="color: #000000;">ពាក់ព័ន្ធនឹងការផ្សាយដំណឹងនេះ គឺបានបង្ហាញការយកចិត្តទុករបស់សម្តេចតេជោ និងផ្តល់ជាកម្លាំងចិត្តដើម្បីជំរុញឲ្យព្យាបាលជំងឺឲ្យជាសះស្បើយ ប៉ុន្តែបែរជាមានក្រុមនិយមប្រឆាំងមួយចំនួន បានសរសេរ Comment រិះគន់វាយប្រហារយ៉ាងព្រហើន ប្រើសំដីអសុរោះគ្មានសីលធម៌ ចំពោះសម្តេចខុសកាលទេស ខុសពេលវេលា និងខុសប្រធានបទ។ (សូមមើល Comment)</span></p>
<p><span style="color: #000000;">ជាមួយនោះសម្តេចតេជោ ហ៊ុន សែន បាន Comment ឆ្លើយតបយ៉ាងធ្ងន់ៗថា៖ <strong>«បើក្មួយឆ្កួតក៏កុំឆ្លៀតឆ្កួតនៅ ពេលបែបនេះដែរ។ ដោយសារចរិតពាលទាំងមេទាំងកូនបែបនេះហើយ ទើបសង្គមទទួលយកមិនបាន។ បើទោះក្មួយប្រឆាំង ក៏គួរចេះរកពេលប្រឆាំងឱ្យសមស្របដែរ កុំធ្វើពាលដូចមេក្មួយ»</strong>។</span></p>
<p><span style="color: #000000;">បន្ទាប់ពីមានការ Comment ធ្ងន់ៗទៅលើក្រុមនិយមប្រឆាំង, សម្តេចតេជោ ហ៊ុន សែន លើកឡើងទៀតថា៖ <strong>«ខ្ញុំសូមអរគុណ ជាពិសេសយុវជនដែលបានចូលរួមមតិយោបល់ ប្រកបដោយពាក្យសំដីល្អ សមរម្យដែលបង្ហាញឲ្យឃើញនូវគុណធម៌ និងសីលធម៌ខ្ពស់របស់ខ្មែរយើង។ ខ្ញុំពិតជាសោកស្តាយដែលបានឃើញយុវជនភាគច្រើន មកពីគណបក្សប្រឆាំងបានប្រើសំដីអសុរោះគ្មានសីលធម៌ សូម្បីតែខ្ញុំបានទៅផ្តល់កម្លាំងចិត្តដល់អតីតមិត្តរួមអាវុធ ដែលកំពុងមានជំងឺជាទម្ងន់ ក៏ពួកគេឆ្លៀតវាយប្រឆាំងប្រមាថមកលើខ្ញុំដែរ។ ខ្ញុំសង្ឃឹមថា យុវជននឹងប្រើប្រាស់ពាក្យសំដីបានល្អ សមរម្យថ្លៃថ្នូរនៅពេលមកកាន់ទំព័រខ្ញុំ។ ចំពោះការប្រមាថធ្ងន់ធ្ងរមួយចំនួន ដែលប៉ះពាល់ដល់កិត្តិយស និងសេចក្តីថ្ថៃថ្នូររបស់ខ្ញុំ គឺពិតជាមិនអាចទទួលយកបានឡើយ»</strong>។</span></p>
<p><span style="color: #000000;">ប្រជាពលរដ្ឋមួយចំនួន ដែលលេង Facebook បានសរសេរឲ្យដឹងថា ក្រុមអ្នកនិយមប្រឆាំង សូមប្រឆាំងឲ្យចំពេលវេលា និងកាលទេសផង ព្រោះថាគ្រាន់តែសម្តេចតេជោ ហ៊ុន សែន អញ្ជើញទៅសាកសួរសុខដល់អតីតមិត្តរួមអាវុធរបស់សម្តេចសោះ ក៏ត្រូវរងការរិះគន់ ប្រើសំដីអសុរោះគ្មានសីលធម៌ដែរ នេះពិតជាបង្ហាញពីទង្វើខ្វះការយល់ដឹង និងសេចក្តីថ្លៃថ្នូរ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/4/1247175115412324795244514541120869671899667o-04-01-2016--08-46-30.png"><img src="/FileManager/Articles/mce/2016/1/4/1247175115412324795244514541120869671899667o-04-01-2016--08-46-30.png" alt="" /></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>