<div class="article-content">
<p><strong>ភ្នំពេញ៖</strong> ប្រជាពលរដ្ឋ មួយចំនួនបាន សម្តែងក្តីកង្វល់ចំពោះ សុវត្ថិភាព សន្តិសុខគ្រាដែល<br />ករណី បាញ់បោះជាច្រើនគ្រាប់ បានផ្ទុះកើតឡើងទាំងកណ្តាលយប់ ។ ប្រជាពលរដ្ឋ បានចាត់<br />ទុកថា ការបាញ់បែបនេះ ជាការបន្លាច ប្រជាពលរដ្ឋ និងចង់សាកកម្លាំង ជាមួយសមត្ថកិច្ចថា<br />តើ ចាប់ពួកគេបានឬអត់?</p>
<p> ប្រជាពលរដ្ឋ នៅកន្លែងកើតហេតុ ត្រូវបានសមត្ថកិច្ច ដកស្រង់សម្តីថា នៅយប់ថ្ងៃទី៧ ខែវិច្ឆិកា<br /> ឆ្នាំ២០១៣ មានរថយន្ត ហ្វ័ររេន័រ មួយគ្រឿង ពណ៌ខ្មៅ ដែលបើកបរដោយ បុរសម្នាក់ បានឈប់<br />រថយន្ត នៅកន្លែងស្ងាត់ ហើយដកកាំខ្លី មួយដើមបាញ់ ជាច្រើនគ្រាប់ ឡើងលើ សង្ស័យចង់ ទម្លុះ<br />មេឃ ឫមួយខឹង និងនរណាម្នាក់ ទើបបង្កឲ្យ ភាពអណាធិបតេយ្យ ធ្វើឲ្យ ប្រជាពលរដ្ឋ ដែលរស់<br />ក្បែរនោះ នាំគ្នាភ័យខ្លាចស្មានថា មានករណី ចោរប្លន់ ឬក៏ករណីអ្វីផ្សេង ។</p>
<p>ប្រភពបន្តថា ហេតុការណ៍ ការបាញ់បោះសេរីនេះ បានកើតឡើងកាល ពីវេលាម៉ោង៩និង១០<br />នាទីយប់ ថ្ងៃទី៧ ខែវិច្ជិកា ឆ្នាំ២០១៣ នៅចំណុច ក្រោយមន្ទីរពេទ្យ លោកសង្ឃ ស្ថិតនៅតាម <br />បណ្តោយផ្លូវ ២៦១ ក្នុងសង្កាត់ទឹកល្អក់១ ខណ្ឌទួលគោក រាជធានីភ្នំពេញ ។</p>
<p>យោងតាម ប្រភពព័ត៌មាន ពីនារីម្នាក់ដែលឃើញ ហេតុការណ៍ និងសុំមិនបញ្ចេញ ឈ្មោះ បាន<br />ឲ្យដឹងថា នៅមុនពេលកើតហេតុ គេបានឃើញរថយន្តម៉ាក រថយន្ត ហ្វ័ររេន័រ មួយគ្រឿង ពណ៌<br />ខ្មៅ គ្មានស្លាកលេខ បានធ្វើដំណើរ ក្នុងទិសដៅពី ជើងទៅត្បូង ស្រាប់តែមកដល់ ក្រោយមន្ទីរ<br />ពេទ្យ លោកសង្ឃ រថយន្តខាងលើ ក៏ឈប់ រួចក៏បាន ឮសម្លេងផ្ទុះអាវុធ ជាច្រើនគ្រាប់ ដែលធ្វើ<br />ឲ្យមាន ការភ័យខ្លាច ដល់ប្រជាពលរដ្ឋ ដែលរស់នៅក្បែរនោះ។</p>
<p>នារីរូបនេះបានបន្តទៀតថា ក្រោយពីបុរសខាងលើបានបាញ់អស់ជាច្រើនគ្រាប់ ហើយក៏បើក<br />រថយន្តតិចៗ ទៅមុខបាត់តែមង្ត ។ បន្ទាប់ពីកើតហេតុប្រហែលជា ២០នាទី ទើបមានកម្លាំងនគរ<br />បាលមូលដ្ឋាន និងកម្លាំងនគរបាល ព្រហ្មទណ្ឌ ខណ្ឌទួលគោក ចុះមកធ្វើការសាកសួរ នៅ និង<br />កន្លែងកើតហេតុ រួចក៏មាននារីម្នាក់ ខាងលើ ដែលបានឃើញ ហេតុការណ៍នេះ ផ្ទាល់ភ្នែក ប្រាប់<br />សមត្ថកិច្ច ដើម្បីស្វែងរក អ្នកដែលបាញ់បោះនេះ យកមកផ្តន្ទាទោស តាមផ្លូវច្បាប់ ។</p>
<p>សមត្ថកិច្ចបញ្ជាក់ថា ជនបង្កបាញ់បោះសេរីខាងលើនេះ ប្រហែលជាគាត់អាងបុណ្យស័ក្កិធំ របស់<br />ខ្លួន ហើយមើលទៅ ទើបបានជាមកបាញ់បោះសេរី ទាំងកណ្តាល យប់ធ្វើ ឲ្យមានការភ្ងាក់ផ្អើល<br />បែបនេះ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/November/id-067/CH-0253.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>