<p><span style="line-height: 1.8; color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នៅព្រឹកថ្ងៃទី២៦ ខែធ្នូ ឆ្នាំ២០១៥នេះ បានរំលឹកអំពីការឈឺចាប់ និងរបួសធ្ងន់ដោយសារអំបែងគ្រាប់ ហើយត្រូវពិការភ្នែកម្ខាង នៅក្បែរគល់ស្ពានគីស្យូណាត្រើយខាងកើត នៃឃុំទន្លេបិទ ស្រុក ត្បូងឃ្មុំ ខេត្តកំពង់ចាម បច្ចុប្បន្នជា ខេត្តត្បូងឃ្មុំ នៅវេលាម៉ោង៦៖១៥នាទី ព្រឹកថ្ងៃទី១៦ ខែមេសា ឆ្នាំ១៩៧៥ នេះបើយោងតាម Facebook របស់សម្តេចតេជោ បង្ហាញនៅព្រឹកថ្ងៃនេះ។</span></p>
<p><span style="color: #000000;">សម្តេចតេជោ ហ៊ុន សែន បានបន្តលើកឡើងថា <strong>នេះហើយជាសង្គ្រាមដែលអ្នកនយោបាយជំនាន់មុនបង្កើតឡើង ដែលធ្វើឲ្យយុវជនរាប់ម៉ឺននាក់ស្លាប់ ឬរបួសពិការ ក្នុងនោះមានរូបសម្តេចម្នាក់ដែរ។ ដូច្នេះយើងត្រូវរួមគ្នាការពារនូវសន្តិភាព ដែលយើងរកបានដោយលំបាកនេះ។</strong></span></p>
<p><span style="color: #000000;">សម្តេចតេជោ បានសរសេរបង្ហោះនៅលើ Facebook របស់សម្តេចមានន័យយ៉ាងដូច្នេះថា៖ «ទីនេះហើយ ជាកន្លែងដែលខ្ញុំត្រូវរបួសធ្ងន់ ហើយត្រូវពិការភ្នែកឆ្វេងរហូតសព្វថ្ងៃ។ ខ្ញុំពិតជាឈឺខ្លាំងណាស់នៅពេលដែល គ្រូពេទ្យបានយកកាំបិតនិងកន្ត្រៃមកវះកាត់យកគ្រាប់ភ្នែកខ្ញុំចេញ។ ពីពេលនោះមកភាសាដែលនិយាយថាស្រឡាញ់ និងការពារដូចប្រស្រីភ្នែកមិនមែនជាពាក្យដែលខ្ញុំត្រូវនិយាយទៀតទេ ព្រោះប្រស្រីភ្នែកខ្ញុំម្ខាង បានបាត់បង់ទៅហើយ។ ខ្ញុំត្រូវរបួសម៉ោង ៦និង១៥នាទីព្រឹក ថ្ងៃទី១៦ ខែ មេសា ឆ្នាំ១៩៧៥ នៅក្បែរគល់ស្ពានគីស្យូណាត្រើយខាងកើត នៃ ឃុំ ទន្លេបិទ ស្រុក ត្បូងឃ្មុំ ខេត្ត កំពង់ចាម បច្ចុប្បន្នជា ខេត្ត ត្បូងឃ្មុំ។ នេះហើយជាសង្គ្រាមដែលអ្នកនយោបាយជំនាន់មុនបង្កើតឡើង ដែលធ្វើឱយយុវជនរាប់ម៉ឺននាក់ស្លាប់ឬរបួស ពិការ ក្នុងនោះមានរូបខ្ញុំម្នាក់ដែរ។ យើងត្រូវរួមគ្នាការពារនូវសន្តិភាព ដែលយើងរកបានដោយលំបាកនេះ»៕</span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfl1/v/t1.0-9/1919392_926970047351493_2421735855233199895_n.jpg?oh=a5ec751988319a4454061cb31fcb95c1&oe=570C5DB6&__gda__=1457059614_a15abf1ee6031dc22192d86f38cca278" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/l/t1.0-9/12369127_926970054018159_2886638288046458594_n.jpg?oh=03799f3b6df46734effe599ca9f451ac&oe=571809AB" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xla1/v/t1.0-9/12376287_926969994018165_2910559268145800157_n.jpg?oh=6efcf7954c5a6c9f74e5f14a9a080603&oe=56D541E6" alt="" width="730" /></span></p>
<p style="text-align: center;"> </p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>